Извонредно лесни и удобни - Linkbuds S се дизајнирани да ги носите цел ден. Тука ќе дознаете како да ги користите и приспособите лесно достапните функции за да се поврзете со сите ваши светови и да го прилагодите звукот по ваша желба.
Има три начини за впарување на Linkbuds S со вашиот уред.
Ставете ги слушалките во режим на впарување покрај телефон со Android и Fast Pair ќе ги поврзе со еден допир.
Со Fast Pair може да пронајдете каде сте ги оставиле слушалките со звучен сигнал или со проверка на нивната последна позната локација преку Find My Device од Google во вашиот телефон.
Кога ќе го изберете режимот за впарување, на уредите со Windows 11 или Windows 10 во близина ќе се прикажат упатства за впарување.
При првото вадење на слушалките од футролата за полнење, тие автоматски ќе преминат во режим на впарување. За секое следно впарување треба да ги оставите слушалките во футролата со отворен капак. Задржете го копчето за впарување на футролата за полнење приближно 5 секунди или повеќе. Индикаторот на футролата ќе трепне двапати и слушалките ќе преминат во режим на впарување. По активирање на режимот за впарување може да ги извадите слушалките од футролата.
Преземете Sony | Headphones Connect за да ги прилагодите поставките за амбиентален звук, поништување шум, приспособлива контрола на звукот и друго. Многу од поставките спомнати на оваа страница може да се прилагодат по ваша желба преку апликацијата.
Слушалките LinkBuds S нудат поставки за интуитивна контрола на допир. Може да доделите функции по ваш избор на двете слушалки преку апликацијата Headphones Connect.
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Погледнете го ова видео за да дознаете како да ја контролирате репродукцијата, јачината на звукот, дојдовните повици и многу повеќе, со помош на практичните контроли на допир.
Поврзете ги вашите слушалки со два уреди со Bluetooth® истовремено, за да можете да чекате дојдовни повици на едниот уред и да слушате музика од другиот уред. За оваа функција е потребно да го ажурирате фирмверот на слушалките, а тоа може да го направите преку апликацијата Headphones Connect.
Со приспособливата контрола на звукот, апликацијата Headphones Connect открива што се случува околу вас и ги прилагодува поставките за поништување шум или контрола на амбиенталниот звук.
Отворете ја апликацијата Headphones Connect и вклучете ја за да го користите нејзиниот зададен режим за откривање.
Ако сакате да го приспособите, тогаш прилагодете ги поставките за поништување шум или снимање надворешни звуци во апликацијата.
Оваа функција учи како ги користите слушалките кога е активна приспособливата контрола на звукот и ги менува поставките во оптимално време.
Активирајте ја функцијата и следете ги пораките за да се најавите на вашата сметка на Headphones Connect.
Апликацијата Headphones Connect открива што се случува околу вас и што правите. Потоа автоматски ги прилагодува поставките како поништување на шум и амбиентален звук. На пример, ако трчате, нивото на амбиентални звуци може да се зголеми, или да се намали ако седнете во кафе-бар.
Во апликацијата Headphones Connect, во поставката за приспособлива контрола на звук, „Откривање движења“ ќе се активира со зададените поставки за откривање.
Може да ги задржите зададените поставки или да ги промените, на пример, да го зголемите нивото на амбиентален звук кога пешачите за да слушате сè околу вас.
Изолирајте се од светот и слушајте тоа што сакате - ништо или само гласови.
Не пропуштајте ги омилените звуци, независно каде се наоѓате. Приспособливата контрола на звукот го поништува надворешниот шум, а воедно ги пропушта гласовите за да не пропуштите важни известувања, на пример, при секојдневните патувања.
Поставете ги слушалките да ги менуваат поставките по ваша желба за местата што редовно ги посетувате.
Уживајте во ново аудиодоживување со игрите со изменета реалност и слушајте звуци што доаѓаат кон вас од различни правци и создаваат реално доживување при играњето игри.
Гејмери, ова е нова функција што мора да ја пробате! Користејќи нов сензор, технологија за просторен звук и следење на главата, LinkBuds S репродуцираат реален звук кога играте игри со изменета реалност, како што е „Ingress“ од Niantic.
Кога слушате звук што доаѓа кон вас од различни правци, според случувањата во играта, ќе станете попрецизни и подобри од конкуренцијата.
За да пробате, преземете ја апликацијата „Ingress Prime“ на вашиот паметен телефон и играјте ја играта додека ги носите слушалките LinkBuds S.
Поставете ги слушалките, за кога ќе сакате да разговарате, сè што ќе треба да направите е да почнете да зборувате.
