CMOS сензор за целосна слика со задно осветлување и 42,4 милиони точки

Одликувајќи се со резолуција од приб. 42,4 ефективни милиони точки, α99 II има CMOS сензор од 35 мм за целосна слика со задно осветлување, зголемен опсег на чувствителност и перформанси со извонредно мал шум. Исто така, тој не користи оптички нископропусен филтер кој може да ја намали острината, така што прецизните детали и јаснота се присутни низ целиот кадар.

BIONZ X™ процесор за обработка на слика со голема брзина и преден LSI

Одликувајќи се со технологија за репродукција на детали која ја доловува суштината на реалноста, технологија за намалување на прекршувањата за јасна слика дури и при помали решетки и технологија за намалување на шумот во одредени површини за приспособливо намалување на шумот и репродукција на повеќе детали, процесорот за обработка на слика BIONZ X прецизно ги обработува податоците со 42,2 ефективни милиони точки (прибл.) од сензорот за слика за да овозможи пореалистичен и појасен приказ. α99 II располага со нов преден LSI за подобро ракување на податоците од сликите.

Извонреден AF и AE со следење дури и при 12 fps

Следете го вашиот објект независно како се движи. Револуционерниот хибриден AF систем со откривање на фаза може да снима дури и брзи непосредни движења - благодарение на густата покриеност со AF точки врз широка површина и забрзано исчитување со новиот сензор за слика за да се овозможи ефикасна обработка на огромни количини на податоци за откривање на фаза. Со помош на овој софистициран AF систем - и побрзото движење на блендата благодарение на новосоздадената единица за полнење во механизмот на блендата - може да фотографирате континуирано со брзина до 12 fps, стабилен AF и AE со следење, овозможувајќи ви да ги доловите одлучувачките моменти со остри детали и со соодветна експозиција и фокус.

Брзо континуирано фотографирање со 8 fps и прегледување во живо

Фотоапаратот нуди континуирано фотографирање со брзина до 8 fps за да овозможи фотографирање со прегледување во живо, користејќи подобрен алгоритам за приказ за OLED Tru-Finder и LCD екранот. Минималното доцнење на приказот овозможува едноставно следење на објектите во движење.

Фотографирање без треперење

Треперењето од флуоресцентната и другите видови на вештачка светлина се открива автоматски, а блендата се темпира за да ги минимизира таквите ефекти кај фотографиите. На овој начин се намалуваат аномалиите во експозицијата и боите што можат да се појават во горниот и долниот дел на сликите снимени со голема брзина на блендата, како и недоследностите во експозицијата и боите помеѓу континуираните снимки. Можете безгрижно да снимате слики во затворени и осветлени простории.

Хибриден AF систем со откривање на фаза

α99 II има AF сензор со 79 точки за откривање на фаза и сензор за слика со 399 AF точки за откривање на фаза во фокусната површина, што е најмногу во светот досега. Оригиналната технологија на провидно огледало од Sony ѝ овозможува на светлината да стигне истовремено до наменскиот AF сензор и сензорот за слика, што значи дека и двата AF системи со откривање на фаза се активни постојано. Исто така, алгоритамот за AF е ажуриран за да обезбеди поддршка за хибридниот AF систем со откривање на фаза. Неговата обемна покриеност и голема густина овозможуваат побрз и попрецизен AF, како и значително подобри перформанси за следење.

79 Хибридни вкрстени точки

Дознајте за револуционерното автоматско фокусирање и сигурноста на следењето. Хибридниот AF систем со откривање на фаза од Sony нуди наменски AF сензор со AF точки за откривање на фаза (79, од кои 15 вкрстени точки) за хоризонтално откривање. Оваа површина со AF точки е целосно покриена со AF сензор со откривање на фаза во фокусната површина со 399 точки за вертикално откривање, па затоа сите 79 AF точки можат да се користат како изборни хибридни вкрстени точки. Со густата распределба на точките врз површината и детално прилагодување на балансот помеѓу одзивот и стабилноста, Sony го оптимизира следењето на објектите за да се задржи врз речиси сите видови на објекти, без негативни влијанија од текстурата на објектот. Освен тоа, централната AF точка може да се користи и како сензор со чувствителност од F2,8 што поддржува објективи со минимална F вредност од 2,8 или помали.

