α7 IV
Нудејќи револуционерни перформанси за снимање фотографии и видеоснимки, α7 IV е идеален хибрид кој создава прекрасни слики и нуди моментална испорака и дистрибуција. α7 IV е фотоапарат дизајниран да ги реализира уметнички идеи на денешните креатори.
Само куќиште|Куќиште + објектив за зумирање од 28-70мм
Подгответе се за инспирација. Реалната резолуција на α7 IV и извонредниот автоматски фокус врз основа на AI се само дел од палетата на врвни функции што ги нуди најсовремената технологија за обработка на слика.
Новиот Exmor R™ CMOS-сензор за слика со 33,0 милиони точки на α7 IV нуди неверојатни перформанси, одличен квалитет на слика и за фотографии и за видеоснимки, отчитување со голема брзина, голема чувствителност, мал шум и прецизна репродукција на бои.
Најновиот процесор за слика на α7 IV нуди многу подобри перформанси, квалитет на слика и репродукција на бои. Големите брзини на обработка овозможуваат полесно и поудобно континуирано фотографирање, како и брз одзив при ракувањето за време на преносот на податоци.
Избор на десет опции за креативен изглед и осум параметри за брзо прилагодување на изгледот на вашите фотографии, видеоснимки и проследувања во живо. А бидејќи не е потребно уредување по снимањето, може да ја споделите вашата замисла веднаш по снимањето.
Освен стандардните формати RAW и JPEG, може да го изберете и форматот HEIF (High Efficiency Image File) за снимање фотографии. Рамномерната длабочина на бои од 10 бита нуди реалистична репродукција на небото и субјектите во портретите за кои е неопходна дискретна и природна градација.
Компензација за брзина на бленда со 5,5 чекориод вградениот модул за стабилизација
Модулот за прецизна стабилизација и жироскопите на α7 IV користат алгоритми за стабилизација на слика за да овозможат компензација за брзината на блендата до 5,5 чекори, за максимални перформанси со висока резолуција на сензорот за слика со 33,0 MP.
Најновите блицови од Sony комуницираат со α7 IV со моќни перформанси за откривање лица со цел да се прилагоди експозицијата и да се добијат природни тонови на кожата. Прецизната синхронизација на балансот на белата боја и мерењето со P-TTL, со ниво „Hi“ за брзина на континуирано фотографирање, овозможуваат сигурна експозиција дури и на субјектите кои се движат брзо преку брзи промени на осветлувањето.
За попрактично фотографирање, компатибилните блицови и далечинските управувачи со радиосигнали што се поврзани со α7 IV може да се контролираат преку интерфејсот на фотоапаратот.
Системот со брз и хибриден AF еволуираше уште повеќе за да понуди поголема брзина, прецизност и перформанси за следење. Благодарение на 4D FOCUS од Sony, широката и густа површина за AF со 759 AF-точки за откривање на фаза покрива приближно 94% од површината на сликата на фотографиите и видеоснимките.
И механичката и електронската бленда ви овозможуваат да снимите повеќе од 800 слики со брзина од 10 fps и AF/AE со следење, благодарение на меѓумеморијата, брзиот процесор BIONZ XR и големата брзина на запишување на мемориските картички на α7 IV.
Алгоритамот за препознавање субјекти од Sony користи податоци за бои, шеми (светлина) и оддалеченост на субјектот (длабочина) за обработка на информациите во реално време. AI се користи за прецизно откривање и следење на очите и лицето на субјектот (човек, животно или птица). Изберете субјект и препуштете му сè на фотоапаратот.
Окото ќе биде во фокус за да може да се концентрирате на композицијата
Најновиот процесор значително ги зголемува перформансите за AF на очи во реално време, дури и ако субјектот гледа нагоре, надолу или странично. Може да користите и следење со допир за да активирате следење во реално време на субјект во кадарот, а во исто време ќе се активира и AF на очи во реално време доколку функцијата открие око - треба само да допрете на екранот.
Брз и прецизен фокус за тешки снимки од животни
Ако изберете „Животно“ како тип на субјект за откривање, ќе можете автоматски да откривате и следите очи на животни и поуспешно ќе снимате видеоснимки и фотографии од диви животни и од вашите домашни миленичиња. Откривањето очи на животни е подобрено и нуди сигурно следење и прецизен фокус дури и кога лицето на животното е свртено наопаку.
Откривањето очи на птици е достапно и за фотографии и за видеоснимки
За прв пат во серијата α, откривањето очи на птици е достапно и за фотографии и за видеоснимки - само изберете ја опцијата „птица“ како субјект. Неверојатната брзина и прецизност на фотоапаратот овозможуваат автоматско следење на одредени птици, независно дали стојат или летаат, со стабилно фокусирање на очите и покрај нивните брзи и непредвидливи движења.
