Врвен и пренослив звукNW-ZX2
Ви откриваме што се крие зад врвниот звук
Слушањето музика со врвни аудио производи претставува задоволство. За да импресионираме поширока публика создадовме нов дизајн.
Задоволување на повеќе слушатели со беспрекорен звук
Слушањето MP3 или AAC содржини е широко распространето, но и популарно поради паметните телефони и мобилните уреди, а сè помалку лица ја бараат реалистичноста на звукот со висока резолуција. Сакаме повеќе луѓе да слушнат што пропуштаат, со доживувања при слушањето кои ги надминуваат CD дисковите - особено сега кога напредоците во дигиталниот звук ги зголемија квантитетот и квалитетот на проследувањето и дистрибуцијата. Во меѓувреме, фактот дека безжичното слушање е попопуларно покажува дека луѓето сакаат едноставност и практичност. Ова беше вистински момент да преиспитаме што е тоа што го прави звукот извонреден и да создадеме нов дизајн за сегашноста и иднината, да ви пренесеме по што се разликува ова доживување при слушањето.
Што сакаат луѓето од аудио производите со врвен дизајн? Ги прашавме професионалците и љубителите на звукот преку анкети и работилници во Токио и Лондон. Навраќањето на старата естетика нè потсети колку е важно да ги увериме слушателите за совршениот звук, да им ги покажеме техничките основи и да им предложиме висока резолуција преку материјалите и изгледот на производите. Наместо да изгледа тенок, лесен и футуристички, извонредниот дизајн што го создадовме ќе инспирира доверба преку цврстина и суштина.
Компресирање, намалување и негативен простор
Земајќи предвид што е тоа што овозможува врвно доживување при слушањето со висока резолуција, се воодушевивме од изгледот на производите кога се компресирани и намалени. Замислете си дека сите елементи на аудио производите ги соединувате во единечна цврста маса - компресирајќи ги сè додека не ги споите материјалите, а тоа што ќе го добиете ќе биде најнеопходно. Овој процес ќе го открие негативниот простор што се создава со зачувување на неопходните функции. На тој начин, одлучивме да се посветиме и да го дизајнираме ваквиот простор кој нагласува што е тоа што го прави звукот извонреден.
Каков е идеалниот негативен простор за секој вид на аудио производи? Три концепти ги предводеа нашите мисли. Формите што ги добивме при процесот на компресирање беа едноставни и прекрасни. Аудио производите ќе изгледаат неверојатно цврсти и издржливи. Завршните обработки и текстурите ќе укажуваат на музика со висока резолуција поради прецизниот изглед и чувството на густа содржина.
Видливи знаци кои укажуваат на беспрекорен квалитет
Takuma, главен уметнички директор
Постои општ тренд кон минималистичкиот дизајн, но извонредниот звук се стреми кон различни идеали. Овие производи со нивниот дизајн ќе ви ги посочат функциите и технологиите што овозможуваат вакво ниво на аудио перформанси. Музиката со висока резолуција ги зачувува деталите што се губат и создава звук со резолуција и суштина. Истиот пристап треба да го имаме и кон дизајнот. Наместо да елиминираме елементи, треба да пронајдеме форми кои укажуваат на квалитет и изгледаат колку што е можно поелегантно.
Чиста реалистичност, со помали димензии
NW-ZX2
Земете Walkman® NW-ZX2 и ќе забележите дека не се обидовме да го скриеме засилувачот внатре. Напротив, иако остатокот од куќиштето изгледа компресирано, на задната страна каде што се наоѓа засилувачот има мало испакнување. Тоа е препознатлива форма и потсетува што е потребно за да се создаде извонреден звук. Копчињата се вовлечени, а негативниот простор што се формира тука ви овозможува да ги препознаете копчињата само со допир. Други знаци кои укажуваат на врвни перформанси за звук се заоблените рабови на алуминиумската рамка која ја зголемува цврстината. Рапавата завршна обработка може да ве потсети на висока резолуција. А кога ќе го оставите плеерот, ќе забележите дека држачот нуди доволно простор за лесно приклучување на поголеми и висококвалитетни приклучоци, благодарение на внимателно дизајнираниот слободен простор.
