Известување за крај на поддршката за производи кои го користат оперативниот систем Windows 8.1

Microsoft Corporation објави дека ќе ја прекине поддршката за оперативниот систем Windows 8.1 на 10 јануари 2023 година и повеќе нема да нуди безбедносни ажурирања, поправки и техничка поддршка.

Според тоа, Sony нема да може повеќе да помага за нови технички или безбедносни проблеми или проблеми со квалитетот на нашите производи ако се поврзани со Windows 8.1 и нема да можеме да обезбедуваме безбедносни ажурирања, ниту да вршиме измени и потврдувања за нашите производи кои работат на Windows 8.1. Затоа имајте предвид дека е можно овие производи да не работат правилно или безбедно ако продолжите да ги користите со Windows 8.1.

Одредени верзии се компатибилни со понови верзии на оперативниот систем Windows. Погледнете ги страниците за поддршка за вашиот модел за да најдете информации за компатибилност и ажурирања за оперативниот систем Windows.

Забелешка: Sony не може да поддржува нови технички или безбедносни проблеми или проблеми со квалитетот на нашите производи предизвикани од користење на постари верзии на оперативниот систем Windows, како што се Windows 95, Windows 98, Windows Me, Windows 2000, Windows XP, Windows Vista, Windows 7 итн., за кои Microsoft веќе ја прекина поддршката.