ФОТОАПАРАТИ БЕЗ ОГЛЕДАЛО СО СЕНЗОР ЗА ЦЕЛОСНА СЛИКА И E-ПРИКЛУЧОК
Фотоапарат α7R V со сензор за целосна слика и висока резолуција
ILCE-7RM5
Фотоапарат α7R V со сензор за целосна слика и висока резолуција
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Новосоздаден уред за обработка со AI
Потполно ново ниво на интелигенција на фотоапарати
Најсовремената обработка со AI користи информации за човечките форми и пози за да ја подобри прецизноста за препознавање субјекти на фотоапаратот и максимално да ја искористи неговата потенцијална резолуција. Исто така, препознавањето субјекти сега опфаќа многу нови видови на субјекти, вклучувајќи возила и инсекти.
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Галерија со фотографии од α7R V
Перформанси подобрени со AI
Извонредна резолуција
Нова генерација на AF
Видеоснимки со врвни детали и карактер
Дизајниран за креатори на содржини
Работен процес и сигурност за експерти
Перформанси подобрени со AI
Уред за обработка со AI за напредно препознавање субјекти
α7R V е опремен со уред за обработка со AI што обработува огромни количини на податоци за да овозможи попрецизно препознавање субјекти и препознавање повеќе видови на субјекти.
Проценка на човечки пози
α7R V користи податоци за формата на субјектите за да препознае движење, со приближно 60% подобро препознавање на човечки очи. Проценката на човечки пози користи меморирани човечки форми и пози за прецизно препознавање на очи и положби на тело и глава, што овозможува фокусирање и следење субјекти кои не гледаат кон фотоапаратот или носат маска.
Препознавајте поголем опсег на субјекти
Освен луѓе, животни и птици, фотоапаратот сега препознава инсекти, автомобили, возови и авиони, овозможувајќи уште поголема флексибилност и сигурност при фотографирањето и снимањето. Сега, освен очите (AF на очи во реално време), се препознаваат глави и тела на луѓе, животни и птици.
Зголемена прецизност на контролата за баланс на белата боја
AWB на α7R V еволуираше заедно со функциите со AI на фотоапаратот. Освен „Видливата светилка + IR-сензорот“ на предната страна на куќиштето, уредот за обработка со AI на фотоапаратот овозможува попрецизен баланс на белата боја при лошо осветлување, на пример, кога субјектот е во сенка.
Одговорно фотографирање при користење на функцијата за регистрирање лица
Функцијата за регистрирање лица користи биометриски податоци. Вие сте одговорни за собирањето и користењето на таквите податоци, како и почитувањето на соодветните локални закони. За повеќе информации, посетете го веб-сајтот подолу.
Извонредна резолуција
Ново достигнување во резолуцијата на α
Излезниот сигнал од сензорот за целосна слика Exmor R™ CMOS од 35 мм со задно осветлување и приближно 61,0 милиони ефективни точки, се обработува во реално време до највисок степен преку процесорот BIONZ XR™ за да добиете неверојатни детали и во фотографиите и во видеоснимките.
Дизајниран да обезбеди детали
Сензор за целосна слика од 35 мм со 61,0 милион точки
Сензорот е опремен со технологии за сензори од Sony, има ефикасно намалување на шум поради неговата структура со задно осветлување, леќи без меѓусебен простор, AR-слој (анти-рефлективно заштитно стакло) и не содржи оптички филтер за ниски фреквенции.
Најновиот процесор за обработка на слика BIONZ XR
Одликувајќи се со осум пати поголема моќ за обработка од својот претходник, новиот BIONZ XR обработува големи количини на податоци со минимално доцнење и ја зголемува моќта на фотоапаратот за обработка на видеоснимки и фотографии.
Доследно прецизни бои и експозиција
Најновиот процесор BIONZ XR нуди уште подобра контрола на експозицијата и поголема прецизност за репродукција на бои. Новиот алгоритам за AE ја открива кожата на лицата и ја контролира експозицијата соодветно при фотографирање и снимање.
Избор на квалитет и големина на RAW-слики
α7R V го поддржува форматот RAW без загуби со избор од три вредности за пиксели -L (60M), M (26M) и S (15M). Големините M и S нудат иста резолуција за видно поле од типот целосна слика и APS-C, за полесен работен процес при обработката по снимањето.
