WF-1000XM3
Паузирајте го светот околу вас - најважно е да се поврзете со вашата музика. Нема шум, нема кабли, нема пречки. Само прекрасен звук, напредно поништување на шум и слобода при слушањето со часови.
Технологијата за поништување на шум во слушалките WF-1000XM3 е нашата најнапредна технологија што досега е вградена во потполно безжични слушалки, заедно со нашиот процесор QN1e за HD-поништување на шум. Сето ова ќе ви помогне да потонете целосно во вашата музика.
Двата микрофони - по еден на предната и задната страна - на површината на слушалките доловуваат повеќе амбиентални звуци во вашето опкружување, независно дали е тоа звук од авион во лет, градски сообраќај или разговори во канцеларијата.
Штом наменскиот процесор QN1e за HD-поништување на шум открие амбиентален звук, тој веднаш се активира. Не само што поништува значително повеќе шум при сите фреквенции, туку и троши помалку енергија.
Опремени со напредна технологија за звук, слушалките WF-1000XM3 со поништување на шум не само што овозможуваат слушање без шум, туку и нудат звук со неверојатен квалитет.
Малиот и моќен звучник од 6 мм вграден во слушалките создава богат, јасен и распространувачки звук.
Повеќенаменскиот процесор QN1e за HD-поништување на шум нуди комбинација од дигитално поништување на шум, обработка на 24-битни аудио сигнали и дигитално-аналоген конвертор со засилувач за слушалки. Резултатот? Неверојатен звук со минимално изобличување.
Процесорот за подобрување на дигитален звук HX (DSEE HX™) ги подобрува компресираните дигитални музички датотеки до квалитет сличен на звукот со висока резолуција.
Благодарение на безжичната технологија Bluetooth® и ергономското вметнување за целодневна удобност, слушалките WF-1000XM3 со поништување на шум нудат максимална безжична слобода.
Дали гледате видео содржини на вашиот паметен телефон или таблет-уред? Напредната безжична врска на WF-1000XM3 прецизно ги синхронизира сликите со звуците што ги слушате преку слушалките за поголемо уживање при гледањето.
(A) Пренос од лево кон десно преку BT со WF-1000X.
(B) Истовремен пренос до лево и десно уво преку BT со WF-1000XM3
Чипот за Bluetooth® што го пренесува звукот до двете уши истовремено, заедно со оптимизираниот дизајн на антената, овозможува стабилна врска и неверојатно слушање. Малото доцнење на звукот придонесува и за одлично доживување при гледањето содржини.
Позиционирањето на антената за Bluetooth® на слушалките е оптимизирано за да се овозможи поголема покриеност. На тој начин се зајакнува сигналот за непрекинато проследување.
Слушалките што поништуваат шум се ергономски дизајнирани за да допрат во три точки на вашите уши и да овозможат сигурно и удобно вметнување.
Гумената површина со висок фактор на триење ги прицврстува слушалките со поништување на шум во вашите уши за да спречи ненамерно испаѓање.
Вклучени се 3 големини на ушни влошки за тројно поголема удобност и 4 големини на долги хибридни ушни влошки од силикон и гума за совршено вметнување во ушите, максимален квалитет на звукот и минимален надворешен шум. Вклучен е и USB-C-кабел за полнење.
Кога слушалките се целосно наполнети, тие нудат енергија за 6 часа, а практичната футрола за полнење нуди 3 дополнителни полнења што се доволни за целодневно користење. Така добивате 24 часа за слушање без шум. Ако е исклучено поништувањето на шум, батеријата трае подолго - енергија за 8 часа при целосно полнење, а со 3-те дополнителни полнења од футролата за полнење добивате енергија за репродукција до 32 часа.
Понекогаш ви треба музика, веднаш. Ако преостанува малку енергија во слушалките, со брзо полнење од 10 минути во футролата за полнење ќе добиете енергија за репродукција до 90 минути.