Прилагодете ги поставките на еквалајзерот и поставките за проследување и зголемување на квалитетот за да уживате во подобро доживување при слушањето.
Пронајдете звук што е совршен за вас и содржините што ги слушате со помош на еквалајзерот, поставките за висококвалитетен Bluetooth и подобрување на звукот со DSEE Extreme.
Дознајте како да уживате во ново аудиодоживување со револуционерниот 360 Reality Audio.
360 Reality Audio нуди прекрасно музичко доживување со кое вашите слушалки Linkbuds S создаваат сферично звучно поле од 360 степени - за да уживате во музика од сите страни. Отворете ја апликацијата Sony | Headphones Connect за да започнете.
Почнете да слушате 360 Reality Audio и дознајте како да проследувате песни со 360 Reality Audio од телефонот.
Дознајте како работат функциите за гласовен помошник, брз пристап, сензор за носење и брзо полнење.
Дознајте како да користите гласовен помошник со вашите слушалки Linkbuds S. Треба само да кажете „Hey Google, what is the weather today?“ за да одлучите дали да го понесете палтото пред да излезете.
Отворете ја апликацијата Headphones Connect и активирајте го гласовниот помошник од картичката за системот. Потоа изберете го гласовниот помошник што го користите (Google, Alexa, Siri) за да започнете.
Со функцијата за брз пристап, слушалките продолжуваат да репродуцираат музика од Spotify или од Endel - не треба да го допирате телефонот.
Пронајдете ја поставката за брз пристап. Изберете ја иконата во вид на запчаник за да прилагодите што ќе прави функцијата за брз пристап. На пр., два допира за да продолжите со репродукција од Spotify.
Моментална пауза. Моментална репродукција.
Ако треба да ги извадите слушалките на кратко, музиката автоматски ќе се паузира. Кога ќе ги ставите повторно, музиката ќе продолжи од таму каде што сте престанале да слушате.
Слушајте цел ден, полнете неколку минути.
Се брзате? Со брзото полнење од само 5 минути ќе добиете време за репродукција до 60 минути, а апликацијата Headphones Connect ќе ве извести кога енергијата во футролата за полнење ќе падне под 30%.
Дознајте како да ги чистите вашите слушалки Linkbuds S правилно, без да ги оштетите.
Ако слушалките се валкани, избришете ги со мека и сува крпа. Ако слушалките се многу валкани, натопете крпа со растворен неутрален детергент и исцедете ја добро пред да ги исчистите слушалките. Не користете разредувач, бензен или алкохол бидејќи можат да ја оштетат површината на слушалките или да предизвикаат други штети.
Ажурирајте ги вашите слушалки со најновите верзии на фирмверот.
Ако ја користите апликацијата Sony | Headphones Connect, таа ќе ве извести кога ќе има ново ажурирање за преземање.
Ажурирајте го фирмверот на слушалките со најновата верзија за да ги добиете сите подобрувања и корекции на грешки.
Имате прашање што сакате да го одговориме? Прво погледнете тука и дознајте повеќе за најчесто поставуваните прашања од други корисници на слушалките LinkBuds S.
Електронското коло за поништување шум го открива надворешниот шум користејќи вградени микрофони и испраќа еднаков, но спротивен сигнал за поништување во слушалките. Со создавање на спротивниот сигнал, слушалките блокираат голем дел од надворешните извори на звук. Сепак, важно е да не заборавите на следното:
За повеќе информации, прочитајте ја следната статија.
Проверете ги спецификациите на вашиот уред на страницата за поддршка за модели, за да утврдите дали вашиот телевизор и слушалките, звучниците и звучникот во вид на лента со Bluetooth® поддржуваат A2DP (Advanced Audio Distribution Profile).
Ако ништо од горенаведеното не ви помогне, тогаш ресетирајте ги слушалките или вратете ги на фабрички зададените поставки. За повеќе информации, кликнете на линкот подолу.
Повеќе информации за овие точки, како и други совети, може да пронајдете на линкот подолу.
Звукот може да патува само ако има медиум што ќе го транспортира, како воздух, вода, стакло или метал. Ако застанете во празна соба со звучник што репродуцира музика, тогаш ќе можете да ја слушнете музиката. Меѓутоа, ако воздухот од таа соба се отстрани, звучникот ќе продолжи да функционира, но нема да можете да слушнете никакви звуци бидејќи ќе нема медиум за транспортирање на звучните бранови.
Кога користите поништување на шум може да слушате надворешни звуци поради:
Прочитајте ја статијата за да дознаете како да го подобрите поништувањето на шумот.
Дознајте сè што треба да знаете за LinkBuds S.
Добивајте информации за најновите ажурирања на фирмверот, вести и известувања.