Вградена напредна оптичка стабилизација со 5 оски
α7R V нуди стабилизација до 8 чекори само преку куќиштето, за прв пат во серијата α. На овој начин врши ефикасна стабилизација при фотографирање во затворени простории или ноќни сцени со бавна бленда, каде што е пожелно да се избегне зголемување на чувствителноста.
[1] Странично вртење [2] Ротирање [3] Вртење нагоре
Прецизна компензација на ниво на еден пиксел
Новиот алгоритам за стабилизација нуди прецизно откривање и контролирање на ниво на еден пиксел и максимално ја искористува резолуцијата на сензорот од 61,0 милиони точки за да ги истакне најмалите детали на субјектот.
Функцијата Creative Look ја поддржува креативноста
Функцијата Creative Look нуди 10 однапред поставени параметри што можат да се користат без менување или да се уредуваат за да создадете разни „изгледи“ што можат да им помогнат на авторите да го прилагодат тонот во своите фотографии или видеоснимки.
Фотографирањето со поместување сензор реагира на условите
Повеќекратното фотографирање со поместување на сензорот ја искористува прецизната контрола на вградената стабилизација на слика. Се снимаат најмногу 16 слики со поместување на сензорот што подоцна се спојуваат со помош на компјутер. Дури и малите движења на ниво на еден пиксел може да се откријат и компензираат со компјутерот што го врши спојувањето.
Нова генерација на AF
AF со препознавање во реално време
AF-системот на α7R V нуди значително поголеми перформанси, благодарение на големите подобрувања на перформансите за препознавање субјекти. Технологијата за длабоко учење поддржува моќен AF со препознавање во реално време и посигурно следење во реално време, поткрепено со подобрен брз и хибриден AF врз поширока површина.
Побрз и попрецизен AF со широка површина
Огромната моќ за обработка на новиот процесор BIONZ XR и подобрените алгоритми значително ги зголемуваат перформансите за AF. Максимум 693 точки за откривање фаза во густ распоред покриваат приближно 79% од површината на сликата.
Прецизен AF при слаба светлина до EV -4,0
Најновите алгоритми за AF овозможуваат прецизен AF дури и при мали нивоа на светлина до EV -4,0 во режимот AF-S. Исто така, α7R V има режим за приоритет на фокусот што нуди посигурен AF при слаба светлина или при користење помали решетки.
Снимајте континуирано 583 RAW-слики со компресија и 10 fps
Континуирано фотографирање со брзина до 10 fps и максимално AF/AE со следење е можно преку механичката или електронската бленда. Фотоапаратот може да сними најмногу 583 RAW-слики со компресија при оваа брзина.
Групирање со фокус за да добиете најдобра слика
Фотоапаратот автоматски снима до 299 слики со последователно поместени фокусни точки, приспособени интервали и редослед. Изберете ја совршената слика или обработете повеќе слики по снимањето за да добиете креативни споени слики со невозможна длабочина на фокусот.
Намалување на треперењето
Треперењето предизвикано од вештачка светлина се намалува ефикасно, со избор од „Фотографирање без треперење“ за фотографии или „Променлива бленда“ за прилагодување на брзината на блендата според брзината на треперење кога фотографирате или снимате.
Постојан DMF
При фотографирање со автоматски фокус AF-C или AF-S, прстенот за фокусирање на објективот може да се ротира за моментално избирање на режимот за рачно фокусирање во секое време. На овој начин може лесно и брзо да го префрлите фокусот на друг субјект.
Видеоснимки со врвни детали и карактер
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Снимање висококвалитетни 8K-видеоснимки
Форматот XAVC HS овозможува снимање висококвалитетни видеоснимки со 8K-резолуција (7680 x 4320), 24p (25p) и ефикасна компресија со HEVC/H.265, што максимално ги искористува објективите од Sony и резолуцијата што ја нуди сензорот и функцијата за обработката на сите точки. Дури и најмалите детали на субјектот се доловуваат реалистично.
Снимање неверојатни 4K-видеоснимки со 60p(50p)
За снимање 4K-видеоснимки може да ги изберете форматите за целосна слика и Super 35 мм. Обработката на сите точки во режимот Super 35 мм без потреба од соединување на точките овозможува прекумерно семплирање до 2,6x за 4K-видеоснимките. Поддржани се форматите XAVC S-I (All-Intra) и XAVC HS со семплирање на бои од 4:2:2 и 10 бита.
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Expressive S-Cinetone™
Опцијата S-Cinetone, создадена врз основа на технологијата CineAlta™ за камери како што е познатата VENICE, нуди природни средни тонови што се неопходни за природниот изглед на тоновите на кожата, како и меки бои и прекрасни светли тонови.