Сега може да снимате видеоснимки во 4K со 60p и обработка на сите точки без нивно соединување, благодарение на новиот сензор за слика на α7 IV и широкиот динамички опсег што создаваат јасни слики од субјектите кои се движат брзо.
Прекумерното семплирање во 7K за целосна слика е можно при снимање 4K-видео со максимум 30p, а како резултат добивате содржини со висока резолуција 4K и врвни детали. Изберете го најсоодветниот режим за вашата цел и препуштете сè на фотоапаратот.
Снимајте видеозаписи со неверојатна длабочина од 10 бита и семплирање на бои од 4:2:2, со кодирање слики со Long GOP или All-Intra, за поголема флексибилност при градации, обработка по снимањето и спојување на сликите.
Снимањето со All-Intra ги кодира сите слики независно, со бит-стапки до 600 Mbps, овозможувајќи снимање сложени движења со поголема прецизност и поефикасни работни процеси за уредување.
[1] All-Intra (All-I) [2] Long GOP [3] Група слики
Формат за снимање XAVC HS користи кодирање HEVC/H.265 за да постигне двојно поголема ефикасност за компресирање од кодирањето AVC/H.264, овозможувајќи врвен квалитет на слика и помали датотеки што заштедуваат простор.
Поддршка за S-Cinetone™, креативен изглед и S-Log3
Матрицата на бои S-Cinetone, основана врз технологија стекната преку развој на камерите CineAlta како што е VENICE, создава импресивен изглед со прекрасни тонови на кожата без потреба од уредување по снимањето. Однапред поставените опции за креативен изглед создаваат други интересни режими за визуелен амбиент, а може да ја користите и гамата S-Log3 за да пристапите до целосниот динамички опсег на фотоапаратот (над 15 чекори) за полесни работни процеси по снимањето.
a7 IV ги користи нашите технологии за објективи и фотоапарати за да овозможи иновативна компензација за промени во фокусната должина, што е ексклузивна за објективите со E-приклучок од Sony. Со минимизирање на можните промени во аголот на гледање кога снимате видео, ако извршите поместување на фокусот со одредени објективи, може да добиете импресивни резултати - за нови креативни можности со различни објективи со E-приклучок од Sony.
По барање на професионалните креатори на содржини, новата функција за мапа на фокусот ви овозможува прегледен приказ на длабочината на полето кога фотографирате . При користењето, информациите за фокусот (мапа на длабочина) се прикажуваат во реално време врз приказот во живо, за да имате преглед кои површини се во фокус.
Пренесена од Cinema Line FX6, функцијата за помош при AF нуди избор помеѓу автоматски и рачен фокус. Поместување на фокусот се врши со ротирање на прстенот за фокусирање за да преминете во MF и да го поместите фокусот - AF продолжува штом престане ротацијата.
Функциите за прилагодено фокусирање, присутни и кај моделите од повисока класа како α1 и α7S III, нудат креативни опции за снимање видео како поместување на фокусот, брза промена на целта на AF и приспособлива чувствителност за следење субјекти.
Сигурна поддршка за рачно снимање видео
Стабилизацијата со активен режим за снимање видео е основана врз прецизниот модул за стабилизација, жироскопите и софистицираните алгоритми на фотоапаратот. Таа прецизно ја открива потребната количина на компензација и врши стабилизација за да овозможи стабилно снимање 4K-видеоснимки, без притоа да влијае негативно врз компактната големина и преносливоста на α7 IV.
Дознајте ги четирите уникатни предности на објективите со E-приклучок од Sony за снимање видео. Комбинацијата од објективи и фотоапарати од Sony ќе ви овозможи подобро доживување при снимањето видео.
α7 IV ги снима податоците од објективот и жироскопот како метаподатоци, поради што Catalyst Browse/Prepare овозможува дополнително елиминирање на тресењето на фотоапаратот и прилагодување на стабилизацијата на сликата дури и по фотографирањето.
Приклучокот за повеќе интерфејси (MI) овозможува поврзување без кабли и директен трансфер на дигиталниот сигнал за звук за да добиете висококвалитетен звук без загуби, а може и да ги напојува микрофоните со што ги елиминира грижите за батерии.
Користејќи новосоздадена технологија за обработка на сигнали, кога намалувањето на шумот предизвикан од ветер е поставено на „Автоматски“ и уредот открие таков шум, шумот значително ќе се намали без да се променат другите звуци.
Сè што ви треба е USB-врска за да го претворите α7 IV за целосна слика во веб-камера со високи перформанси. Не е потребно сложено поставување, само поврзете го фотоапаратот со компјутер или паметен телефон преку USB, изберете „Live Stream (USB Streaming)“ и тоа е сè.
α7 IV ги поддржува стандардите UVC (USB Video Class)/ UAC (USB Audio Class) што вообичаено се присутни кај USB-камерите, па затоа нема потреба да користите наменски софтвер. Само поврзете го преку USB и подгответе се за пренос во живо со 4K-резолуција.
