Брз и цврст надворешен SSD
Добијте врвни перформанси со нашите SSD-дискови од серија SL-M
Нашата серија SL-M е неверојатно брза и издржлива и совршена за складирање фотографии со висока резолуција, видеоснимки со висока резолуција и други мултимедиумски содржини што содржат многу податоци. Брзината на читање и запишување до 1000 MB/s со технологија NVMe преку интерфејсот SuperSpeed USB 10 Gbps (USB 3.2 Gen 2) ги забрзува сите чекори од вашиот професионален работен процес, овозможувајќи поефикасно правење резервни копии, дуплирање и уредување. Има ознака IP67 за цврстина и отпорност на паѓање од висина до 3 метри, за да се фокусирате на креативноста наместо да се грижите за податоците.
Брзо складирање, уредување и правење резервни копии од професионални содржини во студиото или во движење
Брзата врска и високите брзини за пренос на податоци овозможуваат брзо правење резервни копии, проверки, уредување и дообработка на содржини, во студиото или на местото каде што снимате. Тоа е идеално за работа со големи датотеки со многу податоци или со кратки рокови.
Одликувајќи се со технологијата NVMe SSD и интерфејс SuperSpeed USB 10 Gbps (USB 3.2 Gen 2), серијата SL-M достигнува брзина на читање и запишување до 1000 MB/s. Намалувањето на брзината е помало при копирање големи датотеки (слика 1: споредба помеѓу 500 GB и 1000 GB) или при повеќекратно презапишување (слика 2: споредба помеѓу 1 пат и просек од 10 пати) благодарение на нашиот најнов контролор за SSD.
Издржливост на која може да ѝ верувате, без разлика каде работите и какви се условите
Серијата SL-M е изработена од водоотпорни компоненти, вклучувајќи и приклучок USB Type-C® што е водоотпорен дури и без заштитно капаче, а може и да се потопи во вода на длабочина до 1 метар во период до 30 минути.
Со потполната заштита од прав, песок и нечистотии може да бидете сигурни дека вашите драгоцени содржини ќе бидат заштитени во сите услови и опкружувања.
Иновативно и едноделно алуминиумско куќиште со конструкција отпорна на удари што им овозможува на овие извонредно издржливи дискови да не се оштетат при паѓање од висина до 3 метри.
Нашите дискови од серија SL-M со спецификации TOUGH се дизајнирани за секојдневна употреба и имаат алуминиумско куќиште што може да издржи притисок до 6000 kgf.
Извонредно цврстото алуминиумско куќиште на овие дискови е отпорно на виткање до 2000 kgf, што значи дека се доволно цврсти за да ги носите кога патувате или фотографирате.
Цврсти, компактни и лесни за лесно ракување и користење
Иновативното и едноделно алуминиумско куќиште, со конструкција отпорна на удари од сите страни, е цврсто и издржливо и нуди безгрижно користење и потполна заштита без разлика каде се наоѓате.
Издржливата брановидна површина овозможува сигурно држење при носењето и организирањето на каблите, отпорна е на отпечатоци од прсти и го олеснува пронаоѓањето на дискот кога го носите во торба.
LED-индикаторот е соодветно поставен за да можете лесно да го видите од горната и предната страна, за брза проверка на статусот за напојување.
Со двете гумени ленти и листот со налепници ќе имате сè што ви е потребно за организирање на вашите содржини.
Понекогаш може случајно да избришете датотеки и фотографии. Апликацијата Memory Card File Rescue е моќна и практична алатка што обновува податоци. Корисниците на надворешни SSD-дискови од серијата SL-M од Sony можат да ја преземат бесплатно.
Безбедно и сигурно складирање на вашите скапоцени датотеки во пренослива меморија од 500 GB, 1 TB или 2 TB - капацитетот и брзината се доволни за складирање, уредување и организирање фотографии со висока резолуција, 4K-видеоснимки, проекти со дигитални содржини и многу повеќе.
