Комбинацијата од водечки технологии нуди извонредни перформанси

Огромниот обем на податоци од Exmor RS™-сензорот за целосна слика со 50,1 мегапиксели се обработуваат во реално време со процесорот за обработка на слика BIONZ XR™ од Sony. Уредот за напредна обработка со AI нуди високо ниво на препознавање субјекти за сигурно препознавање на различни видови субјекти. Овие најсовремени технологии го олеснуваат снимањето дури и на најтешките субјекти со извонредна резолуција, а притоа овозможуваат гледање без затемнување и следење со AF/AE при брзини до 30 fps.

Уредот за напредна обработка со AI нуди високо ниво на препознавање субјекти

α1 II има наменски уред за обработка со AI кој придонесува за попрецизно препознавање на луѓето врз основа на проценката на човечки пози, а поддржува и препознавање на различни видови субјекти кои не се луѓе, како животни, возила и инсекти, со голема прецизност. Тоа резултира со значително подобрување на функциите за AF со препознавање во реално време и следење во реално време, како и со повисоки перформанси за AF.

Подобро препознавање на луѓе со функцијата за AF+ со препознавање во реално време

Благодарение на неговиот иновативен уред за обработка со AI, α1 II може да ја користи технологијата за проценка на човечки пози за го подобри препознавањето на субјектите кои не се завртени кон фотоапаратот, кои носат очила за сонце или чие лице е покриено. Нашиот најнов софтвер за фотоапарати ја подига функцијата од Sony за проценка на човечки пози на повисоко ниво. Во верзијата 4.0 и во поновите верзии, функцијата за AF+ со препознавање во реално време нуди постабилно препознавање на луѓе, дури и во сложени ситуации, како во толпа луѓе или во тимски спортови, а нуди и прецизно и доследно следење, и континуиран фокус врз вашиот субјект, дури и ако погледот кон него биде привремено попречен.

Прецизно препознавање на различни субјекти

Сега се препознаваат повеќе видови субјекти во фотографиите и видеоснимките, а новиот [Автоматски] режим му овозможува на фотоапаратот да ги избира автоматски. Препознавањето животни е подобрено за приближно 30%, бидејќи се додадени очи на некои помали животни, а се препознаваат и очите, главите и лицата на животни како кучиња и мачки. Препознавањето птици е подобрено за 50%.

Сигурно следење во реално време

α1 II нуди следење во реално време врз основа на AI. Ако субјектот не може да биде препознаен поради некоја причина, или опцијата за AF за препознавање субјекти не е ВКЛУЧЕНА, оригиналниот алгоритам за препознавање субјекти од Sony ќе ги обработи податоците за боите, шемите и просторните податоци за да овозможи сигурно доловување и следење на субјектот. Кога функцијата [Следење со допир] е активирана, ако допрете субјект на мониторот, веднаш ќе го изберете за следење.

Брзината на следењето со AF може да се избира според брзината на движењата на субјектот

Брзиот и хибриден AF нуди комбинација од откривање фаза и откривање контраст која резултира со врвна брзина, прецизност и перформанси за следење. 759-те точки за откривање фаза покриваат 92% од сензорот за слика. Брзината на следење со AF за фотографии ги нуди опциите [Стабилно], [Стандардно] и [Брзо] кои ќе одговараат на очекуваното движење на субјектот, а ќе бидат практични, на пример, за фотографирање птици. AF нуди голема прецизност при мали нивоа на светлина дури до EV-4,0 во режимот AF-S, со побрз одзив на AF за контраст. 

Флексибилни поставки за фокусна површина

Покрај постоечките големини за фокусна површина L, M и S, сега се достапни и големините XL и XS. Опцијата XS е практична за да се избегне фокусирањето предмети во преден план, како гранки. Исто така, може да создадете приспособена фокусна површина со определена големина и сооднос, што е практично во ситуации како спорт со патеки каде што спортистите се наредени еден до друг и сакате да го фокусирате првиот натпреварувач.

