Сите спецификации и функции

Филмско изразување со сензор за целосна слика

FX2 со сензор за целосна слика нуди исклучителни филмски слики и ја спојува високата резолуција со прекрасни ефекти на дефокусирање. Опремен со Exmor R™ CMOS-сензор со задно осветлување, поддржан од нашиот процесор за обработка на слика BIONZ XR™ и напредниот уред за обработка со AI, фотоапаратот нуди висока чувствителност, широка маргина на грешка и резолуција од 33 MP, со што им обезбедува сѐ што им е потребно на амбициозните сниматели со филмска замисла.

Неверојатен квалитет на слика за максимална флексибилност при уредувањето

Сензорот за целосна слика на FX2 снима материјали со рамномерни и природни градации, благодарение на маргината на грешка со повеќе од 15 чекори при снимање со S-Log3, што овозможува снимање на сите детали дури и во сцените со голем контраст. Основната вредност за снимање со S-Log3 може да се постави на 800 или 4000, а фотоапаратот поддржува палети на бои S-Gamut3/S-Gamut3.Cine за широка компатибилност. Оваа комбинација нуди максимална ефикасност при уредување кога снимате со повеќе фотоапарати.

Многу формати за снимање, за разновидни опции при фотографирањето и уредувањето

Прекумерно семплирање во 7K се користи со целосна обработка на сите точки без соединување на точките при снимање во форматот за целосна слика со 4K-резолуција (QFHD 3840 x 2160), а форматот 4K 60p (59,94p) е достапен во режимот Super 35 мм. Благодарение на длабочината од 10 бита, семплирањето бои 4:2:2, ефикасниот кодек MPEG-H HEVC/H.265 и Intra-снимањето со DCI-4K (4096 x 2160), со гаранција добивате исклучителен квалитет.

Режими за логаритамско снимање, за флексибилност при продукцијата

За креативна флексибилност се достапни три режими за логаритамско снимање - флексибилно ISO, Cine El и Cine El Quick - со тоа што Cine El има широка примена во професионалното снимање, за материјали кои се снимаат имајќи ја предвид обработката по снимањето. Врз основа на опкружувањето за снимање, изберете основна вредност за ISO од 800 или 4000 за да одржувате максимална маргина на грешка за време на снимањето, со што ќе овозможите подобрување на специфични опсези на тонови во обработката по снимањето, за да го добиете посакуваниот филмски изглед. 

Увезете максимум 16 кориснички LUT-датотеки

Во FX2 може да увезувате LUT-датотеки и да ги применувате на LCD-мониторот и на електронскиот визир додека снимате или репродуцирате видеоснимки, за да добиете попрецизен приказ на конечната слика. Покрај трите однапред поставени параметри, може да увезете најмногу 16 кориснички LUT-датотеки од мемориски картички или од Creators’ Cloud на Sony, а потоа да ги избирате во зависност од потребата. LUT-датотеката која се користи за снимање може да се вметне во метаподатоците на видеоснимката, за да биде лесно достапна при обработката по снимањето.

Создавајте расположенија во самиот фотоапарат

Однапред поставените профили за слика го олеснуваат приспособувањето на боите и градацијата за да создадете различни расположенија во самиот фотоапарат. Тука спаѓа непроценливиот S-Cinetone™, кој создава прекрасни тонови на кожа. Увезените кориснички LUT-датотеки може да се регистрираат како PPLUT од 1 до 4 и да се применат за време на снимањето, а зголемениот опсег со 12 профили за креативен изглед, каде што спаѓаат и FL2 и FL3, нуди обемен избор на визуелни расположенија за широките потреби за снимање.

Корективно приспособување на приказот за анаморфни објективи

Анаморфните објективи се популарен избор за создавање уникатен филмски изглед. FX2 е опремен со режим за корективно приспособување на приказот кој овозможува следење во стандарден сооднос на слика од 2,39:1 CinemaScope при снимање со анаморфни објективи. Тој нуди поставки за корективно приспособување на приказот од 1,3x и 2,0x, а апликацијата за следење и контрола од Sony обезбедува уште подетални поставки за следење преку таблет-уред или други надворешни уреди со екран.

