Домашната забава што ја нуди Sony станува сè подобра во 2015 година, бидејќи оваа естетика се пренесува од телевизорите на звучниците во вид на лента, Blu-ray Disc™ плеерите и други производи кои заедно создаваат „композиција“ на просторија. Тие нудат ново ниво на хармонија, а усогласената опрема е само почеток. Овие системи, исто така, можат да се усогласат со мебелот и да внесат кохерентност во собата како целина. Препознатливите квалитети на секој подобрен уред се очигледни, а нивните улоги или функции се претставени со геометриски форми. Постои моќно взаемно дејство помеѓу формите кое ги надминува различните категории на производи. Производите изгледаат како создадени едни за други, независно како или каде се поставени.

Тоа што ги истакнува практичните улоги на екраните, звучниците, држачите и другите елементи се контрастните текстури, како завршните обработки со брусен метал и кожна текстура. Овие препознатливи материјали оформуваат дел од дизајнот што го споделуваат овие производи, кој навлегува во детали како што е доследното заоблување на рабовите. Затоа производите изгледаат одлично кога се заедно, независно каде се поставени во просторијата.

Дизајнот е безначаен доколку тој не го содржи тоа за што се создадени елементите на производите – нивната намена. Нема потреба од претерани додатоци. Отстранете сè што не е неопходно за да можат елементите да ја исполнат својата улога и геометриските форми ќе станат неминовни. Едноставноста на оваа геометрија овозможува дури и различните форми да изгледаат сосема нормално кога се поставени едни покрај други. Формите изгледаат толку нормално кога се заедно што создаваат визуелна хармонија дури и со различни категории на производи.

4K телевизорите BRAVIA® од 2015 година уште повеќе одговараат во дневната соба. Изгледот на сите елементи е подобрен според својата улога, поради што телевизорите изгледаат поедноставни. Тоа може да се заклучи по екранот - важен елемент кој е потенок и изгледа како обична тенка плоча. И држачот е потенок, но е многу цврст. Алуминиумскиот потпорен држач нуди стабилност за големи екрани со минимални допирни точки со подот. Рационализирањето е очигледно и кај останатите елементи, како лебдечкото интелигентно јадро под екранот кое е потенко и покомпактно. Овие темелни подобрувања ги прават телевизорите да изгледаат потенки.

Новите BRAVIA® телевизори со потенки екрани изгледаат беспрекорно во дневната соба. Но, вложивме огромни напори во подобрувањето на сите елементи за да ги направиме телевизорите неверојатно лесни и да изгледаат дека лебдат. Кај моделите X900C вградивме нова и напредна „технологија за обложување рабови“ и испакнат алуминиумски држач кој е цврст и неверојатно тенок. Серијата X930C се одликува со професионално обликуван алуминиумски држач. Овој дизајн е резултат на професионално производство.

Секоја неопходна улога, на пример, репродукција на звук со суштина или прикажување слики кои оставаат впечаток, е усогласена со совршената геометриска форма и препознатливата завршна обработка. Кај звучниците во вид на лента, овие едноставни геометриски форми претставуваат елементи кои создаваат врвен звук, како што се звучниците и засилувачите. Кај Blu-ray Disc плеерите, тие претставуваат елементи поврзани со читање и контролирање дискови, како што е лежиштето за дискови и копчињата. Овие важни карактеристики се надополнети со завршни обработки во мат бои, сјајни бои или други препознатливи обработки. Доследните детали во сите категории на производи – како специфичното заоблување на рабовите за подобар звук или завршната обработка со кожна текстура на одредени површини – ги подобруваат системите како целина.

Препознатлив кога го гледате странично, паралелограмот што го формираат овие звучници во вид на лента овозможуваат лесно поставување на маса и на ѕид. И во двата случаи, HT-CT780 и HT-CT380 нудат доживување при слушањето за паметење. Ромбоидната форма на производите што најчесто се поставуваат пред телевизорите не дозволува големите звучници да ви пречат додека гледате во екранот. Тие се закосени нагоре, имаат низок профил и не пречат при гледањето. Кога звучникот во вид на лента е монтиран на ѕид, формата заштедува простор и ги насочува звучниците нанапред. Не само што овој дизајн нуди оптимално слушање додека гледате телевизија, туку овозможува и елегантно усогласување на звучниците во секоја дневна соба.

Blu-ray Disc плеерите најчесто се поставуваат покрај телевизорите и звучниците. Примената на наједноставната форма на правоаголници создава идеална рамнотежа во комбинација со другите компоненти. Во минималистичкиот стил на BDP-S6500 и BDP-S5500, секоја функционална единица на плеерот зафаќа сопствен правоаголен блок во куќиштето. Овие привлечни коцки се разликуваат по завршната обработка - брусен метал околу лежиштето за дискови, сјајна завршна обработка околу копчињата и мат боја на основата. Заедно формираат прекрасна целина. Комбинацијата од едноставни геометриски облици - во овој случај, споени коцки – се олицетворение на врвната геометрија.

Дизајнот со врвна геометрија претставува многу повеќе од надворешен стил. Концептот е вграден и во самите функции на производот. Кај звучниците во вид на ленти, искрениот пристап кон идеалните акустички форми нè приближи до геометриските форми. За да го создадеме најдоброто забавно доживување, ни требаше дизајн кој ќе го отклучи целиот потенцијал на функциите на производот. Телевизорите и домашните кина од Sony ја делат истата естетика, така што дури и различните видови на производи можат да се надополнат меѓусебно во дневната соба.