Континуирано фотографирање со голема брзина и максимална резолуција од 50,1 MP

Континуирано фотографирање со голема брзина до 30 fps и следење со AF/AE е можно со неверојатна резолуција од 50,1 MP, со максимум 120 пресметки за AF/AE во секунда од податоците од сензорот за слика. Фотографирањето без заматување и без губење на сликата на визорот овозможува непречено обликување на кадарот и доловување на субјектот, исто како да го гледате со голо око.

Пред-снимање и зголемување на брзината на континуираното фотографирање

Функцијата за пред-снимање ретроактивно ги снима моментите кои завршиле пред да се активира блендата, без намалување на резолуцијата, дури и при континуирано фотографирање со брзина до 30 fps и избор на опции за времето на снимање. Функцијата за зголемување на брзината на континуираното фотографирање може привремено да ја промени брзината на фотографирањето. И двете функции ја намалуваат веројатноста за пропуштање на важниот момент.

Поголема издржливост за секвенцијално фотографирање со голема брзина

Големата меѓумеморија и зголемената брзина на системот овозможуваат континуирано фотографирање со максимална резолуција. Може да снимите до 159 JPEG-слики или 153 RAW-слики со компресија во една серија на континуирано фотографирање со 30 fps. Може да снимите до 400 JPEG-слики во една серија со брзина од 20 fps. Тоа може многу да ја зголеми вашата самодоверба кога темпирањето е многу важно за доловување на спортовите, дивите животни и други подвижни предмети.

Можност за избор на времето на доцнење за активирање на блендата

Режимите за избирање на времето на доцнење за активирање на блендата се достапни во менито [Доцнење на активирањето] / [Започнување на приказот]. Со затемнувањето кое настанува само на првата слика при континуирано секвенцијално фотографирање, опцијата [Најбрзо активирање/Вклучено] нуди најкратко можно време на доцнење за активирање на блендата, а опцијата [Стабилно активирање/Вклучено] ги минимизира варијациите во времето на доцнење за активирање на блендата за да го олесни активирањето на блендата во саканиот момент. Зададената опција [Автоматски/Исклучено] не врши затемнување кога ќе започне фотографирањето.

Неверојатна резолуција со 50,1 мегапиксели

Обемната палета на објективи со високи перформанси G Master од Sony може да се користи со Exmor RS-сензорот за слика со 50,1 мегапиксели и процесорот за обработка на слика BIONZ XR за да создавате длабоки и реални слики со висока резолуција. Големиот број на пиксели на сензорот овозможува импресивна резолуција од 21 мегапиксели при фотографирање во режимот APS-C или при отсекување на сликата во APS-C-формат по фотографирањето.

Избор на квалитет и големина на RAW-слики

Достапни се RAW-фотографии со компресија, без компресија и со голема компресија без загуби. Можно е континуирано фотографирање RAW-слики со компресија со брзина до 30 fps. Може да изберете три големини на RAW-слики со компресија без загуби според потребите: L, M и S. Сликите RAW со компресија без загуби, JPEG и HEIF со големина M и S имаат ист број на пиксели, независно дали се снимени во режим за целосна слика или во APS-C-режим, што овозможува непречено избирање помеѓу режимите и задржување на истата резолуција на сликите. Големините на JPEG и RAW може слободно да ги комбинирате според потребите.

Висока чувствителност, мал шум и широк динамички опсег

Ги земавме предвид повратните информации од професионалците за да создадеме намалување на шумот кое ќе биде високоефикасно, без губење на деталите во сликата, за да можат корисниците да снимаат јасни слики од спортови во затворени простории, со средна до голема чувствителност, без двоумење. Динамичкиот опсег при помала чувствителност нуди импресивно широки 15 чекори за рамномерни и реални градации.  [1] α1, ISO 6400, 1/1600 сек., F2,8 [2] α1 II, ISO 6400, 1/1600 сек., F2,8

Доследно прецизни бои и експозиција

Репродукцијата на боите и експозицијата се значително подобрени во споредба со α1. Алгоритамот за AE открива лица и ја оптимизира експозицијата за фотографии и видеоснимки. Стабилноста на експозицијата е подобрена за приближно 20%, дури и кога лицето е темно, осветлено одзади, премногу осветлено со директна сончева светлина или не гледа кон фотоапаратот. Користејќи ја „Видливата светилка и IR-сензорот“, напредниот уред за обработка со AI овозможува прецизен баланс на белата боја дури и кога субјектот е во сенка.