Слобода при изборот на стапката на слики

Менито за FPS ги наследува функциите од моделите на повисоката класа Cinema Line, меѓу кои и поставката [Variable] (Променлива) која овозможува интуитивна контрола на стапката на слики: забавени движења до 2,5x во 4K-резолуција, или забавени движења до 5x при снимање во Full HD-резолуција до 120 fps.

Обемна палета на објективи со E-приклучок за креативно изразување

Sony нуди палета со над 70 објективи со E-приклучок и високи перформанси, вклучувајќи извонредно широкоаголни објективи, објективи со извонреден телефото зум, уникатни примарни објективи и објективи со моторизиран зум. Направете комбинација со оригиналните микрофони од Sony за да добиете неверојатен квалитет на звук и изберете неколку производи од разновидната галантерија за да ја реализирате вашата креативна замисла.

Компактен и лесен, со вградени позиции за монтирање галантерија

Одликувајќи се со истиот компактен и рамен дизајн како Cinema Line FX3 и FX30, FX2 е идеален за рачно снимање, како и за монтирање во механизми за стабилизација и дронови. Надворешната површина од магнезиумска легура има отвори за завртки 1/4-20 (UNC) на три локации за монтирање галантерија, поради што системот е полесен и покомпактен, а го скратува и времето за монтирање и демонтирање. На долниот панел има уште два отвори за завртки за сигурно монтирање на статив.

Прикачете рачка на горната страна за уште полесно ракување

XLR-рачката XLR-H1 од Sony може да се прикачи на куќиштето на FX2 за да се минимизираат промените во центарот на гравитацијата при менување објективи. Исто така, таа може значително да ја зголеми флексибилноста при рачното снимање, особено ако правите сложени маневри како снимање од ниска положба додека се движите. Рачката има три отвори за завртки со димензии 1/4-20 за монтирање дополнителна галантерија.

AF со препознавање во реално време врз основа на AI

Опремен со моќен уред за обработка со AI, FX2 нуди AF со препознавање во реално време за луѓе, животни, птици, возила, па дури и инсекти. Рамката за откривање го означува препознаениот субјект, а следењето може да се активира со допирање врз субјектот на екранот на мониторот. Напредната технологија за проценка на човечки пози прецизно го препознава движењето на субјектите, а препознавањето човечки очи е подобрено за приближно 30% во споредба со FX3/FX30.

Детално прилагодување на контролата на фокусот

Функцијата за помош при AF овозможува непречено избирање на рачниот фокус за рамномерни транзиции на фокусот, а 7-те поставки за брзина на транзиција на автоматскиот фокус и 5-те поставки за чувствителност нудат детална контрола. Функцијата за мапа на фокусот го олеснува визуелизирањето на длабочината на полето со тоа што ги прикажува информациите за фокусирање врз приказот за прегледување во живо, а функцијата за компензирање на промените во фокусната должина може значително да ја зголеми стабилизацијата на сликата.

Автоматско обликување на кадарот користејќи напредна вештачка интелигенција

Функцијата за автоматско обликување на кадарот на FX2 автоматски го отсекува и следи субјектот за да го задржи во истакната положба кога фотоапаратот е поставен на статив, а притоа создава снимени материјали кои изгледаат како да се снимени од страна на искусен оператор. Функцијата за стабилизација на кадарот автоматски го задржува субјектот во истата положба во границите на кадарот, што може да биде практично, на пример, кога операторот на фотоапаратот се движи заедно со субјектот.

