Усовршена реалност

Ние сме посветени во дизајнирањето телевизори што ја отсликуваат замислата на креаторот. Телевизорите MASTER ги исполнуваат критериумите на нашите инженери и реално ги прикажуваат сликите. Креаторите можат да бидат креативни и да видат како нивната визија се репродуцира во домот. 

Реализирајте ја намерата на креаторите

Повеќе од педесет години ги надминуваме границите за квалитет на слика кај телевизорите. Сега нашето искуство за создавање содржини со режисерите и усовршување на екраните што ја прикажуваат намерата на креаторите се обединија во телевизорите од препознатливата серија MASTER.

Киното се враќа во домот

Создавањето филмови и професионална опрема за снимање нè направи предводници на технологиите за филмови, а направивме и телевизори што создаваат кино во домовите. Целта е да создадеме најдобар концепт за телевизори што верно ќе ја прикаже намерата на креаторите. 

Репродукција на сите чувства

Нашата цел е квалитет на слика со доволно светлина за да се осветлат сите детали, доволно длабока темнина за да се воодушеват гледачите и доволно прекрасни бои за да се исполнат срцата. Сите чувства се репродуцираат со врвна реалност.

Предизвици за креаторите

Ги предизвикуваме креаторите максимално да ја искористат технологијата и да бидат креативни. Сега режисерите можат да создаваат нови филмски идеи и да видат како тие совршено се прикажуваат во домот.

Процесор за слика X1™ Ultimate

Реална репродукција на сите оригинални мисли

За премин од филмови на телевизија е потребна дигитална компресија на содржините, а тоа влијае врз квалитетот на сликата. При создавањето на серијата MASTER сакавме да ја доловиме сликата на креаторот во форма на дигитален сигнал и да ги намалиме загубите во квалитет. За ова беше потребен подобар процесор. 

Предизвикот за конверзија

Тоа што креаторите го гледаат за време на снимањето се кодира пред да се пренесе до телевизорот, а потоа се декодира и конвертира за да се прикаже на екранот. Процесорот X1™ Ultimate ги намалува загубите во квалитетот на сликата при овој процес.

Обработка на сигнали со висока бит-стапка

При создавањето на процесорот за слика X1™ Ultimate ја следевме филозофијата „не се губи ниту еден бит“. Сигналите се обработуваат со извонредно висока бит-стапка, а потоа им се обновува оригиналниот квалитет. 

Детално прилагодување сигнали за одредени панели

Процесорот за слика X1™ Ultimate препознава разлики во карактеристиките на панелите и нивните видови, а потоа соодветно го прилагодува сигналот - најнапредно прилагодување што сме го создале досега. 

Вградување најдобри компоненти

Компонентите што нудат голема прецизност и се дел од процесорот за сигнали помагаат во задржување на деталите низ целата слика за да добиете врвна реалност и приказ на телевизорот. 

Нашите професионалци, од објективи па сè до дневната соба

Во 2000 година, нашиот тим за телевизори започна соработка со Sony Pictures Entertainment за режимот за кино - првата функција за квалитет на слика кај телевизорите за создавање домашно кино. Оттогаш работевме заедно за да стандардизираме нови формати како што се 4K и HDR, така што гледањето филмови во домот е најблиску до замислата на креаторот досега.

OLED - совршен спој на звук и слика

Една од иновациите што се користат во кината е „звучник во екранот“, каде што звукот излегува директно од површината на екранот. Наместо да ги раздели сликата и звукот при зголемување на екранот, иновацијата „звучник во екранот“ ги обединува сликите и звукот за да создаде навистина прекрасно доживување. Квалитетот на сликата на нашата серија MASTER AF9 ја пренесува намерата на креаторите, а нејзината технологија Acoustic Surface Audio+™ совршено ја симулира иновацијата „звучник во екранот“, обединувајќи ги сликите и звукот во хармонија за да уживате при гледањето во домот исто како во кино.