Оптичка стабилизација на слика со 5 оски која нуди 8,5 чекори во центарот

Прецизната стабилизација на слика, напредните жироскопи и најсовремените алгоритми го откриваат и коригираат тресењето на фотоапаратот, со револуционерни 8,5 чекори во центарот и 7,0 чекори во периферните делови, и го подобруваат рачното снимање со прецизност на ниво на индивидуални пиксели и со врвни детали на субјектот. Во комбинација со компатибилните објективи што имаат вградена стабилизација, подобрената синхронизација помеѓу куќиштето-објективот нуди ефикасна контрола на заматувањето дури и при телефото фокусни должини кои може да бидат проблематични. [1] Странично вртење [2] Ротирање [3] Вртење нагоре

Режими за споени RAW-слики, за помал шум и повисока резолуција

Режимот со поставки за фотографирање со NR снима од 4 до 32 RAW-слики кои потоа може да се спојат со помош на апликацијата Imaging Edge Desktop™ од Sony за да се добие слика со максимална резолуција и многу мал шум дури и при средна до висока чувствителност. Повеќекратното фотографирање со поместување на сензорот снима 4 или 16 слики со поместување на сензорот кои подоцна може да ги споите со истата компјутерска апликација за да добиете извонредна резолуција во една слика.  [1] Една RAW-слика, ISO 12800 [2] Споена RAW-слика со NR (32 слики), ISO 12800

AF со препознавање во реално време за видеоснимки

AF со препознавање во реално време користи напредна технологија за проценка на човечки пози врз основа на AI, која не ги препознава и следи само очите, туку и положбите на телото и главата на луѓето со голема прецизност. Опсегот на субјекти кои се препознаваат со помош на AI, и за видеоснимки и за фотографии, е проширен во споредба со α1, и сега, на пример, опфаќа птици за видеоснимки. Другите субјекти се доловуваат и следат во реално време преку обработка на боите, шемите и просторните податоци.

Снимање со висока резолуција 8K/4K за импресивна реалност

4K-видеоснимки (3840 x 2160) може да создавате со отсекување и уредување на снимени материјали во 8K-резолуција добиена со прекумерно семплирање со 8,6K-резолуција. Достапно е снимање во форматот XAVC HS со 8K, 4:2:2 и 10 бита со изборна Full HD-прокси датотека, како и снимање во форматите за целосна слика XAVC HS, S или S-I со 4K-резолуција, или снимање во форматот Super 35 мм со прекумерно семплирање во 5,8K-резолуција и обработка на сите точки без соединување на точките. XAVC S-I овозможува снимање со максимум 600 Mbps за неверојатен квалитет на слика.

Снимање со голема стапка на слики до 120p

Може да снимате во 4K-резолуција со 120p директно во фотоапаратот. Снимените материјали во 4K-резолуција може да се репродуцираат со забавени движења до 5x. Режимот за бавни и брзи движења (S&Q) овозможува практична репродукција на снимените материјали со бавна или голема брзина во фотоапаратот. Full HD-содржините снимени со 240 fps нудат ште поголем опсег: забавени движења до 10x (24p) за создавање импресивни спортски видеоснимки, на пример. Менито за поставување на стапката на слики овозможува интуитивно избирање на стапката на слики.

