WI-1000XM2
Откријте свет на тишина во кој може да уживате во музика без шум или пречки во текот на целиот ден. Поништувањето на шум што е водечко во индустријата, звукот со извонреден квалитет и удобноста на заоблениот дизајн на слушалките нудат слушање на повисоко ниво.
Технологијата за поништување на шум во слушалките WI-1000XM2 е нашата најнапредна технологија што досега е вградена во безжични слушалки со лента за на врат, благодарение на нашиот моќен процесор QN1 за HD-поништување на шум. Сето ова ќе ви помогне да потонете целосно во вашата музика.
Технологија за два сензори за шум
Двата микрофони - по еден на предната и задната страна - на површината на слушалките доловуваат повеќе амбиентални звуци во вашето опкружување, независно дали е тоа звук од авион во лет, градски сообраќај или разговори во канцеларијата.
Процесор QN1 за HD-поништување на шум
Штом наменскиот процесор QN1 за HD-поништување на шум открие амбиентален звук, тој веднаш се активира. Не само што поништува значително повеќе шум при сите фреквенции, туку и троши помалку енергија.
Оптимизирање на атмосферскиот притисок
Нашето поништување на шум функционира при летање со авион благодарение на оптимизирањето на атмосферскиот притисок. Уживајте во забавни содржини додека летате со поништување на шум оптимизирано за голема надморска височина.
Опремени со напредна технологија за звук, безжичните слушалки WI-1000XM2 со поништување на шум не само што овозможуваат слушање без шум, туку и звук со неверојатен квалитет.
HD-систем со хибридни звучници
Звукот се оптимизира низ целиот фреквентен опсег со HD-системот со хибридни звучници. Динамичкиот звучник од 9 мм е специјално дизајниран за WI-1000XM2 и нуди длабок бас и јасни средни тонови, а звучникот со балансирана арматура создава прецизни и природни високи тонови.
Процесор QN1 за HD-поништување на шум
Повеќенаменскиот процесор QN1 за HD-поништување на шум нуди комбинација од дигитално поништување на шум, обработка на 32-битни аудио сигнали и дигитално-аналоген конвертор со засилувач за слушалки. Резултатот? Неверојатно јасен звук.
Звук со Bисока Pезолуција
Слушајте музика кој е верна на оригиналната снимка со звукот со висока резолуција. Наменет за секојдневно слушање, процесорот за подобрување на дигитален звук HX (DSEE HX™) ги подобрува компресираните дигитални музички датотеки до квалитет сличен на звукот со висока резолуција.
Овие лесни слушалки со флексибилна силиконска лента за на врат се дизајнирани за удобно и сигурно вметнување во увото и целодневно носење, без разлика каде одите и што правите. Кога патувате може лесно да ги складирате во торба или футрола.
Слушалки со заоблен дизајн
Слушалките имаат заоблена форма и се поставуваат подлабоко и попрецизно во увото за да добиете стабилно и удобно вметнување. Тие нема да испаднат неочекувано дури и кога пешачите.
Не грижете се за батеријата додека патувате. Музиката нема да запре благодарение на батеријата што трае до 10 часа.
Ако преостанува малку енергија во слушалките, со брзо полнење од 10 минути ќе добиете енергија за репродукција до 80 минути.
Благодарение на интелигентната технологија, слушалките WI-1000XM2 со лента за на врат и поништување на шум го подобруваат доживувањето при слушањето со многубројни паметни функции.
Апликацијата Sony | Headphones Connect нуди приспособлива контрола на звукот - паметна функција што автоматски открива што правите - на пример, дали патувате, пешачите или чекате - па ги прилагодува поставките за амбиентален звук според ситуацијата. Исто така, може да ги прилагодите поставките по ваша желба.
Патувајте без прекини и уживајте во музиката без шум во заднина.
Бидете свесни за сè што ве опкружува, од улиците до канцеларијата, а притоа уживајте во музика.
Слушајте важни соопштенија додека чекате, со намален шум во заднина.
Sony | Апликација Headphones Connect
Со апликацијата Sony | Headphones Connect, функцијата за контрола на амбиенталниот звук ви овозможува да ја прилагодувате јачината на звукот во заднина и ви нуди опција да слушате само гласови. Еквалајзерот, пак, ви овозможува да ги прилагодувате нивоата на звукот според вашата музика.
Google Assistant и Amazon Alexa и Siri
Организирајте го денот разговарајќи со вашиот омилен гласовен помошник. Забавувајте се, поврзете се со пријателите, добивајте информации, слушајте музика и известувања, поставувајте потсетници и многу повеќе.
WI-1000XM2 поддржуваат Fast Pair од Google. Пронајдете каде сте ги оставиле вашите слушалки WI-1000XM2 со звучен сигнал или со проверка на нивната последна локација преку апликацијата Find My Device од Google во вашиот паметен телефон.
Вграден микрофон
Разговорите се појасни. Овие слушалки за повици без користење на рацете имаат вграден микрофон кај контролните копчиња за одговарање на повици или за разговарање со вашиот гласовен помошник.
Одликувајќи се со вградени контроли, магнетни ушни влошки и дизајн на преклопување, слушалките WI-1000XM2 се практични за користење, складирање и носење.
Интуитивни контроли
Прилагодувајте ги основните функции со допирање на практичните контроли за зголемување/намалување на јачината на звукот, репродукција/повик за музика и телефонски разговори, како и прилагодливо копче за вашата омилена функција.
Магнетни ушни влошки
Кога ќе завршите со слушањето, спојте ги магнетните ушни влошки за да ги складирате уредно без заплеткување на каблите.
Практична торбичка за носење
Овие слушалки се создадени за практично складирање додека патувате, со дизајн на преклопување и торбичка за носење од врвен материјал, кабли и адаптерот за приклучоци во авиони.
Со сертифицираните слушалки за 360 Reality Audio и апликацијата Sony | Headphones Connect, оптимизирајте го слушањето преку анализа на формата на вашите уши, а потоа уживајте во врвно доживување.
Со BRAVIA XR™ и безжичниот предавател WLA-NS7
Уживајте во возбудливо доживување со Dolby Atmos® и 360 Spatial Sound што се приспособува кон вашите уши благодарение на BRAVIA XR и овие слушалки со безжичен предавател WLA-NS7.
Уживајте во звук што е оптимизиран за вас благодарение на Sony | 360 Spatial Sound Personalizer. Апликацијата го снима и анализира обликот на вашите уши, овозможувајќи им на слушалките да создадат уникатно звучно поле за вас кога ќе ги впарите со телевизорите BRAVIA XR.
Ако го приклучите безжичниот предавател WLA-NS7 од Sony во телевизор BRAVIA XR, тогаш слушалките ќе создадат фантомски звучници во идеален распоред околу вас за да уживате со Dolby Atmos. Уживајте во сцената и чувствувајте се како дел од случувањата.
