Слушнете колку многу може да постигнат вашите слушалки WF-1000XM5
Задлабочете се во звукот и дознајте како да извлечете максимум од вашите нови слушалки WF-1000XM5. Тука ќе дознаете како да ги користите и приспособувате лесно достапните функции за да го прилагодите звукот по ваша желба.
Откријте што сè можат да ви понудат вашите слушалки
Запознавање
Прво користење на вашите слушалки
При првото вклучување, слушалките автоматски ќе преминат во режим на впарување. Потоа има три начини за впарување на WF-1000XM5 со вашиот уред.
Google Fast Pair
Ставете ги слушалките во режим на впарување во близина на вашиот телефон со Android и Fast Pair ќе ги поврзе со еден допир.
Swift Pair
Кога ќе го изберете режимот за впарување, на уредите со Windows 11 или Windows 10 во близина ќе се прикажат упатства за впарување.
Рачно впарување
При првото вклучување, слушалките автоматски ќе преминат во режим на впарување. За секое следно впарување треба да го притиснете и задржите копчето за вклучување 5 секунди. Индикаторот ќе почне да трепка по двапати и ќе ја слушнете пораката „впарување“.
Извлечете максимум од
слушалките WF-1000XM5 со Sony | Headphones Connect
слушалките WF-1000XM5 со Sony | Headphones Connect
Преземете Sony | Headphones Connect за да ги прилагодите поставките, како поврзување со повеќе уреди, режим за амбиентален звук и многу повеќе. Многу од поставките спомнати на оваа страница може да се прилагодат по ваша желба во апликацијата. За да пристапите до достапните функции во апликацијата мора да се најавите или да направите сметка.
Како да ги носите
Погледнете како може да добиете најостар звук
Погледнете го видеото за да дознаете како да ги вметнете вашите слушалки за да добиете најквалитетен звук.
Поврзување со повеќе уреди
Поврзете ги вашите слушалки со два уреди со Bluetooth® истовремено, за да можете да чекате дојдовни повици на едниот уред и да слушате музика од другиот уред.
Функции на звук
Приспособлива контрола на звук
Приспособливата контрола на звук е паметна функција која открива што се случува околу вас и ги прилагодува поставките за поништување шум или амбиентален звук за да овозможи идеално доживување при слушањето.
Активирање и прилагодување приспособлива контрола на звук
Отворете ја апликацијата Headphones Connect и вклучете ја за да го користите нејзиниот зададен режим за откривање.
Ако сакате да го приспособите, тогаш прилагодете ги поставките за поништување шум или снимање надворешни звуци во апликацијата.
Оптимизирано менување на поставките
Оваа функција учи како ги користите слушалките кога е активна приспособливата контрола на звукот и ги менува поставките во оптимално време.
Активирајте ја функцијата и следете ги пораките за да се најавите на вашата сметка на Headphones Connect.
Поставки врз основа на движења
Апликацијата Headphones Connect открива што се случува околу вас и што правите. Потоа автоматски ги прилагодува поставките како поништување на шум и амбиентален звук. На пример, ако трчате, нивото на амбиентални звуци може да се зголеми, или да се намали ако седнете во кафе-бар.
Како да почнете да користите поставки врз основа на движења
Во Headphones Connect, на картичката Статус, изберете ја стрелката за десно покрај функцијата за приспособлива контрола на звук.
Вклучете Приспособлива контрола на звук, потоа кликнете на иконата во вид на запчаник покрај „Откривање движења“. Така ќе се прикажат зададените поставки за секое движење: стоење, одење, трчање и транспорт.
Може да ги задржите зададените поставки или да ги промените, на пример, да го зголемите нивото на амбиентален звук кога пешачите за да слушате сè околу вас.
Поништување шум и фокусирање гласови
Изолирајте се од светот и слушајте тоа што сакате - ништо или само гласови.
Менување на поставките според локацијата
Поставете ги слушалките да ги менуваат поставките по ваша желба за местата што редовно ги посетувате.
Автоматска репродукција
Автоматска репродукција
Auto Play репродуцира музика и аудиоизвестувања секогаш кога ќе ви бидат потребни. Поставете ја музиката да се репродуцира во време што ќе го изберете, на пример, кога ги ставате слушалките или одите на прошетка за време на паузата за ручек. Аудиоизвестувањата ќе ве потсетат за сите важни настани, без да го вадите телефонот од џеб.