Подобро усогласување на S-Log со камерите Cinema Line

Кривата за гама S-Log3 ја нагласува градацијата од сенки до средни сиви тонови (18% сива боја). Минимално ISO при снимање со S-Log е 800, а проширениот опсег на ISO е 200 - 640. Во споредба со α1, репродукцијата на деталите е подобрена и снимените материјали може полесно да се усогласат со излезниот сигнал од дигиталните филмски камери, кои исто така нудат S-Log3, како што се VENICE и BURANO од Sony. Можноста за увезување кориснички LUT-датотеки во фотоапаратот ви овозможува да дознаете полесно како ќе изгледа крајниот изглед по обработката, директно во фотоапаратот.

Стабилизација со динамички активен режим

Покрај стандардниот режим, достапен е активен режим кој нуди комбинација од прецизна стабилизација на слика и жироскоп, како и динамички активен режим кој додава електронска стабилизација за да добиете уште подобар ефект за приближно 30%, овозможувајќи стабилно снимање дури и кога корисникот џогира.

Компензирање на промените во фокусната должина

Компензацијата на промените во фокусната должина ефикасно ги намалува промените во фокусната должина при снимање видеоснимки. Оригиналната технологија за јасно зумирање на слики од Sony се користи за автоматско одржување на доследен агол на гледање при сите промени на фокусот, за да добиете постабилни слики. Метаподатоците за промени во фокусната должина може да се искористат со напредните функции за компензација на промените во фокусната должина на најновиот софтвер Catalyst Prepare™/Prepare Plugin™ при обработката по снимањето.

Функции за рамномерно фокусирање

Избор на алатки за фокусирање кои овозможуваат интуитивно и професионално снимање видеоснимки. Функцијата за помош при AF за привремено преминување на рачен фокус, приказот со изострување на фокусот и поставките за брзина и чувствителност на транзициите на AF му помагаат на корисникот кога снима видеоснимки. Мапата на фокусот прикажува визуелна мапа за длабочината на полето врз екранот на кој се прикажува прегледувањето во живо. Функциите за AF со препознавање во реално време, следење во реално време и фокусна површина сега се достапни при дигитално зумирање и јасно зумирање на сликите.

Автоматското обликување на кадарот автоматски ја приспособува композицијата за субјектот

Користејќи технологија за препознавање субјекти врз основа на AI, автоматското обликување на кадарот го отсекува кадарот автоматски за да го задржи субјектот во видлива положба при снимање видео. Обликувањето на кадарот се приспособува континуирано за да изгледа дека субјектот во снимените содржини бил следен од искусен снимател. Моментот во кој ќе започне автоматското обликување на кадарот, големината на субјектот во кадарот и брзината на следењето може да се контролираат. Автоматското обликување на кадарот може да биде идеално за снимање интервјуа, музички настапи, готвење и многу повеќе.

Функцијата за стабилизација на кадарот автоматски ја одржува положбата на субјектот

Стабилизацијата на кадарот автоматски ја задржува локацијата на субјектот во кадарот кога операторот на фотоапаратот се движи покрај субјектот или во други ситуации кога задржувањето на доследноста на кадарот е тешко. Препознавањето субјекти врз основа на AI и динамичката активна стабилизација на слика спречуваат промени на кадарот и овозможуваат создавање стабилни слики дури и при рачно снимање. Режимот [Центар] автоматски го задржува субјектот во центарот на кадарот, а режимот [Рачно] овозможува слободно избирање на положбата на субјектот.

Флексибилно позиционирање на LCD-мониторот

Мониторот што се врти по 4 оски може да се позиционира за оптимално гледање во хоризонтална или вертикална ориентација. Извлечениот монитор може да се закоси нагоре за приближно 98° и надолу за приближно 40° кон задната страна на фотоапаратот, а се врти и странично за цели 180°. Шарката е дискретна, но цврста. Големиот екран од тип 3,2 со 2,1 милиони точки нуди ракување на допир, има широка палета на бои и е дизајниран за јасно гледање при надворешно користење.