Прецизниот AF е ефикасен на светлина до EV-4

AF со откривање слаба светлина до EV-4 (централна фокусна точка). Прецизниот AF систем ќе функционира правилно дури и при фотографирање недоволно осветлени сцени со висока ISO вредност. Тој отвора нови можности за фотографирање при слаба осветленост и во темнина.

Вградена стабилизација на слика со 5 оски

Овој систем за стабилизација во сите насоки е оптимизиран за сензорите за слика со висока резолуција и овозможува прецизна компензација за пет вида на тресење на фотоапаратот кои можат да го намалат квалитетот на сликите од 42,4 MP при рачно фотографирање со α99 II. Дизајниран за модели со A-приклучок, вградениот систем нуди екстремно високи перформанси и за фотографии и за видеоснимки, независно дали фотографирате со поголеми фокусни должини, снимки одблиску или во темнина. Ефектите во реално време можат да се следат преку функцијата за прегледување во живо. Компензацијата за тресење на фотоапаратот е еквивалентна на користење поголема брзина на блендата од 4,5 чекори, што ви овозможува да користите поголем опсег на брзини на блендата. 1: Вртење  2: Ротирање  3: Движење

8% помал од α99, со подобра ергономија

Роден е нов предводник - α99 II - обновен одвнатре и однадвор. На пример, тој е 8% помал од оригиналниот α99, со одново дизајниран и покомпактен систем за стабилизација на сликата и други подобрувања што отсликуваат потполна преработка и промена на конструкцијата и распоредот на куќиштето. Тој располага со префинет држач и многубројни подобрувања за подобро држење, оптимизирано ракување и помали димензии. Уживајте во нова ергономија при фотографирањето движења.

Поддршка за 14-битен RAW формат

При снимање во RAW формат, 14-битниот RAW формат и 16-битната обработка на слика помагаат во зачувување на сите детали и создаваат слики со највисок квалитет и градации со богати тонови. 14-битниот формат RAW (Sony ARW) нуди оптимален квалитет за понатамошно прилагодување на сликите (преку Image Data Converter или друг софтвер). 1: Сензор за слика 2: Новосоздаден преден LSI со голема брзина 3: 16-битна обработка на слика

Поставување приоритет на фокусирање/активирање за AF-C/AF-S

Приоритетот за фокусирање или активирање може да се постави независно за режимите AF-S (AF за единечни снимки) и AF-C (континуиран AF). Освен тоа, дополнителната поставка за баланс ви го нуди најдобриот баланс помеѓу фокусот и приоритетот на активирање што е достапен за режимот AF-C. Оптимален фокус/активирање може да се избере за сцената што се снима, за да го добиете најдобриот фокус според потребите за фотографирање.

Флексибилна точка која се проширува

Ако ја користите функцијата за проширување на флексибилната точка, соседните фокусни точки ќе се изберат автоматски ако објектот се оддалечи од избраната фокусна точка, со што објектот ќе биде во совршен фокус. Кога режимот на фокусирање е поставен на проширување на флексибилната точка или флексибилна точка, а вие сакате брзо да ја изберете саканата фокусна површина, тогаш бројот на точки што се користат во фокусната површина може да се намали. Параметрите за автоматско фокусирање може да се постават на која било површина со точки, со што локацијата и големината ќе се поврзат со фокусната површина.

AF на очи

α99 II ви нуди AF на очи за снимање интересни изрази на лицето. Тој овозможува автоматско фокусирање, па дури и следење на очите на субјектот додека го движи лицето или кога е свртен странично, нудејќи ви поголема слобода за обликување одлични снимки.

Цврсто куќиште од легура од магнезиум

Куќиштето на фотоапаратот е дизајнирано за одлична сигурност и стабилно ракување и може да ги издржи тешките услови при фотографирање на отворено. Внатрешната структура и горниот, предниот и задниот капак се изработени од цврста и издржлива легура од магнезиум.

