FX3
FX3 Cinema Line од Sony ја реализира замислата на страсните креатори на содржини. Филмското изразување е на исто ниво со сигурните перформанси и лесното ракување за да ги задоволи потребите на денешната креативна заедница. Компактна, лесна и едноставна за носење и користење.
Сензорот за целосна слика на FX3 користи иновативни техники за собирање светлина за да ви овозможи да снимате јасни и употребливи слики дури и при слаба осветленост. Чувствителноста ISO од 80-102400 за видео може да се прошири до 409600.
FX3 нуди извонреден динамички опсег со 15+ чекори за да може да снимате во добро осветлени простории и на отворено па сè до утрински, вечерен и среден период од денот. Доловете ги сите нијанси и добијте слобода во градацијата на боите при снимањето.
Доловете ја сцената со филмска 4K-резолуција, мала длабочина на полето, прекрасни ефекти на дефокусирање и филмска слобода благодарение на сензорот за целосна слика.
Стандардот S-Cinetone, создаден за докажаната камера FX9 од Sony, е зададениот изглед за филмско изразување на FX3. Прецизно прилагоден за да ги задоволи потребите на денешните креатори на содржини, тој нуди богати бои и природни тонови на кожата како кај другите камери Cinema Line без градација на боите.
Дури и при високи стапки на слики, може да снимате детални 4K-снимки благодарение на прецизниот AF и големата брзина на читање на сензорот на FX3. Режимот за бавни и брзи движења (S&Q) ви нуди целосна контрола врз стапката на слики за снимање, за да снимате прекрасни сцени од движења со 5x помала брзина (и 24p).
S-Log3 и S-Gamut3.Cine овозможуваат снимање со висококвалитетна репродукција на бои со широк динамички опсег и усогласување на снимените материјали со снимки од други камери Cinema Line во обработката по снимањето. Профилот за слика HLG (Hybrid Log-Gamma) HDR овозможува директна репродукција во HDR (HLG) на компатибилни телевизори без обработка по снимањето.
За процесите на обработка по снимањето е достапно снимање во 16-битен RAW-формат преку HDMI-врска со надворешни снимачи, а во камерата истовремено се снимаат и датотеки XAVC HS 4K, XAVC S 4K или XAVC S-I 4K и прокси датотеки. Снимките RAW имаат резолуција од 4264 x 2408 [16:9], што ја надминува резолуцијата DCI-4K.
FX3 нуди внатрешно снимање во 4K, длабочина од 10 бита и семплирање на бои 4:2:2 со компресија All Intra и Long-GOP. Тоа ви овозможува да добиете уште подобри градации на бои, а притоа да ги задржите природните нијанси, за потполна слобода при уредувањето.
[1] All-Intra (All-I) [2] Long-GOP [3] Група слики
AF со широка површина и интелигентно следење врши откривање фаза во фокусната рамнина за да овозможи континуирано следење на субјектот речиси низ целиот кадар. Брзиот хибриден AF фокусира прецизно дури и кога снимате со мала длабочина на полето и со висока стапка на слики од 120p во 4K(QFHD).
Функциите за следење нудат стабилен фокус за субјектите, за да може да се концентрирате на композицијата. AF на очи во реално време прецизно ги фокусира очите и лицето, а следењето во реално време е можно со алгоритмите на Sony за препознавање субјекти со AI.
FX3 нуди функција за брзината на движење на AF заради лесно поместување на фокусот и пет поставки за чувствителност на поместувањето на AF што овозможуваат да се прилагоди колку лесно AF ќе преминува или ќе се задржува на субјектот. Субјектот што сакате да го фокусирате може да го изберете со допирање на LCD-екранот.
Добијте рамномерен и брз автоматски фокус со објективите со E-приклучок од Sony што нудат врвни оптички перформанси и соодветно ракување за кинематографија. Уникатната технологија за линеарно придвижување на објективите со E-приклучок од Sony нуди порамномерен, попрецизен и континуиран AF за вашите креативни авантури.
