Стерео звучници за на полица
Боите и функциите може да се разликуваат во зависност од земјата и моделот
Функции
Звук со висока резолуција за беспрекорен звук
Издигнете ја вашата колекција на дигитална музика на повисоко ниво со звукот со висока резолуција. Снимајќи ја музиката со повисока стапка отколку кај CD дисковите, поради што се зголемуваат аудио примероците во секунда и прецизноста на бит-стапката на секој примерок, звукот со висока резолуција создава речиси совршени снимки од музиката која се изведува. Уживајте во секој здив и дискретно движење за навистина емотивно доживување.
3-системски звучници со 3 составни звучници за поголема јасност
Слушајте ги сите звуци со природна длабочина и исклучителна јасност. 3-системските звучници за на полица содржат цврст MRC вуфер од 130 мм за динамичен бас, високотонец од 25 мм и супер високотонец од 19 мм дизајниран за репродукција на песни со звук со висока резолуција. Одликувајќи се со компактни димензии и влезна моќност до 100 W, овие звучници навистина ќе одговараат совршено во секоја просторија.
Супер високотонците го прошируваат звучното поле
Почувствувајте како вашата омилена музика се распространува низ просторијата со прецизност и рамнотежа. Овие звучници содржат нови супер високотонци со широко насочување. Нотите со висока фреквенција се репродуцираат прецизно низ огромно звучно поле – можете да одредите дури и каде се поставени инструментите – за да се чувствувате како на настап во живо.
Поголем звучен притисок со помала тежина
Малиот звучен притисок е честа слабост кај високотонците со мали димензии и може да предизвика небалансиран звук. Овие звучници содржат високотонци со голем звучен притисок, кој се создава со различни техники за намалување на тежината, вклучувајќи и вградување на магнетно електронско коло со поголема моќ и полесна CCAW (алуминиумска жица обложена со бакар) во звучната намотка.
Високотонец со голема прецизност за реален звук
Слушајте вокали кои совршено ја репродуцираат енергијата и страста на пејачот. Главниот високотонец со мека купола од 25 мм се одликува со влакна од полиестер за пореалистичен звук. Прецизното прилагодување на акустиката, користејќи напредна облога која го апсорбира звукот, го елиминира звучниот притисок во задниот дел на високотонците за да се добијат вокали кои звучат природно.
Вуферот од 130 мм ги засилува ниските фреквенции
Овој систем на звучници го применува новосоздадениот вуфер од 130 мм за длабок и стабилен бас. Користејќи пенеста целуларна дијафрагма со мика, тој репродуцира моќен бас и мали детали кои се потребни за јасните вокали и дијалози во средниот опсег.
Целуларен конус засилен со мика за звук без изобличувања
Совршениот партнер за денешната музика со моќен бас. Многу звучници користат конуси од хартија кои низ времето се извиткуваат и деградираат, што доведува до изобличување на звукот. Вуферите од целуларни влакна засилени со мика (MRC) се цврсти и ја задржуваат својата форма дури и при движење со голем притисок и брзина, така што можете да го засилите басот без загуби во квалитетот на звукот.
Богата акустика и кутија со цврст дизајн
Дрвените кутии со цевки се создадени за резонантна акустика. Несаканите вибрации се намалуваат и апсорбираат благодарение на издржливата конструкција со внатрешни споеви засилени со цврста дрвена структура. Нашите дизајнери, исто така, го оптимизираа видот и распоредот на материјалите во внатрешноста кои го апсорбираат звукот и овозможуваат контрола и прецизно прилагодување на резонантните вибрации во кутијата.
Закосени рабови на предната плоча за јасен звук
Елиминирањето на непотребниот шум од предната плоча и кутијата е неопходно за висококвалитетни перформанси. Благодарение на малку закосените рабови на предната плоча, прекршувањето на рабовите е помало и се добива јасно и природно звучно поле.
Врвни компоненти, врвен звук
Слабото поврзување може да има значајно влијание врз севкупниот квалитет на звукот. Затоа овие звучници користат само врвни компоненти: индуктори со воздушно јадро кај високотонците, силиконска челична плоча во вуферот, најдебели можни материјали за намотување и висококвалитетни фолиски кондензатори. Слушајте и уживајте во сите тонови на звукот со висока резолуција со детали какви што заслужуваат.
Дрвена завршна обработка за стил и квалитет
Овој звучник има паметна завршна обработка во црна боја која се вклопува во повеќето модерни ентериери. Дрвениот фурнир, исто така, ја задржува својата форма, поради што на звукот нема да влијаат промените во температурата и влажноста.
Висококвалитетна структура за репродуцирање јасна музика
Овие звучници се поставени на цврста основа. Цврстата кутија со цевки овозможува богата и резонантна акустика. Каналот за рефлективен бас, поставен на задната страна на звучникот, го елиминира несаканиот шум и ја подобрува репродукцијата на звуците со ниска фреквенција.
Компактен дизајн за на полица во мали простории
Овие мали звучници за на полица се многу компактни и заштедуваат простор за лесно поставување во тесни места. И покрај нивната компактна големина, тие нудат широк фреквентен одзив, дури до 53 Hz, поради што се идеален избор кога не сакате да добиете помал квалитет на звукот заради просторот.
Спецификации
- Фреквентен одзив
- 53Hz-50kHz
- Преден звучник
- 2
- Централен звучник
- 0
- Опкружувачки звук
- 0
Што има во пакетот
Упатство за употреба