Стабилизација за динамичко рачно снимање

Активниот режим ја подобрува стабилизацијата при одење и снимање. Или, за уште подинамичко снимање, користете го динамичкиот активен режим кој користи електронска стабилизација за поголем ефект дури до 30%, овозможувајќи ви да снимате стабилни содржини дури и кога трчате. Во снимените материјали се вградени соодветни метаподатоци за стабилизација кои овозможуваат уште поголема контрола на стабилизацијата во обработката по снимањето, доколку е потребно.

Фотографии со едно поместување на преклопникот

Достапен е преклопник кој нуди избор помеѓу режимите MOVIE и STILL, и веднаш ги повикува сите соодветни поставки. Освен тоа што нуди резолуција од 33 MP и континуираното фотографирање со брзина до 10 fps, фотоапаратот е опремен со функцијата [Creating still images from Shot Marks] (Создавање фотографии од ознаки за снимки) која ви овозможува да создавате фотографии додека снимате или репродуцирате видеоснимка за која претходно сте користеле корисничка LUT-датотека.

Визуелна доследност за фотографии и видеоснимки

Режимот Log е достапен и за фотографии, со што е можно да се снимаат слики во формат JPEG и HEIF со кривата за гама S-Log3 која се користи за време на снимање видео, со што истите работни процеси може лесно да се применат за време на обработката по снимањето. Преобразете ги фотографиите со апликации за уредување како Blackmagic Design DaVinci Resolve, која нуди широка примена, а притоа го задржува истиот изглед.

Електронски визир со висока резолуција и можност за закосување

Фокусирајте се на фотографирањето дури и во светли опкружувања или во опкружувања кои го одвлекуваат вниманието, благодарение на OLED-визирот со приближно 3,68 милиони точки. Зголемувањето е 0,70x (објектив со 50 мм, бесконечен фокус, -1 м^-1 диоптер), а аголот на гледање и растојанието до окото се оптимизирани за снимање видео. Самиот визир може да ротира од 0° до +90° за лесно гледање при речиси секој агол, а капачето за окуларот може да се отстрани или заврти од лево кон десно, во зависност од потребата.

Распоредот на контролите е дизајниран за професионална употреба

FX2 ги нуди истите придобивки за големина и тежина како фотоапаратите без огледало, а притоа овозможува професионално ракување. Често користените контроли се концентрирани околу држачот и на горниот панел, а копчињата со длабок од на горниот панел се лесни за ракување дури и со палецот. Рачката за зумирање овозможува ефикасно моторизирано зумирање и контрола на функцијата за јасно зумирање на слики.

Флексибилен LCD-монитор со променлив агол

LCD-мониторот од тип 3,0 со висока резолуција, променлив агол и 1,03 милиони точки може да ротира во различни агли, без пречки од HDMI-кабелот. Ракувањето на допир останува достапно кога мониторот е отворен во странична положба.

Често користени параметри на едно место

FX2 го наследува BIG6 (Home) screen од врвните камери CineAlta, како што се моделите VENICE, кој овозможува лесно следење на шест неопходни параметри во режимот за ВИДЕО: FPS (стапка на слики), ISO, бленда (брзина/агол), решетка или ND-филтер, изглед и баланс на белата боја. Докажаниот BIG6 (Home) screen придонесува за непречено и интуитивно ракување, а нуди и брз пристап до променливи/фиксни параметри.

Снимање преку прокси сервер

Можно е истовремено да снимате HD-прокси видеозаписи со мала бит-стапка во некој од достапните формати за снимање, меѓу кои и форматот XAVC S-I 4K. Потоа овие датотеки може да се искористат за уредување и прегледување, со цел да се намали оптоварувањето на компјутерот при работа со снимени материјали во 4K-резолуција. Прокси датотеките може да се снимаат во два формати: XAVC HS (1920 x 1080) со длабочина од 10 бита или XAVC S (1280 x 720) со помала длабочина од 8 бита.