FX3 е дизајнирана за врвна преносливост со компактна големина и мала тежина. Прикачената рачка и отворите за директно прикачување додатоци овозможуваат брзо поставување, непречено снимање и брзо пакување. Куќиштето и капаците се изработени од лесна магнезиумска легура што ја зголемува издржливоста и перформансите дури и во лоши услови.
Рачката опремена со XLR-адаптер и два XLR-приклучоци со стандардна големина може да се прикачи на приклучокот за повеќе интерфејси (MI) на камерата заради поудобно и постабилно ракување во ситуации со лоши услови, како снимање од ниска положба.
Активниот режим е вграден систем за оптичка стабилизација со 5 оски што нуди подобра стабилизација на слика за видео. Жироскопот прецизно го мери тресењето на камерата и врши оптичка компензација. На тој начин добивате стабилни видеоснимки дури и кога снимате рачно без да користите механизми за стабилизација, кога пешачите, па дури и во 4K-резолуција.
[1, 2] аголно тресење (движење и вртење) [3, 4] тресење со поместување (оски X и Y), [5] ротациско тресење (вртење по оската Z)
Метаподатоците за тресењето на фотоапаратот се евидентираат во вградениот жироскоп за изострување и стабилизирање на рачно снимените материјали. Catalyst Browse / Catalyst Prepare од Sony овозможува лесно балансирање на автоматизираната компензација на тресењето и отсекувањето на сликите. Catalyst може да ги искористи и податоците за ротација на камерата.
Светлосните индикатори на предната и задната страна на FX3 покажуваат дали камерата снима. Јасно се видливи и за снимателот и за лицето што настапува пред камерата.
LCD-екранот на допир од 3,0 инчи (1,44 милиони точки) се отвора странично за флексибилно позиционирање и подобра видливост кога камерата е монтирана на механизми за стабилизација. Тој нуди и интуитивна контрола на менито за многу од поставките на камерата.
Освен шесте приспособливи копчиња, лесно може да ги дофатите и често користените контроли со една рака, за втората рака да ви биде слободна за ракување и балансирање на објективот. Достапни се и повеќе отвори за завртки на куќиштето и рачката за директно прикачување додатоци.
За да овозможи непрекинато снимање во 4K/60p, FX3 има систем за иновативна дисипација на топлина. Поставувањето на ладилниците, структурата за проток на воздух и бесшумниот вентилатор за ладење го оптимизираат ладењето дури и при долго снимање.
Освен вградениот микрофон на камерата, може да поврзете различни професионални микрофони надворешно преку приклучоците XLR со стандардна големина на рачката, користејќи интерфејс за дигитален звук преку приклучокот за повеќе интерфејси (MI). Достапни се три формати за снимање, вклучувајќи и 4-канален со 24 бита. Дигитален звук може да снимате и со приклучување дигитален микрофон како ECM-B1M, дури и ако не ја користите рачката.
Картичките CFexpress Type A поддржуваат снимање со висока бит-стапка. Отворите за медиуми на камерата поддржуваат CFexpress Type A, како и стандардни картички SDXC UHS-I и UHS-II, а бидејќи отворите се идентични, може да снимате со пренасочување или да снимате резервна копија.
Мрежната врска, преку Wi-Fi® или приклучокот USB type C, овозможува далечинска контрола на камерата преку паметни телефони или таблет-уреди, или со NFC со еден допир или со рачно впарување. Далечинското снимање може да се контролира преку компјутер со Imaging Edge Desktop™ од Sony или преку мобилен уред со Imaging Edge Mobile™. А снимените слики или видеоснимки можат да се префрлат преку FTP.
Жично или безжично далечинско снимање е достапно преку компјутер или мобилен уред во кој е инсталиран Imaging Edge Mobile, за поефикасни работни процеси и снимање во лоши услови. Imaging Edge Webcam™ овозможува онлајн видеокомуникација со висок квалитет на слика.
