Стерео микрофон со штипка
Висококвалитетен дигитален звук со дискретен дизајн
ECM-LV1 е микрофон со штипка соодветен за различни ситуации и намени. Може да се користи со различни електронски уреди и е дизајниран да изгледа дискретно, за да можете да го позиционирате блиску до устата на соговорникот заради оптимално снимање на звукот.
Не грижете се за насочувањето на микрофонот ECM-LV1. Повеќенасочните капсули на микрофонот вградени во ECM-LV1 снимаат јасен и висококвалитетен звук од сите насоки.
ECM-LV1 ви нуди безгрижно снимање ако го користите заедно со ECM-W2BT. Поврзете го ECM-LV1 со ECM-W2BT и фотоапарат што има интерфејс за дигитален звук за да снимате без да се грижите за оддалеченоста или насоката во која е завртен фотоапаратот.
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Освен со фотоапарати и видеокамери, ECM-LV1 е флексибилен за користење и со други електронски уреди. Може да го користите со уреди што имаат влез за надворешен микрофон, како компјутери и дигитални диктафони.
Флексибилната ротирачка штипка ви овозможува да го прикачите микрофонот под практичен агол. Прикачувањето е можно во секоја ориентација, почнувајќи од хоризонтална за на вратоврска или ревер, па сè до вертикална за на џеб.
Со должина од само 32 мм и дијаметар од 11 мм, црниот ECM-LV1 има едноставна форма и е многу пренослив. Дизајниран е да биде незабележителен кога е прикачен на облека, за да биде практичен за различни ситуации.
ECM-LV1 се испорачува со заштита од ветер дизајнирана да го намали влијанието од шумот предизвикан од ветер и дишењето на говорникот. Како резултат се добива јасен и стабилен звук дури и кога снимате надвор на ветровито време.
Ако го користите ECM-LV1 со опрема што може да напојува додатоци, тогаш тој ќе се напојува преку приклучокот за микрофон, овозможувајќи ви да го користите без батерија.
Спецификации и функции
Поврзани производи
