TriporousTM придонесува за чист свет
Нов и револуционерен порозен карбонски материјал од Sony, рециклиран од отпадна биомаса.
Нов и револуционерен порозен карбонски материјал за прочистување вода и воздух
Triporous™ од Sony е уникатен порозен карбонски материјал за прочистување вода и воздух кој ја подобрува безбедноста, хигиената и удобноста во многу опкружувања во светот. Со помош на TriporousTM, компанијата Sony замислува иднина каде што сите ќе имаат пристап до чиста вода и воздух.
Добитник на наградите „Encouragement Award for 21st Century Inventions“ и „21st Century Contribution“ од Јапонскиот институт за пронајдоци и иновации.
Нова намена за фрлениот отпад
TriporousTM е произведен од фрлени лушпи од ориз
TriporousTM е произведен од отпадна биомаса. Технологијата на Sony ја рециклира отпадната биомаса за да го создаде TriporousTM кој може да помогне во намалувањето на штетното влијание врз животната средина.
Годишно депонирање на лушпи од ориз по регион
Во светот се генерираат 150 милиони тони лушпи годишно
[1] Азија (Бангладеш, Камбоџа, Кина, Индија, Индонезија, Јапонија, Мјанмар, Пакистан, Филипини, Тајланд, Виетнам): 136 Mt
[2] Африка (Египет, Нигерија): 6,16 Mt
[3] Јужна Америка (Бразил): 4,74 Mt
[4] Северна Америка (САД): 2,04 Mt
[5] Европа (ЕУ): 0,84 Mt
[6] Океанија (Австралија): 0,06 Mt
Што е TriporousTM?
Побрза адсорпција и адсорбирање поголеми супстанции
TriporousTM има пори во три различни големини што му овозможуваат да адсорбира поголеми органски супстанции и да адсорбира некои органски супстанции многу побрзо и поефикасно од стандардниот активен јаглерод. Органските супстанции што се адсорбираат во поголемите пори содржат бактерии и вируси, големи протеини и многубројни големи органски молекули.
[1] TriporousTM [2] Стандарден активен јаглерод
TriporousTM е поефикасен од стандардниот активен јаглерод
Уникатната микроструктура на TriporousTM овозможува ефикасна адсорпција на гасови и непријатни миризби. Исто така, нуди подобри перформанси за отстранување големи органски супстанци од течности, како батериофагата MS2, во споредба со активниот јаглерод за адсорпција направен од кора на кокос што се користи за прочистување вода.
[1] Контаминација [2] Време (мин.) [3] Резултат со TriporousTM [4] Активен јаглерод направен од кора на кокос
Можностите на TriporousTM
Замислете си спортска облека без непријатни мириси; побрзи и поефикасни пречистувачи за вода и воздух; и подобрувања на најразлични производи, па дури и храна, козметика и електроника - неверојатно, но сето ова е можно со технологијата TriporousTM.
Подобрување на квалитетот на водата
Филтрирањето со TriporousTM може да се користи за добивање чиста вода за пиење дури и во нехигиенски средини. Тоа би било многу корисно за земјите во развој.
Подобар квалитет на воздухот
TriporousTM може да го исчисти воздухот преку апсорбирање на загадувачки гасови. Тој може да помогне и во намалување на изложеноста на одредени видови на микроскопски честички (PM2,5) и фотохемиски смог.
Зачувување на животната средина со лушпи од ориз
Д-р Seiichiro Tabata
Пронаоѓач на Triporous
Sony Group Corporation
Во процесот на основни истражувања на материјали за батерии, работев на создавањето на новиот порозен материјал TriporousTM. Тој е направен од лушпи од ориз и има три вида на пори со различна големина (префиксот „tri“ во името потекнува од бројот три). Оваа уникатна микроструктура му дава огромна потенцијална примена на материјалот. На пример, способноста на TriporousTM да отстранува вирусни честички може да помогне во обезбедување чиста вода во делови во светот што не се приклучени на струјна мрежа. Истражувањето и развојот сè уште се во тек. Со овој нов материјал што прочистува вода и воздух, би сакал да придонесам за поудобен и поодржлив живот за сите луѓе во светот.
TriporousTM
Нов иновативен материјал за прочистување вода и воздух (само на англиски јазик)
Ги намалуваме штетните емисии на нашата фабрика
Проектори за следната генерација
Иновативни начини за да се обезбеди струја за сите
Прашања за лиценцирање
Компанијата Sony започна да издава лиценци за TriporousTM. Ги замолуваме компаниите што планираат да го користат TriporousTM во своите производи и фабрики или, пак, сакаат да учествуваат во деловното работење со TriporousTM, да ги поставуваат своите прашања тука.