Крива за гама S-Log3 со опсег од 14+ чекори
Кривата за гама S-Log3 ја нагласува градацијата од сенки до средни сиви тонови (18% сива боја), создавајќи маргина на грешка од 14+ чекори заради ефикасно уредување.
Следење во реално време за видеоснимки
Благодарение на подобрувањата во препознавањето субјекти, следењето во реално време е уште подобро и автоматски ги следи наведените субјекти со прецизен фокус, а ги фокусира и очите на субјектите.
Активен режим за подобра стабилизација при снимање
Активниот режим нуди моќна стабилизација на слика за рачно снимање видео. Освен вградената стабилизација, компатибилните објективи со сопствена стабилизација на слика се координираат со фотоапаратот заради ефикасна контрола, овозможувајќи рачно снимање дури и на телефото слики.
Компензација на дишење за постојан агол на гледање
При снимање видео, компензацијата на промените во фокусната должина обезбедува доследен агол на гледање и спречува промени предизвикани од поместување на положбата на фокусот. Метаподатоците се користат при обработката по снимањето.
Сеопфатни алатки за снимање видео
α7R V нуди алатки за снимање како провидна сигнална рамка за снимање што се прикажува на екранот, режим за флексибилна експозиција, прилагодување на балансот на белата боја при снимање, нови ознаки за снимки за соодносот на слика и тајмер за снимање.
Дизајниран за креатори на содржини
Нов LCD-екран што се врти по 4 оски
Ненадмината флексибилност за следење
Новосоздадениот екран што се врти по 4 оски од Sony нуди комбинација од стандардно закосување и флексибилно странично отворање. Овозможува поголема слобода при снимањето со неограничено прилагодување на аголот и во хоризонтална и во вертикална ориентација.
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
LCD-екран од тип 3,2 со детален приказ
LCD-екранот на α7R V нуди сооднос на слика од 3:2, 2,1 милиони точки, ракување на допир и широка палета на бои (еквивалент на DCI-P3). Достапен е режим за надворешно користење наменет за јасна слика во светли надворешни услови.
QXGA-визир со најголема резолуција во својата класа
Електронскиот OLED-визир со 9,44 милиони точки нуди 1,6x подобра резолуција, зголемување до 0,90x што е светски рекорд, дијагонално видно поле од 41° и опција за 120 fps за минимално заматување на движењата.
Два отвори за медиуми CFexpress Type A
Двата отвори за медиуми на α7R V поддржуваат картички CFexpress Type A и картички UHS-I и UHS-II SDXC/SDHC. Брзото запишување на картичките Type A овозможуваат обработување големи количини на податоци без напор. Достапни се посебни режими за снимање со пренасочување и истовремено снимање.
Наменско вртливо копче за фотографии/видео/S&Q
Вртливото копче за фотографии/видео/S&Q нуди брзо и независно избирање, овозможува брз пристап до најпрактичните поставки за фотографирање за секој режим.
Ракување на допир при фотографирање и репродукција
Функциите за фокусирање со допир, следење со допир и бленда на допир може да се активираат последователно со допирање икони на екранот. При репродукција, сликите може да се избираат со допир.
Работен процес и сигурност за експерти
Брз Wi-Fi за поврзување со компјутери, FTP и телефони
Вградениот Wi-Fi (IEEE 802.11a/b/g/n/ac) овозможува комуникација преку фреквенции од 2,4 GHz и 5 GHz и нуди поддршка за 2x2 MIMO за брз и стабилен пренос на податоци и сигурна комуникација.
Поддршка за UVC/UAC за користење како веб-камера
Лесно проследување во 4K е можно преку телефон компатибилен со UVC/UAC или преку компјутер со USB-приклучок, поради што α7R V може да се користи како веб-камера со висока резолуција.
Ефикасна дисипација на топлина за подолго снимање
Фотоапаратот е целосно редизајниран за да овозможи ефикасна дисипација на топлина и да спречи прегревање. 8K-видео со 24p (25p), 10 бита и 4:2:0 може да се снима континуирано до приближно 30 минути.
Голема сигурност во работни средини со лоши услови
Заштитени се сите споеви на куќиштето, копчињата и капакот за преградата за батерии, заради посигурна надворешна употреба. Копчето за заклучување на објективот и мекиот материјал околу приклучокот ја зголемуваат отпорноста на прав и влага.