Електронски визир со високи перформанси

Електронскиот визир со 9,44 милиони точки (прибл.), OLED-екран со висока резолуција и подобрена оптика нуди јасен приказ. Зголемувањето е 0,90x со видно поле од 41° за јасен и широк приказ, а подобрената структура нуди растојание до окото од 25 мм. Времето на доцнење е намалено заради постабилно обликување на кадарот. Стапката на слики на визирот за фотографирање може да се постави на [Стандардно] (60 fps), [Високо] (120 fps) или [Повисоко] (240 fps). Севкупниот квалитет на слика е значително подобрен, а аберацијата е минимизирана.

Вклучени се стандардни и длабоки капачиња за визирот

α1 II се испорачува со две капачиња за визирот: стандарден вид FDA-EP19 и длабок вид FDA-EP21, кои корисникот ќе може да ги користи во зависност од амбиенталните услови или по своја желба. Новиот дизајн FPA-EP21 е подлабок од стандардниот вид FDA-EP19 и ја зголемува острината на приказот преку ефикасно блокирање на надворешната светлина која може да навлезе помеѓу окото и окуларот при фотографирање во светли опкружувања. Мекиот материјал и дизајнот за добро прилепување ја зголемуваат удобноста при гледањето.

Дознајте повеќе за FDA-EP21

Држач за напредно држење и практично користење

Подобрената ергономија на држачот нуди удобно и стабилно снимање во долги периоди бидејќи има форма која овозможува цврсто држење во една рака. Додадено е и приспособливо копче C5, а дизајнот на изборниот вертикален држач VG-C5 овозможува долго вертикално снимање, кој нуди и батерија со поголема издржливост во споредба со претходниот модел.

Испорачаниот полнач може да наполни две батерии NP-FZ100 за 155 минути

Испорачаниот брз полнач BC-ZD1 може да наполни две батерии NP-FZ100 истовремено за приближно 155 минути. Кога се користи со AC-адаптер кој поддржува USB PD (напојување). Овој полнач е идеален за полнење две батерии кои се користат на настани или во други ситуации за кои е потребно континуирано користење во долги временски периоди.

Два отвори кои нудат поддршка за мемориски картички CFexpress Type A

α1 II има два отвори за медиуми кои поддржуваат мемориски картички CFexpress Type A и картички UHS-I и UHS-II SD. Картичките CFexpress Type A се идеални за снимање на огромниот обем на податоци кои ги создава сензорот за слика, овозможувајќи континуирано фотографирање со 30 fps и снимање видеоснимки со резолуција 8K и 4K и висока бит-стапка. Истите податоци може да се снимаат истовремено на двете картички или да се поделат датотеките по вид и големина. Режимот за „пренасочување“ автоматски го пренасочува снимањето во втората картичка кога ќе се наполни првата картичка.

Функции за репродукција на слики кои поддржуваат работни процеси за моментална испорака

Репродукцијата на повеќе медиуми ви овозможува непречено прикажување на сите слики од двете мемориски картички, со избирање на сите отвори како цел за приказ при репродукцијата. Има поддршка и за групен приказ на слики, како што се слики снимени континуирано или во интервали. Доколку поставите однапред, ќе може автоматски да доделите оценка на првата слика од групата континуирано снимени слики или групата слики снимени со пред-снимање, или да вметнете слика за разделување пред првата слика од групите, што овозможува брзо пребарување и пронаоѓање на групите со помош на приспособливото вртливо копче за време на репродукцијата.

Наменски микрофон за јасни гласовни белешки

Во задниот панел е вграден наменски микрофон за гласовни белешки, кој овозможува лесно снимање јасни гласовни белешки дури и во бучни опкружувања. Тие може да се префрлат на FTP-сервер заедно со соодветните слики, за поефикасна комуникација помеѓу фотографот и уредникот, а апликацијата за мобилни телефони Transfer & Tagging може да се користи за конверзија на гласовните белешки во текст пред да започне преносот. И двата пристапи можат значително да ги забрзаат секојдневните работни процеси.