α7 IV го олеснува проследувањето во живо. Кога ќе го приклучите фотоапаратот во компјутер преку USB, менито за избор на USB-функција ќе се појави на екранот на фотоапаратот. Изберете „Проследување во живо (USB-проследување)“ и веднаш ќе преминете во тој режим.
Со повеќе од 60 оригинални објективи со E-приклучок од Sony, од широкоаголна фокусна должина до телефото, како и врвни и специјални објективи за креативност, добивате неограничени креативни можности за проследување или споделување.
Ефектот за мека кожа кај α7 IV ја прави кожата да изгледа светла и прекрасна, ги избледува наборите, дамките и оштетените површини, а притоа ги истакнува очите и устата. Оваа функција е достапна за фотографии, видеоснимки и проследување во живо.
α7 IV е дизајниран за полесно споделување, за да можете веднаш да ги споделите вашите нови слики и вашата замисла со светот.
Споделувањето и поврзување преку апликацијата Imaging Edge Mobile од Sony е уште полесно и подобро. Конфигурирајте ги брзо поставките за Wi-Fi на фотоапаратот преку Bluetooth®-врска со мала потрошувачка на енергија и добијте поголема контрола врз автоматското префрлување слики.
Можно е поврзување преку безжичен LAN со фреквенција од 5 GHz, покрај стандардната фреквенција од 2,4 GHz (поддржани се стандардите IEEE 802.11a/b/g/n/ac). Во придобивките што ги нуди комуникацијата со 5 GHz спаѓа побрз пренос на податоци.
Оваа функција ви овозможува да префрлувате фотографии и видеоснимки на далечински FTP-сервер преку безжичен LAN, жичен LAN со голема брзина (со приклучување компатибилен кабел со адаптер за USB-етернет во приклучокот USB Type C® port на фотоапаратот) или паметен телефон поврзан преку USB.
α7 IV нуди бројни подобрувања за избирање и уредување на сликите, што придонесува за подобар работен процес и поефикасно управување со големи количини на податоци.
Сликите за разделување се вметнуваат помеѓу фотографиите заради побрзо пронаоѓање на саканите сцени. Црна заднина со сива стрелка што покажува нова сцена или избор.
Во снимените видеозаписи може да додавате два вида на ознаки за снимки, што се користат како „ознаки“ или знаменца, за да ги обележите омилените кадри или сцени, а главното вртливо копче може да се користи за брза навигација од една до друга ознака при репродукцијата.
Датотеките можат да се префрлуваат според критериуми како оценка, ознаки за снимки, статус на заштита или формат на датотека. Можно е рачно префрлување на една датотека користејќи приспособливо копче.
Свртете го копчето за фотографии/видео/S&Q и фотоапаратот ќе го промени менито, функциите на копчињата и поставките како решетка и брзина на бленда според избраниот режим, за лесно искористување на придобивките од хибридната природа на фотоапаратот.
На барање на професионалните фотографи и видеографи, воведовме структура на менијата слична на онаа кај α7S III и α1 за да овозможиме подобра и попрактична видливост.
The camera's Quad-VGA OLED-визорот на фотоапаратот има приближно 1,6x поголема резолуција од визирот на α7 III, со видно поле од 37,3° и растојание до окото од 23 мм.
Големата слобода за позиционирање и обликување на кадарот на сликите и видеоснимките се должи на LCD-екранот на допир од тип 3,0 со 1,03 милиони точки, странично отворање и сооднос на слика од 3:2.
Сега може да ги ракувате со допир и функциите за AF, како следење со допир, за време на фотографирањето. Освен штипнување за зумирање при репродукцијата, целосното ракување е поинтуитивно.
α7 IV има приспособливо задно вртливо копче наместо вртливо копче за компензација на експозицијата, што нуди брз пристап до функции како контрола на ISO, креативен изглед и други поставки.
Инспириран од убавината на светот, Sony придонесува за зачувување на Земјата, а сепак им овозможува на креаторите да создаваат поубави и покреативни содржини. Со цел да постигнеме искористување на животната средина еднакво на нула низ целата групација на Sony до 2040 година, ќе ги забрзаме бројните иницијативи за животната средина.
α7 IV не е исклучок во нашите цели за зачувување на животната средина
Целиот еколошки работен век на α7 IV е добро осмислен преку подобар развој, производство, пакување и логистика. Повеќе компоненти на куќиштето се направени од рециклирана пластика со високи перформанси и можност за повторно рециклирање, а пакувањето е попрактично за рециклирање. Исто така, нашите фабрики користат обновлива соларна енергија за да ја намалат потрошувачката на енергија за производство.
Подобрете ги вашите фотографии со апликациите Imaging Edge. Користете „Remote“ за контрола и следење на фотографирањето во живо преку компјутер; „Viewer“ за брзо прегледување, оценување и избирање фотографии од големи колекции; и „Edit“ за претворање RAW-податоци во фотографии.
Корисниците велат