Вратете ги слушалки со поништување на шум во футролата за полнење и тие ќе се позиционираат на место благодарение на магнетната внатрешност. USB-C-кабелот овозможува брзо и лесно полнење на футролата, за да бидете подготвени за слушање за следниот ден.
Ако го ставите прстот врз слушалката, јачината на звукот ќе се намали и ќе почнете да слушате амбиентални звуци, за да разговарате со некого без да ги вадите слушалките. Интуитивна контрола на допир - допрете ја левата слушалка за да преминете од режим за поништување на шум во режим за амбиентален звук. Може да доделите и други опции, како Google Assistant, Amazon Alexa и контрола на јачината на звукот, на двете слушалки преку Sony | Headphones Connect.
Апликацијата Sony | Headphones Connect нуди приспособлива контрола на звукот - паметна функција што автоматски открива што правите - на пример, дали патувате, пешачите или чекате - па ги прилагодува поставките за амбиентален звук според ситуацијата. Исто така, може да ги прилагодите поставките по ваша желба.
Патувајте без прекини и уживајте во музиката без шум во заднина.
Бидете свесни за сè што ве опкружува, од улиците до канцеларијата, а притоа уживајте во музика.
Слушајте важни соопштенија додека чекате, со намален шум во заднина.
Сензорот за близина во секоја слушалка може да открие дали носите една или две слушалки и соодветно да ја приспособи репродукцијата.
Извадете една слушалка и музиката автоматски ќе се паузира на двете страни.
Вратете ја слушалката и музиката автоматски ќе продолжи да се репродуцира.
Со апликацијата Sony | Headphones Connect, функцијата за контрола на амбиенталниот звук ви овозможува да ја прилагодувате јачината на звукот во заднина и ви нуди опција да слушате само гласови. Еквалајзерот, пак, ви овозможува да ги прилагодувате нивоата на звукот според вашата музика.
Google Assistant и Amazon Alexa и Siri
Организирајте го денот разговарајќи со вашиот омилен гласовен помошник. Забавувајте се, поврзете се со пријателите, добивајте информации, слушајте музика и известувања, поставувајте потсетници и многу повеќе.
Разговарајте слободно со лесното воспоставување повици без користење на рацете. Слушалките WF-1000XM3 репродуцираат појасни гласови, а на повиците може да одговарате преку која било слушалка или двете слушалки истовремено. На тој начин ќе можете да ги полните наизменично или јасно да го слушате соговорникот во бучни опкружувања.
Од слушалките со чист и минималистички изглед до футролата за полнење со врвна завршна обработка со текстура - добивате елегантен и дискретен стил.
Слушалките WF-1000XM3 и футролата за носење се достапни во различни бои што можат да се усогласат со вашиот стил.
Со сертифицираните слушалки за 360 Reality Audio и апликацијата Sony | Headphones Connect, оптимизирајте го слушањето преку анализа на формата на вашите уши, а потоа уживајте во врвно доживување.
Со BRAVIA XR™ и безжичниот предавател WLA-NS7
Уживајте во возбудливо доживување со Dolby Atmos® и 360 Spatial Sound што се приспособува кон вашите уши благодарение на BRAVIA XR и овие слушалки со безжичен предавател WLA-NS7.
Уживајте во звук што е оптимизиран за вас благодарение на Sony | 360 Spatial Sound Personalizer. Апликацијата го снима и анализира обликот на вашите уши, овозможувајќи им на слушалките да создадат уникатно звучно поле за вас кога ќе ги впарите со телевизорите BRAVIA XR.
Ако го приклучите безжичниот предавател WLA-NS7 од Sony во телевизор BRAVIA XR, тогаш слушалките ќе создадат фантомски звучници во идеален распоред околу вас за да уживате со Dolby Atmos. Уживајте во сцената и чувствувајте се како дел од случувањата.
Корисниците велат