Лого за X1 Ultimate
Лого за Acoustic Surface Pro

LCD - прекрасни слики од секој агол

Со зголемување на димензиите на LCD-екранот може да се забележат две карактеристики: ефект на заостаната слика при брзо движење на предметите и помала прецизност на боите при гледање под агол. Серијата MASTER ZF9 ги отстранува и двата проблеми и ја отсликува намерата на креаторите со помош на нови технологии со кои сликите остануваат прекрасни дури и на големи екрани.

Лого за X1 Ultimate
Лого за X-Wide Angle
Лого за X-Motion Clarity

Иновација за гледање во домовите.
Екосистемот на Sony и Netflix.

Благодарение на технолошките напредоци, моќта на телевизијата за изразување на замислите и инспирациите на креаторите никогаш не била подобра. Како резултат на тоа, гледачите може да уживаат во најразлични содржини за забава исполнети со возбудливи и прекрасни слики во своите домови. Многу години досега, Sony и Netflix ја предводеа индустријата и ја обликуваа иднината на телевизијата и работеа директно со креаторите за да ги пренесат нивните приказни на љубителите на забава низ целиот свет. По создавање на врвните технологии како 4K и HDR, корисниците добиваат доживувања како во кино во нивните удобни дневни соби.

Потребна е претплата за проследување од Netflix

Калибриран режим на Netflix

Netflix активно инвестира во создавањето оригинални програми користејќи ги најновите стандарди за видео, а заедно со Sony создаде калибриран режим на Netflix за да го зачува квалитетот на сликата. Овој режим е специјално создаден да го репродуцира истиот квалитет на слика како главната снимка за проценка за телевизија, за да се зачува замислата и намерата на режисерот.

Калибриран режим на Netflix

Забава, така како што била замислена

Калибрираниот режим на Netflix им овозможува на корисниците да гледаат серии, филмови, документарци и други видови приказни на начинот на кој биле создадени и наменети за гледање.

Телевизија со филмски стандарди

Телевизија со филмски стандарди 

Серијата MASTER нуди квалитет на слика што е сличен на главните снимки што се користат како стандарден репер во филмските студија и може да прикажува забавни содржини на телевизорот во нивната идеална состојба. 

Уживање во домашната забава

Возбуда како во кино кога сте во домот

Сега ентузијастите за забава го добиваат ова доживување во домот благодарение на серијата MASTER која, заедно со калибрираниот режим на Netflix, верно ги репродуцира содржините со кои приказните стануваат реалност.

Усовршена калибрација за беспрекорни бои

Што ги привлекува луѓето да гледаат филмови? Креативниот процес го сочинуваат многу елементи како сценарија, обработка на сцени, уредување и градација на бои. Приказната на режисерот се реализира кога овие елементи верно ќе се репродуцираат на телевизорот за да уживате во прекрасно, емотивно и визуелно доживување. Најважна е репродукцијата на бои со која се откриваат изразите на лицата на актерите прикриени во сенка, дискретните детали при неочекуван блесок на светлина и постепените градации од темнина до светлина. Серијата MASTER прецизно се калибрира во фабриката за да можат еднаквоста и балансот на белата боја да ги исполнат потребите на професионалните креатори на содржини и да понудат доследни високи перформанси.

Лого за CalMAN

Зачувување на страста од креаторите на содржини

За обработка на варијантите на боите од процесот на производство, серијата MASTER го поддржува софтверот CalMAN® за автоматска калибрација со високи перформанси од Portrait Displays. Добивате врвна калибрација и детални прилагодувања што не се можни преку стандардните поставки на сликата, како и реалистична репродукција на бои што се верни на оригиналниот сигнал, а можат да се приспособат дури и при најмали промени на боите. Серијата MASTER го им ги нуди на корисниците придобивките од софтверот CalMAN® што го користат креаторите на видеосодржини за обработка по снимањето и работни процеси за контрола на квалитетот, што ја докажува нашата посветеност за создавање слики со прецизна калибрација на бои од професионална класа во домот.