Поврзете се со апликациите Spotify, Endel и Music за брз пристап до вашата омилена музика и релаксирачки звуци. Апликацијата Auto Play е во бета-верзија, што значи дека нејзините функции може да се променат и подобрат .
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Како функционира Auto Play
Погледнете го видеото за да дознаете како функционира Auto Play кај
WF-1000XM5
Квалитет на звукот
Прилагодете ги поставките на еквалајзерот и поставките за проследување и зголемување на квалитетот за да уживате во подобро доживување при слушањето.
Прилагодете го звукот по ваша желба
Пронајдете звук што е совршен за вас и содржините што ги слушате со помош на еквалајзерот, поставките за висококвалитетен Bluetooth® и подобрување на звукот со DSEE Extreme.
Уживајте во звук од сите страни
Дознајте како да уживате во ново аудиодоживување со револуционерниот 360 Reality Audio.
Слушалки со сертификат за 360 Reality Audio
360 Reality Audio нуди прекрасно музичко доживување со кое вашите слушалки WF-1000XM5 создаваат сферично звучно поле од 360 степени - за да уживате во музика од сите страни. Отворете ја апликацијата Headphones Connect за да започнете.
Како да слушате 360 Reality Audio
Почнете да слушате 360 Reality Audio и дознајте како да проследувате песни со 360 Reality Audio од телефонот.
Практични функции
Дознајте како функционираат гласовниот помошник, копчето за брз пристап, безбедното слушање и гестикулациите со глава.
Гласовен помошник
Дознајте како да користите гласовен помошник со вашите слушалки WF-1000XM5. Треба само да кажете „Hey Google, what is the weather today?“ за да одлучите дали да го понесете палтото пред да излезете.
Како да поставите гласовен помошник
Отворете ја апликацијата Headphones Connect и активирајте го гласовниот помошник од картичката за системот. Потоа изберете го гласовниот помошник што го користите (Google, Alexa, Siri) за да започнете.
Приспособување на копчето за брз пристап
Брз пристап до вашата омилена музика.
Брз пристап до вашата омилена музика
Со функцијата за брз пристап, слушалките продолжуваат да репродуцираат музика од Spotify или од Endel - не треба да го допирате телефонот.
Пронајдете ја поставката за брз пристап. Изберете ја иконата во вид на запчаник за да прилагодите што ќе прави копчето за брз пристап [NC/AMB]. На пр., притиснете го копчето [NC/AMB] двапати за да продолжите да слушате од Spotify.
Гестикулација со глава
Контролирајте ги слушалките со гестикулации со глава
Ракувајте со слушалките користејќи гестикулации со глава, како одговарање или отфрлање повици или активирање Auto Play со движење на главата.
Гестикулациите може да се активираат во Headphone Connect. Функцијата треба да се калибрира пред првото користење. Потоа може да ги вклучувате или исклучувате функциите во апликацијата.
Безбедно слушање
Оваа функција поттикнува безбедно слушање за да ги заштити вашите идни музички доживувања.
Слушајте безбедно со апликацијата Sony | Headphones Connect
За заштита на вашите уши, споредете ја јачината на звукот што го слушате со податоците од СЗО. Кога ќе достигнете 80% од неделниот стандард за звучен притисок на СЗО, јачината на звукот автоматски ќе се намали на помало ниво. Ако сакате да ги следите придобивките, тогаш може да го визуализирате времето во кое поништувањето на шум ги штитело вашите уши од звуци што можат да го оштетат вашиот слух.
Грижа по купувањето и поддршка
Чистење на вашите слушалки
Дознајте како да ги чистите вашите слушалки WF-1000XM5 правилно, без да ги оштетите.
Чистење на вашите слушалки
Чистете ги слушалките редовно за да бидат во оптимална состојба. Ако слушалките или футролата за полнење се валкани, избришете ги со мека сува крпа.
Ажурирања на фирмверот
Ажурирајте ги вашите слушалки со најновите верзии на фирмверот.
