Достапноста на боите може да се разликува во зависност од регионот.
Кога слушалките се целосно наполнети, тие нудат енергија за 9 часа, а практичната футрола за полнење нуди уште 9 часа. Така добивате вкупно 18 часа за слушање без шум. Ако е исклучено поништувањето на шум, батеријата трае подолго - 13 часа со целосно полнење и уште 13 часа од футролата за полнење, за репродукција до 26 часа. Доколку се брзате, со брзото полнење од 10 минути ќе добиете енергија за репродукција на музика до 60 минути со поништување на шум.
Одликувајќи се со ознака IP55 за отпорност на вода и прав, слушалките WF-SP800N можат и да се перат, поради што се совршени за активен животен стил и надворешна употреба.
Заоблениот прицврстувач со меко перниче и тродимензионалниот заоблен дизајн овозможуваат сигурно и удобно вметнување. Вие ќе се движите, но не и вашите слушалки.
(A) СТАРО: пренос од лево кон десно преку BT.
(B) НОВО: истовремен пренос до лево и десно уво преку BT
Чипот за Bluetooth® што го пренесува звукот до двете уши истовремено, заедно со оптимизираниот дизајн на антената, овозможува стабилна врска и неверојатно слушање. Малото доцнење на звукот придонесува и за одлично доживување при гледањето содржини.
Вклучени се 2 големини на заоблени прицврстувачи за сигурно поставување, како и 5 големини на долги и хибридни ушни влошки од силикон и гума за да ви овозможиме совршено вметнување во ушите, максимален квалитет на звукот и минимален надворешен шум.
Компактната футрола за полнење не само што ги заштитува вашите слушалки WF-SP800N, туку може и да ги полни кога сте во движење. Таа нуди едно целосно полнење за да уживате во слушање музика до 18 часа со поништување на шум и до 26 часа без поништување на шум. Достапно е и брзо полнење.
Подобрете ги ритмите и вашиот настап. EXTRA BASS нуди моќен звук со ниски фреквенции што ќе ве инспирира да продолжите да се забавувате.
Без разлика дали сакате посилен или послаб бас, оставете ја апликацијата Sony | Headphones Connect да ги приспособи нивоата на звук според музиката.
Кога ви треба посебна листа за репродукција за да вежбате понапорно, поништувањето на шумот ќе ги блокира пречките како звуците во салата или на улица. Ќе го слушате само ритамот на музиката.
Со режимот за амбиентален звук ќе бидете свесни за опкружувањето додека сте во движење. Спојте ја музиката што ја сакате со звуците од вашето опкружување за да уживате во омилените песни и да го слушате партнерот за вежбање или да слушате сè околу вас додека трчате.
Приспособливата контрола на звукот е функција што автоматски открива што правите, на пример, трчате, пешачите, чекате или патувате, а потоа ги прилагодува поставките за амбиентален звук според вашето опкружување. Прилагодете ги поставките по ваша желба преку апликацијата Sony | Headphones Connect - таа може да ги научи вашите омилени локации, на пр., сала или парк.
Ако ставите прст врз слушалката, звукот ќе се намали и ќе почнете да слушате амбиентални звуци. Така може да разговарате со некого без да ги вадите слушалките.
Користете ги контролите на допир за репродукција, запирање или прескокнување песни и прилагодување јачина на звукот. Прилагодете ги контролите на допир на едноставен начин. Sony | Headphones Connect ви овозможува да доделувате алтернативни опции.
Управувајте со дневните обврски разговарајќи со помошникот. Забавувајте се, поврзете се со пријателите, добивајте информации, слушајте музика и известувања, поставувајте потсетници и многу повеќе.
WF-SP800N репродуцираат појасни гласови за повици без користење на рацете, а на повиците може да одговарате преку една или двете слушалки истовремено. Така ќе можете да ги полните наизменично или јасно да го слушате соговорникот во бучни опкружувања.
WF-SP800N ја поддржуваат функцијата Fast Pair на Google. Таа овозможува лесно пронаоѓање на слушалките WF-SP800N со звучен сигнал или проверка на нивната последна локација преку Find My Device од Google во вашиот паметен телефон.
Достапноста на боите може да се разликува во зависност од регионот.
Со сертифицираните слушалки за 360 Reality Audio и апликацијата Sony | Sound Connect може да го оптимизирате вашето доживување преку анализирање на формата на вашите уши, а потоа да уживате во најдоброто музичко доживување.