Интерфејсот е уредно заштитен
PHA-3
За разлика од претходниот дизајн на засилувачите за слушалки, со интерфејсот и контролите во надворешна форма, PHA-3 се одликува со цврсто и ефикасно куќиште во кое се вградени сите потребни компоненти, на кое се забележуваат траги од неопходните аспекти. При намалување на овие карактеристики ги вградивме контролите во куќиштето, со што дефиниравме и простор за вртливото копче и приклучоците за слушалки. Завртките се внимателно прикриени, поради што куќиштето е уште поелегантно. Изработено е од алуминиум со природен изглед и зацврстено со прскање. При допир ќе можете да го почувствувате квалитетот на рапавото вртливо копче за јачина на звукот.
Неизбежни одговори во потрага по суштинското
Yashiro, дизајнер
Навистина е важно формите на врвните аудио производи да ги одразуваат нивните повисоки стандарди за квалитетот на звукот. За нас, просторот што е отстапен по зачувување на функциите што ги одредуваат квалитетот на звукот и доживувањата при слушањето претставува негативен простор. Токму така ја обликувавме надворешната форма, гледајќи кон внатрешноста, а сето тоа е поврзано со исклучителната острина на звукот и доживувањето при слушањето.
Уживајте во музиката со два звучника
XBA-Z5
Слушалките за во уво XBA-Z5 се одликуваат со два звучници со балансирана арматура за почисти средни и високи тонови, во комбинација со голем динамички звучник. Тука, негативниот простор во дизајнот е во форма на вдлабнатина помеѓу нив, што одлучивме да не ја менуваме при обединување на функциите во единечна цврста маса. Визуелно, нагласува дека во ушните влошки има два звучника што се неопходни за нивните извонредни аудио перформанси. Самото куќиште е изработено од магнезиум со голема цврстина и има малку рапава текстура која потсетува на висока резолуција.
Куќиште кое одразува врвни перформанси
MDR-Z7
Големите звучници од 70 мм на слушалките MDR-Z7 создаваат ефект на рамни бранови за музика која звучи поприродно. Исто така, тие се закосени кон увото и овозможуваат порамномерна дистрибуција низ широк фреквентен опсег. Формата на овие неопходни звучници со високи перформанси одекнува во куќиштето - детаљ што го задржавме при нашиот процес на намалување на куќиштето колку што е можно повеќе без да ги намалиме перформансите. Тука, исто така, врвната завршна обработка укажува на звук со врвен квалитет. Куќиштата се прицврстени со алуминиумски држачи кои нудат цврстина и придонесуваат за потенок дизајн.
Визуелни показатели на важните функции
Kurihara, дизајнер
И покрај тоа што го избравме пристапот за намалување, компресирање и зачувување на дизајнот, некои функции на производите се поважни од останатите. Тоа што треба да го нагласиме - функциите што влијаат врз квалитетот на звукот, изгледот, користењето итн. – зависи од производот. Со негативниот простор кај отворените површини, ние јасно укажуваме што е важно и вредно да се примени.
Дизајн со централен вуфер, моќен изглед и звук
MHC-V7D/SHAKE-X7D
Естетиката на негативниот простор го поттикна дизајнот на одлични домашни аудио системи без висока резолуција кои ги разигруваат забавите, како што се системите MHC-V7D / SHAKE-X7D. Тука се фокусиравме на вуферот кој симболизира звук со огромна моќ. Со менување на просторот помеѓу вуферот и среднотонците и високотонците - вдлабнатини кои се појавија како резултат на компресирањето на звучниците во подобар распоред - му дадовме на системот поголема моќ и нагласивме одредени функции.
Од страните, системот создава елегантна силуета со мазни површини. Малата напнатост на овие површини ќе ве натера да помислите дека во внатрешноста има концентриран моќен звучен притисок. Исто така, паралелните површини се сведени на минимум за да се подобри акустиката. Контролите, пак, се рамни со површината и го одразуваат истото намалување во дизајнот, што го олеснува избегнувањето контакти при поместување на системот.
Дизајн кој означува долготрајна сигурност
Morimoto, дизајнер
Професионалците и љубителите на врвни аудио производи сакаат производи што можат да ги користат со години. Тоа е одлична причина за технологијата која ги создава извонредните перформанси да не се поврзува со дизајнот на производите. Ништо не ни значи повеќе од тоа да видиме дека ваквите производи ги бараат луѓе кои сериозно ја сфаќаат музиката.
Слични производи
Дизајн од Sony Врвна геометрија
Симфонија на аудиовизуелни елементи и елементи од ентериер. Дознајте ги ексклузивните приказни за инспирацијата на дизајнот.