Сигурен дизајн кој е отпорен на прав и влага

Уживајте во безгрижно фотографирање во опкружувања со лоши услови со мерките за отпорност на прав и влага кои спречуваат навлегување вода и прав во куќиштето. Овие мерки вклучуваат заштита околу копчињата и вртливите копчиња, како и заштита за медиумските приклучоци и рабовите на куќиштето со запци на споевите за двојна заштита и цврсто прилепување на панелите и компонентите.

Заштитата од прав спречува таложење на прав и нечистотии

Специјалниот слој спречува таложење на прав и нечистотии врз површината на сензорот за слика од каде што тешко може да се отстрани поради промени на влажноста и температурата, а воедно овозможува полесно отстранување на наталожениот прав.

Преден контролер за повеќе опции

Исто така, може да погледнете како фотоапаратот еволуирал ако погледнете една од неговите практични функции за контрола. Денес, бесшумниот контролер за доделување повеќе опции вграден во оригиналниот α99 не само што може да активира некоја од доделените поставки (решетка, брзина на блендата, ISO, компензација на експозицијата, AF површина, режим за AF и други поставки за фотографии и видеоснимки), туку има и прекинувач за ВКЛУЧУВАЊЕ/ИСКЛУЧУВАЊЕ на чекорно избирање. Кога е ВКЛУЧЕН - поставка која се претпочита за фотографии, контролното копче ќе кликне кога ќе го притиснете и ќе почувствувате повратен ефект до степенот до кој сте го завртеле. Кога е ИСКЛУЧЕН, контролното копче се врти рамномерно и тивко, а овој режим се претпочита за снимање видео.

Избор на простор за складирање за далечинско фотографирање

Изберете практични дестинации за складирање податоци за фотографиите при далечинско фотографирање. Додека фотоапаратот е поврзан со компјутер за далечинска контрола на фотоапаратот, може да изберете дали фотографиите ќе се зачувуваат во фотоапаратот и во компјутерот истовремено, за да можете да ги проверите без да се оддалечите од фотоапаратот. Во режимот RAW+J може да го изберете форматот за складирање. Во компјутерот може да префрлувате само JPEG датотеки, наместо да префрлувате и JPEG и RAW датотеки, за да го намалите обемот на податоци, овозможувајќи ви да ги проверите префрлените слики веднаш.

Добивање податоци за локација преку Bluetooth

Искористете ја врската за информации за локацијата за да извлечете максимум од вашиот фотоапарат, каде и да одите заедно. Откако ќе го впарите фотоапаратот со апликацијата Imaging Edge Mobile инсталирана на компатибилен мобилен телефон или таблет-уред, тој ќе добива податоци за локацијата од мобилниот уред и ќе ги вметне тие податоци во фотографијата. Добиените податоци за локацијата може да се користат и за корекција на поставките за локација и датумот/времето на фотоапаратот.

Дознајте повеќе

Нов режим за осветлени делови и режим за просечно мерење

Покрај постоечките режими за мерење во повеќе шеми, центар и точка, α99 II располага со режим за осветлени делови кој ја открива најсветлата површина во сликата за да спречи преголемо осветлување, како и просечен режим за стабилна автоматска експозиција преку промени во кадарот.

Стандардно прилагодување на експозицијата

Стандардната вредност на експозицијата може да се прилагоди од -1 до +1 во чекори од 1/6. Овој параметар може да се постави посебно за сите режими за мерење. Овие мали промени можат да направат голема разлика при снимањето и создавањето слики за паметење.

Поставување приоритет во AWB

Кога балансот на белата боја е поставен на „автоматски“, а изворот на светлина е блескава лампа или слично, приоритетот на тоновите на боите може да се постави на [Стандардно], [Амбиент] или [Бела боја]. Опцијата [Амбиент] создава топли тонови, а приоритетот [Бела боја] нуди прецизна репродукција на бели тонови.

Минимална брзина на блендата при автоматско ISO

Спречете го заматувањето кај снимките со објекти во движење преку поставување на брзина на бленда за која ISO чувствителноста започнува да се менува при избор на АВТОМАТСКО ISO (во P или A режим).