Вметнување IPTC-метаподатоци и однапред поставени параметри

Метаподатоците IPTC (International Press Telecommunications Council) може да се вметнуваат во сликите. Информациите за IPTC може да се запишат во однапред поставени параметри за метаподатоците IPTC и да се префрлат во фотоапаратот преку мемориска картичка. α1 II може да зачува до 20 однапред поставени параметри кои ќе можете да ги избирате брзо и по потреба. Ова е особено практично за настани со различни спортови, на пример, кога се потребни различни IPTC-податоци за различни натпревари. Соодветниот однапред поставен параметар може лесно да се избере во самиот фотоапарат.

Ефикасен пренос на податоци преку безжичен LAN и жичен LAN со голема брзина

Датотеките со фотографии и видеоснимки може да се префрлуваат директно од фотоапаратот во избран далечински FTP-сервер преку жичен и безжичен LAN. Поврзувањето преку жичен LAN 2,5GBASE-T сега овозможува пренос на податоци со брзина до 2,5 Gbps за стабилен и брз пренос на податоци за фотографии и видеоснимки од фотоапаратот во FTP-сервер и за стабилна комуникација при далечинско фотографирање од компјутер. Вградениот Wi-Fi (IEEE 802.11a/b/g/n/ac) со поддршка за 2x2 MIMO овозможува брза безжична комуникација со 5 GHz за максимална брзина и стабилност за фотографите за вести и спорт кои имаат потреба веднаш да праќаат содржини преку FTP, како и за фотостудијата.

Приклучокот USB Type-C ® поддржува SuperSpeed USB 10 Gbps (USB 3.2)

Се испорачува со приклучок USB Type-C ® кој поддржува брз пренос на податоци SuperSpeed USB 10 Gbps (USB 3.2). Поради тоа е можен далечински пренос на податоци во компјутер со голема брзина (поврзано) и лесно управување на големите датотеки.

Алатки кои поддржуваат професионални работни процеси

α1 II е компатибилен со Transfer & Tagging и Remote Camera Tools. Transfer & Tagging е апликација за паметни телефони која може да ги забрза работните процеси за фотографии на професионалните фотографи за спорт и вести, овозможувајќи префрлување во заднина од FTP кон паметен телефон и ставање брзи ознаки/додавање текст, а Remote Camera Tool е софтверска апликација што овозможува далечинско фотографирање (со компјутер) преку жичен LAN.

Платформа Creators' Cloud

Creators' Cloud е платформа која поддржува креативна работа, почнувајќи од фотографирање па сè до продукција, спојувајќи ги напредните технологии за фотоапарати од Sony со Cloud. Ова е место за откривање и соработка со креатори од целиот свет. Разгледајте апликации на интернет, за мобилни уреди и за компјутери кои нудат ефикасни решенија за интеграција на фотоапаратите со услуги и апликации за фотографирање и снимање.

Целта на Sony: нула искористување на опкружувањето

Еколошкиот план „Road to Zero“ на Sony е дизајниран да го елиминира влијанието на групацијата врз животната средина до 2050 година. Избегнувајќи ја употребата на необновливи ресурси, ние активно користиме рециклирани пластики, вклучувајќи го и нашиот издржлив и висококвалитетен материјал SORPLAS™, за фотоапаратите. Sony престанува да користи и пластични пакувања. α1 II е првиот врвен производ од серијата α кој ќе се испорачува во пакување без пластика направено од „оригиналниот комбиниран материјал“ на Sony кој може да се рециклира како хартија.

Поголема пристапност за сите корисници

Функциите за пристапност, како што се читачот на екранот кој го чита текстот од менито на екранот на глас, зголемувањето на менито и други, им помагаат на сите да уживаат во снимањето и репродукцијата кога го користат α1 II. Покрај тоа, напредните функции како AF со препознавање во реално време врз основа на AI за различни видови субјекти, интуитивното ракување на допир за следење субјекти и многу други, овозможуваат радоста од фотографирањето и снимањето да стане достапна за најширок можен опсег на луѓе.

Упатства за поставување

Ви претставуваме примери за практично користење и поставување за некои од функциите на фотоапаратот, како „Поставување на фокусот“, „Пред-снимање“ итн.

Дознајте повеќе за функциите на фотоапаратот и пронајдете инструкции