Сигнални светилки и лесно видлив индикатор за снимање

Фотоапаратот е опремен со сигнални светилки на неговата предна (горна) и задна страна, за да можете лесно да проверите дали ги снимате случувањата. Осветленото копче REC функционира и како сигнална светилка поврзана со задната светилка, а црвената рамка на LCD-мониторот служи како уште еден индикатор за снимањето, кој е видлив дури и кога екранот е делумно покриен од систем за снимање или механизам за стабилизација.

Поддршка за мемориски картички CFexpress Type A

Два отвори за картички поддржуваат мемориски картички SDXC/SDHC UHS-II/UHS-I, а едниот од нив поддржува и картички CFexpress Type A, со што добивате многу опции за стабилно и сигурно снимање со висока бит-стапка. Изберете го режимот на снимање кој соодветствува на вашите потреби: видеоснимките и фотографиите може да се снимаат на различни картички, снимањето може автоматски да се префрли на втора картичка ако првата е полна и многу повеќе.

Дигитален звук без деградација

Кога ја има прикачено XLR-рачката XLR-H1, FX2 може да снима висококвалитетен звук преку два XLR-приклучоци и дигитален интерфејс за звук, без потреба од дополнителни батерии или кабли. Микрофоните опремени со XLR-приклучоци се достапни посебно. Четириканален звук, снимање со 24 бита и други поставки може лесно да се применат.

Излезен сигнал со 4:2:2 и 10 бита или RAW со 16 бита преку HDMI

Приклучокот HDMI Type-A овозможува пренос на излезен видеосигнал во форматот 4K 60p (59,94p) со 4:2:2 и 10 бита или во форматот RAW со 16 бита кон надворешен снимач, за флексибилна обработка по снимањето. Видеоснимките во RAW-формат со 16 бита се репродуцираат со резолуција од 4672 x 2628 (сооднос на слика 16:9), што го опфаќа и форматот DCI-4K (4096 x 2160), со можност за избор на стапка на слики од [59,94p]/[29,97p]/[23,98p]/[24,00p].

Синхронизација со временски код

FX2 може да се синхронизира со временски кодови од втор фотоапарат со излезен приклучок BNC. Приклучете го наменскиот кабел со адаптер VMC-BNCM1 во неговиот повеќенаменски/микро USB-приклучок, а потоа поврзете го вториот фотоапарат користејќи BNC-кабел.

Доволно енергија за долго снимање

Батеријата NP-FZ100 со голем капацитет и ефикасното управување со напојувањето овозможуваат најмногу 100 минути снимање или најмногу 155 минути континуирано фотографирање. За подолго време на снимање може да обезбедите континуирано напојување преку адаптер за напојување или пренослива батерија која поддржува напојување преку USB (PD). Изборната DC-спојка DC-C1 може да испорачува стабилно напојување без да го зафаќа приклучокот USB Type-C® на фотоапаратот.

Флексибилна мрежна комуникација

FX2 поддржува комуникација преку Wi-Fi со 2,4 GHz и 5 GHz (802.11ac). Треба само да ја изберете фреквенцијата која нуди најстабилна комуникација со најмалку пречки. Исто така, можен е жичен пренос кон FTP-сервер користејќи го стандардот 1000BASE-T преку адаптер за USB-етернет LAN кој треба да биде приклучен во приклучокот USB Type-C на фотоапаратот со компатибилност за SuperSpeed USB 10 Gbps. USB-врска може да се користи и за практично далечинско фотографирање.

Лесно проследување во живо

Исто така, FX2 е одличен избор за проследување во живо кон компјутер преку USB (UVC/UAC) или преку безжична или жична LAN-мрежа. Може да проследувате видео со резолуција до 4K (3840 x 2160) 59,94p преку LAN, а во исто време да снимате на мемориската картичка на фотоапаратот. Протоколите за проследување преку LAN вклучуваат RTMP, RTMPS и SRT.