Најново ажурирање на фирмверот
Ако ја користите апликацијата Sony | Headphones Connect, таа ќе ве извести кога ќе има ново ажурирање за преземање.
Ажурирајте го фирмверот на слушалките со најновата верзија за да ги добиете сите подобрувања и корекции на грешки.
Ако сè уште не сте ја преземале апликацијата Headphones Connect, тогаш преземете ја преку линковите или QR-кодовите подолу.
Често поставувани прашања
Имате прашање што сакате да го одговориме? Прво погледнете тука и дознајте повеќе за најчесто поставуваните прашања од други корисници на слушалките WF-1000XM5.
- 1. Активирајте го режимот за впарување на слушалките (притиснете го и задржете го копчето за вклучување 5 секунди).
- 2. Овозможете Bluetooth® на вашиот лаптоп/компјутер.
- 3. Впарете го и поставете го уредот.
- 1. Активирајте го режимот за впарување на слушалките (притиснете го и задржете го копчето за вклучување 5 секунди).
- 2. Активирајте впарување кај вториот уред. Инструкциите се различни во зависност од уредот - следете ги упатствата во следната статија за повеќе информации.
Електронското коло за поништување шум го открива надворешниот шум користејќи вградени микрофони и испраќа еднаков, но спротивен сигнал за поништување во слушалките. Со создавање на спротивниот сигнал, слушалките блокираат голем дел од надворешните извори на звук. Сепак, важно е да не заборавите на следното:
- • Ефектот може да не е забележлив во тивки опкружувања, а можно е и да слушнете некои звуци. Ако има мал амбиентален шум, ви препорачуваме да не ја вклучувате функцијата за поништување шум, бидејќи ѝ треба амбиентален шум за да работи оптимално.
- • Поништувањето шум не продолжува да биде активно при телефонски повици. Иако ве заштитува од шумот во вашето опкружување, вашиот соговорник најверојатно ќе го слуша шумот во заднина.
За повеќе информации, прочитајте ја следната статија.
Звукот може да патува само ако има медиум што ќе го транспортира, како воздух, вода, стакло или метал. Ако застанете во празна соба со звучник што репродуцира музика, тогаш ќе можете да ја слушнете музиката. Меѓутоа, ако воздухот од таа соба се отстрани, звучникот ќе продолжи да функционира, но нема да можете да слушнете никакви звуци бидејќи ќе нема медиум за транспортирање на звучните бранови.
Кога користите поништување на шум може да слушате надворешни звуци поради:
- • Заробен воздух помеѓу вашиот аудиоуред и ушното тапанче.
- • Различни нивоа на високи тонови. Поништувањето шум функционира најдобро кога високите тонови во амбиенталниот шум имаат мал или среден интензитет и шумот е константен. На пример, моторот на авионот создава константен звук со мал интензитет, што значи дека нивото на звук што го слушате не се менува. Спротивно на тоа, кога некој говори, звучните бранови се распространуваат според јачината на звукот и енергијата што се создава за секој збор. За разлика од моторот на авионот, интензитетот на говорот се менува често. Затоа може да слушнете како некој говори покрај вас.
Прочитајте ја статијата за да дознаете како да го подобрите поништувањето на шумот.
Проверете ги спецификациите на вашиот уред на страницата за поддршка за модели, за да утврдите дали вашиот телевизор и слушалките, звучниците и звучникот во вид на лента со Bluetooth® поддржуваат A2DP (Advanced Audio Distribution Profile).
Ставете го поврзаниот уред каде што го користите со слушалките и репродуцирајте музика или звук најмалку 2 минути. Потоа, веднаш допрете „Помош“ во апликацијата „Sony | Headphones Connect“ и изберете „Проверка на јачината на Bluetooth-сигналот“ за да ги прикажете резултатите.
- 1. Поврзете ги слушалките со компјутерот преку Bluetooth®. Инструкции за впарување ќе пронајдете во водичот за помош на слушалките.
- 2. Потврдете ги поставките на апликациите за видеоповици. Прочитајте ја статијата подолу за да дознаете повеќе информации.
Водич за помош
Дознајте сè што треба да знаете за WF-1000XM5.
Поддршка и новости
Добивајте информации за најновите ажурирања на фирмверот, вести и известувања.