Системот ја зголемува ефикасноста за отстранување прав
Ултразвучниот механизам за придвижување предизвикува осцилирање на филтерот пред сензорот за слика со повеќе од 70.000 циклуси во секунда заради отстранување прав и честички од филтерот. Функцијата за затворање на блендата ја затвора блендата при менување објективи.
Еколошки мерки и мерки за пристапност
Целта на Sony: искористување на средината еднакво на нула
Целта на „Road to Zero“ на Sony Group е намалување на влијанието врз животната средина. Го подобруваме производството и дистрибуцијата на нашите фотоапарати и галантерија заради минимизирање на штетното влијание врз животната средина, почнувајќи од развој и производство, па сè до пакување и транспорт.
Реализација на нашиот план со α7R V
Материјали за пакување што можат да се рециклираат и не содржат пластика
Sony прави напори за да користи материјали за пакување што не содржат пластика и заштитуваат од потреси и удари. За торбите се користат растителни и неплетени материјали. Тоа придонесува за минимизирање на влијанието врз средината.
Помошна технологија за фотоапарати Alpha
Нашите фотоапарати Alpha имаат технологија за пристапност за лица со намален вид и подвижност.
Imaging Edge Desktop™
Подобрете ги фотографиите со апликациите Imaging Edge Desktop. Користете „Remote“ за контрола и следење на фотографирањето во живо преку компјутер; „Viewer“ за брзо прегледување, оценување и избирање фотографии од големи колекции; и „Edit“ за претворање RAW-податоци во фотографии.
Особено за ентузијастите кои користат α7R V
Спецификации и функции
α7R V ви овозможува да ја доловите вашата замисла како никогаш досега, со наменска обработка со AI што ги препознава и следи вашите субјекти. Режисерите ќе ги искористат придобивките од новиот стандард за квалитет и резолуција на слика, функцијата за снимање 8K-видео, како и значително подобрената стабилизација на слика со 8 чекори и напредните опции за поврзување и работни процеси.
- Тип на сензор
- Exmor R CMOS-сензор од 35 мм за целосна слика (35,7 x 23,8 мм)
- Број на точки (ефективни)
- Прибл. 61,0 милиони точки
- ISO чувствителност
- Фотографии: ISO 100-32000 (ISO-броевите од ISO 50 до ISO 102400 можат да се постават како проширен опсег на ISO.), АВТОМАТСКИ (ISO 100-12800, можност за избор на долна и горна граница), Видеоснимки: ISO 100-32000 еквивалент, АВТОМАТСКИ (ISO 100-12800, можност за избор на долна и горна граница)
- Траење на батеријата (фотографии)
- Прибл. 440 снимки (визир) / прибл. 530 снимки (LCD-екран) (CIPA-стандард)
- Вид на визир
- Електронски визир (Quad-XGA OLED) од 1,6 см (тип 0,64)
- Тип на монитор
- TFT-екран од 8,0 см (тип 3,2)
Поврзани производи
Мемориска картичка CFexpress од тип A од серија CEA-G
CEA-G80T / CEA-G160T / CEA-G320T / CEA-G640T
Мемориска картичка CFexpress Type A од серија CEA-M
CEA-M1920T
FE 20-70 мм F4 G
SEL2070G
Мемориска картичка CFexpress Type A од серија CEA-M
CEA-M960T
Сенило за објективот SEL50F14GM
ALC-SH173
Стаклен заштитник на екран во вид на лист
PCK-LG3
Стерео микрофон со штипка
ECM-LV1
Стерео микрофон за приклучок за повеќе интерфејси XYST1M
ECM-XYST1M
Надворешен блиц за приклучок за повеќе интерфејси F20M
HVL-F20M
Надворешен блиц за приклучок за повеќе интерфејси F60M
HVL-F60M
IR видео светло на батерија HVL-LEIR1
HVL-LEIR1
Надворешен приклучок FA-CS1M
FA-CS1M
Адаптер за целосна слика од 35 мм со A-приклучок LA-EA5
LA-EA5
Адаптер за целосна слика од 35мм со A-приклучок LA-EA4
LA-EA4
Адаптер за целосна слика од 35мм со A-приклучок LA-EA3
LA-EA3
UHS-II SD-картичка од серија SF-M со спецификации TOUGH
SF-M series (T)
SD мемориска картичка UHS-II од серија SF-M
SF-M Series
UHS-II SD-мемориска картичка од серија SF-E
SF-E SERIES
Поддршка за производи