Прилагодливо копче со доделување за директно активирање на функции

Поставете го фотоапаратот за да работи со врвни перформанси и да биде моментално достапен за доловување уникатни моменти. Доделувањето функции на прилагоденото копче ви овозможува да го прилагодите интерфејсот на фотоапаратот за да одговара совршено на вашиот начин на фотографирање. Копчето AEL, копчето ISO, копчето AF/MF, прилагоденото копче и копчето за преглед можат да се постават да избираат функции по ваша желба. Може да доделите најмногу 65 функции, меѓу кои и „APS-C/Super 35 мм“ и „прегледување во живо“, така што најкористените функции ќе бидат достапни со притиснување на едно копче.

Снимање видеоснимки во 4K со повисока резолуција

Благодарение на обработката на сите точки без соединување на точките, функцијата за снимање 4K видеоснимки во форматот Super 35 мм создава неверојатно јасна слика со повеќе детали од стандардните 4K видеоснимки бидејќи Super 35 мм собира приближно 1,8 пати повеќе податоци од тоа што е потребно за репродукција во 4K. Исто така, форматот XAVC S овозможува снимање во 4K со максимална бит-стапка од 100 Mbps за да се доловат најситните детали од движењата во видеоснимките.

Фотографирање со S-Gamut и S-Log

Фотографирањето со S-Gamut и S-Log ви нуди флексибилност за создавање поживописни видеоснимки преку градација на боите по снимањето. Кривите на гамата S-Log3 и S-Log2 нудат широк динамички опсег (до 1300%) за минимизирање на премногу осветлените или затемнетите површини. α99 II нуди дури и импресивна маргина на грешка од 14 чекори во поставките за гамата S-Log3, а нуди поддршка и за S-Gamut, S-Gamut3 и S-Gamut3.Cine простор за бои од Sony.

Бавни и брзи движења

Менувањето на брзината на снимениот видео материјал го подобрува интересот и задоволството при гледањето. Новиот режим „S&Q“ поддржува ефекти на забавени и брзи движења, со стапки на слики од 1 fps до 120 fps (100 fps) што можат да се изберат во осум чекори, за да добиете брзи движења до 60x (50x) и бавни движења до 5x (4x), снимени со full-HD (50 Mbps) квалитет. „Манипулирајте со времето“ преку компресирање на движењето на сонцето и облаците во кратка видеоснимка или преку продолжување на релаксираниот момент за да му додадете поголемо чувство на смиреност. Потоа збогатете ги обичните снимени материјали со овие интервали за да ги направите смешни или импресивни.

Функции за видео за професионален работен процес

Без разлика дали сте рекламен фотограф или напреден ентузијаст, α99 II е подготвен за професионални перформанси. Достапни се голем број функции што се специјално наменети за професионално снимање видеоснимки. Освен функциите од претходниот модел, како профили за слики, временски код и HDMI излез за јасна слика, овој модел нуди и помош за гамата за да можете да следите во реално време со S-Log, режим за црни и бели ленти за полесно прилагодување на експозицијата и други напредни функции што нудат одлична поддршка за професионално снимање видеоснимки.

HDMI излез за јасна слика

Искористете ги придобивките од поддршката за 4K и Full HD за репродукција на некомпресирани видеоснимки кон надворешен снимач или монитор. Сликата може да се снима и во фотоапаратот дури и кога сигналите се проследуваат со помош на оваа функција. Испорачаниот заштитник за кабли ги заштитува приклучоците и спречува ненамерно исклучување на каблите, за да фотографирате со поголема сигурност.

Функции Remote, Viewer и Edit на Imaging Edge™

Подобрете ги вашите фотографии со компјутерските апликации Imaging Edge. Користете „Remote“ за контрола и следење на фотографирањето во живо преку компјутерот; „Viewer“ за брзо прегледување, оценување и избирање фотографии од големи колекции на слики; и „Edit“ за претворање RAW-податоци во висококвалитетни фотографии. Извлечете максимум од RAW-датотеките на Sony и управувајте со снимените материјали поефикасно.

Дознајте повеќе

Capture One (за Sony)

Capture One Express (за Sony) е бесплатен и награден софтвер за уредување слики што нуди обработка на RAW со врвен квалитет на слика, лесно управување на датотеките со слики и моќни алатки за уредување. Capture One Pro (за Sony) може да се купи дополнително за да добиете уште повеќе алатки за уредување и опција за фотографирање преку компјутер.

Бесплатно преземање (одете на веб-сајтот Phase One)