HT-S400
Овој звучник со излезна моќност од 330 W и моќен безжичен сабвуфер внесува опкружувачки звук како во кино во вашата дневна соба. Гледањето филмови и телевизија е пореално, со длабок бас и појасни дијалози, а слушањето музика се претвора во побогато и позабавно доживување.
Звучникот во вид на лента го спојува висококвалитетниот стандард Dolby® Digital со нашата технологија за виртуелен опкружувачки звук S-Force PRO Front Surround. Тој ќе ве внесе во филмовите што ги сакате преку симулација на опкружувачки звук како во кино.
Користејќи само предни звучници, уникатната технологија на Sony за дигитална обработка на звучното поле виртуелно го репродуцира полето на опкружувачкиот звук, а звукот ќе доаѓа кон вас од две страни. Уживајте во богат и филмски опкружувачки звук.
Моќните звучници создаваат звук со широк опсег низ вашата просторија, благодарение на технологиите како X-Balanced Speaker Unit и заоблените засеци по работ на звучниците што ја подобруваат острината на вокалите. Затоа, без разлика дали гледате филмови или телевизија, нема да пропуштите ниту збор од дијалозите.
Предни звучници со X-Balanced Speaker Unit. Уникатната правоаголна форма на овие звучници максимално ја зголемува површината на мембраната. Таа го намалува движењето на мембраната без да го намали звучниот притисок, што резултира со помало изобличување и поголема острина на вокалите.
Заоблените засеци по работ на X-Balanced Speaker Unit ја подобруваат симетријата на вертикалната амплитуда, што е неопходно за јасен и квалитетен звук. Тоа се реализира со стратешки поставени засеци на работ што помагаат во контролата на оптоварувањето внатре и надвор од работ на мембраната.
Моќниот безжичен сабвуфер со голем звучник од 160 мм создава звук со подлабок и побогат бас.
Од интуитивни контроли до безжично поврзување - звучникот во вид на лента е дизајниран за опуштено користење.
Новиот и практичен далечински управувач нуди комбинација од удобен дизајн со лесно и интуитивно ракување. Во практичните функции спаѓаат наменски копчиња за прилагодување на јачината на звукот и поставките за звук.
Звучникот во вид на лента нуди избор на поставки за звук што се соодветни за содржините што ги гледате или слушате. Достапен е режим за говор што нуди појасни дијалози, ноќен режим за гледање телевизија без да ги разбудите другите во домот и функција за звучно поле што ги претвора стандардните песни, како стерео звук, во доживување со опкружувачки звук.
Испраќајте звук безжично кон вашиот звучник во вид на лента од телевизори BRAVIA од Sony што поддржуваат безжично поврзување. Безжичната врска ќе ви овозможи да ги вклучувате и исклучувате телевизорот и звучникот истовремено преку копчето за вклучување на BRAVIA. Така добивате уште една влезна врска преку Bluetooth® за друг извор.
Прозорецот со OLED-екран на звучникот во вид на лента нуди лесно видливи информации за статусот на функциите за далечинска контрола како влезен извор, јачина на звук и поставки за звук како звучно поле, режим за говор и ноќен режим.
Благодарение на вградениот кориснички интерфејс, поставките за звучникот во вид на лента се појавуваат автоматски во менито за брзо поставување на телевизорот BRAVIA заради лесна контрола на поставките за звук и јачина на звукот.
Симулиран кориснички интерфејс. Сликата е различна во зависност од регионот и производите.
Дизајниран да се вклопи беспрекорно во вашата дневна соба, овој звучник во вид на лента може да се монтира на ѕид и има рамна задна површина што совршено се прилепува до ѕидот.
Не секогаш филмовите и телевизијата се на прво место - звучникот во вид на лента може да ја репродуцира и вашата омилена музика. Користете ја технологијата Bluetooth® за безжично проследување музика од вашиот паметен телефон, таблет-уред или лаптоп.
Благодарение на HDMI ARC и влезниот оптички приклучок, звучникот во вид на лента може лесно да се поврзе со многу телевизори - за да можете да уживате во филмови, музика и други содржини.
HDMI ARC (повратен аудио канал) ви овозможува да се поврзете со компатибилни телевизори користејќи само еден кабел, за да избегнете неред од кабли.
Телевизорот не е компатибилен со HDMI ARC? Оптичкиот влез нуди висококвалитетен звук за филмови и други содржини.
Нашите производи се дизајнирани да понудат квалитетен звук и да ја заштитат животната средина.
За изработка на задниот панел на сабвуферот на HT-S400 се користи рециклирана пластика од Sony, што покажува дека Sony се стреми да го намали своето влијание врз животната средина.