Ефикасно управување со топлината

Уживајте во непрекинато снимање видео во формати со резолуција до 4K 59,94p. Акумулацијата на топлина се спречува со комбинација на внатрешен вентилатор за ладење, графитен материјал со голема стапка на спроводливост на топлина кој се користи во единицата за стабилизација на слика, како и иновативен дизајн кој овозможува голем доток на воздух, дури и кога е затворен LCD-мониторот. Вентилаторот за ладење има три режими кои може да се изберат врз основа на условите за снимање: автоматски, минимално и исклучено за време на снимањето.

Дизајн што е отпорен на прав и влага

Многубројните подобрувања во дизајнот на куќиштето ја подобруваат отпорноста на прав и влага, што овозможува максимална сигурност во лоши надворешни услови. Споевите на надворешното куќиште на фотоапаратот и капакот за батеријата се добро заштитени, протокот на вентилаторот за ладење е внимателно изолиран, копчето за заклучување на објективот е одново дизајнирано, а направени се и многу други подобрувања.

Следење и контрола

Апликацијата Monitor & Control од Sony не само што овозможува интуитивно далечинско ракување и следење слики преку екран на паметен телефон или таблет-уред, туку нуди и бранови форми и други прикази за потврдување на експозицијата и прецизно фокусирање. Достапно е следење на повеќе фотоапарати кога повеќе фотоапарати се безжично поврзани со еден iPad. Сето ова може да доведе до полесни работни процеси со минимална екипа.

Дознајте повеќе за Monitor & Control

Catalyst Browse, Catalyst Prepare/Plugin

Апликациите Catalyst Browse и Catalyst Prepare овозможуваат практично уредување на видеоснимки снимени во режимот Log со вградени LUT-датотеки. Ознаките за снимки и ознаките OK/NG/KEEP кои се додаваат при снимањето може и да се увезат за полесно избирање на снимките. Стабилизацијата на слика, компензацијата на промените во фокусната должина, вртењето на блендата и другите метаподатоци вметнати при снимањето може да се користат за да се направат прецизни корекции за време на обработката по снимањето.

Дознајте повеќе за Catalyst

Вчитување во Cloud (директно од фотоапаратот)

Снимените датотеки може да се префрлат директно од фотоапаратот во просторот за складирање на Creators’ Cloud, без потреба за префрлување преку паметен телефон или друг уред. Штом податоците се префрлат во Creators’ Cloud, тие може да се префрлат и во други Cloud-услуги како што се Google Drive™ или Adobe Lightroom согласно вашиот работен процес.

Дознајте повеќе за Creators' App

Платформа Creators' Cloud

Creators' Cloud е платформа која поддржува креативна работа, почнувајќи од фотографирање па сè до продукција, спојувајќи ги напредните технологии за фотоапарати од Sony со Cloud. Ова е место за откривање и соработка со креатори од целиот свет. Разгледајте апликации на интернет, за мобилни уреди и за компјутери кои нудат ефикасни решенија за интеграција на фотоапаратите со услуги и апликации за фотографирање и снимање.

Дознајте за Creators' Cloud

Еколошка свест

Целта на планот за животна средина „Road to Zero“ на Sony е елиминирање на штетното влијание врз животната средина до 2050 година. Влијанието на овој производ врз животната средина е минимизирано од развојот па сè до неговата испорака, производство и пакување.

Материјали за пакување кои не содржат пластика

Sony прави напори за да користи материјали за пакување кои не содржат пластика и заштитуваат од потреси и удари. За торбите за производите се користат растителни и неплетени материјали, што дополнително ја намалува употребата на пластика и го минимизира влијанието врз животната средина.

Поголема пристапност за сите корисници

Функциите за пристапност, како зголемувачот на менито и читачот на екранот кој ги чита елементите од менито на глас, го олеснуваат уживањето во дигиталната обработка на слики за сите. Напредните функции како AF со препознавање во реално време врз основа на AI за различни видови субјекти, интуитивното ракување на допир за следење субјекти и многу други функции, овозможуваат радоста од фотографирањето и снимањето да стане достапна за најширок можен опсег на корисници.