Гласови на членовите на проектот AX700
Нов врвен Handycam®
Запознајте ги нашите инженери.
Професионалните видеокамери на Sony долго време се добро познати во филмските и телевизиските кругови. Сега, Sony ја обединува напредната технологија и експертиза за видеокамери во единствен потрошувачки модел, а резултатот на тоа е FDR-AX700. Зошто Sony го нуди овој модел на Handycam® со високи перформанси - кој речиси може да се нарече професионална видеокамера - на пазарот на широка потрошувачка? Интервјуиравме тројца членови на тимот за развој за да ги дознаеме нивните цели и размислувања.
Junichiro Tamagawa
[Планирање на производи]
Nobuhiro Onouchi
[Дизајн на производи (Водач на проектот)]
Hitoshi Ueda
[Технологија за софтвер (AF)]
Пред сè, како AX700 дојде до напредната фаза во нејзиниот развој? Која е заднината?
Junichiro Tamagawa
[Планирање на производи]
4K телевизорите стануваат сè повеќе популарни, а користењето софтвер за уредување видеоснимки се зголемува, создавајќи драстични промени во полето на видеоснимките. Аматерските корисници чие хоби е снимањето видеоснимки бараат високи перформанси и едноставно ракување што ќе наликува на професионалните модели. Границата помеѓу професионалците и аматерите станува сè понејасна. Во минатото, Sony претстави јасно разграничени камери за обичните корисници и камери за професионална употреба за телевизиски преноси и филмски продукции. Но сега, производите за обработка на слика ги избираат и двата вида корисници. На пример, дигиталните фотоапарати со заменливи објективи од серијата α наменети за обичните корисници со голем ентузијазам ги користат и професионални филмски работници. Затоа воведовме три модели на видеокамери - XDCAM PXW-Z90 (понатаму „Z90“), NXCAM HXR-NX80 (во понатаму „NX80“) и Handycam® FDR-AX700 (во понатаму „AX700“) - за да се задоволат потребите на професионалците и аматерите на пазарот за видеокамери.
Z90 и NX80 се карактеризирани како професионални видеокамери, а AX700 како видеокамера за широка потрошувачка наречена Handycam®. Овие три камери се многу слични и имаат речиси идентични перформанси во поглед на квалитетот на слика. Кога станува збор за специфичните разлики, Z90 и NX80 нудат практични рачки за снимање од низок агол и лесно носење, како и XLR приклучоци потребни за професионална употреба. Z90 нуди и уште еден приклучок кој го поддржува професионалниот формат XAVC кој е популарен во телевизиската индустрија.
Која беше целта при создавањето на AX700 во палетата на Handycam®?
Junichiro Tamagawa
Планирање на производи
FDR-AX100 (во продолжение „AX100“) претставен во 2014 година беше претходниот врвен модел на Handycam®. Нејзината поддршка за снимање 4K видеоснимки и можноста за висококвалитетна обработка на сликата беше високо ценета. Сега, AX700 го надминува својот претходник, обединувајќи ги наследените високи перформанси со новите функции за голема практичност. Бидејќи аматерските корисници сè повеќе снимаат видеоснимки, имаме слух за барањата на корисниците за поголемо уживање при снимањето и прецизни промени на поставките. Освен тоа, професионалците што користат Handycam® како алатка за снимање при работата сакаат професионални функции. Ги послушавме тие мислења и барања во развојот на AX700.
Nobuhiro Onouchi
Дизајн на производи (Водач на проектот)]
За да ја создадеме AX700, создадовме тим кој се состоеше од членови на групите за видеокамери за широка потрошувачка и групите за професионални видеокамери. Ваквата организација, која не беше едноставно спојување на членовите од два тима заедно, беше револуционерна. Бидејќи целта ни беше да создадеме видеокамера со професионален квалитет, каков тим би бил идеален? Постојано дискутиравме за тоа и заклучивме дека треба да избереме персонал од одделот за професионални видеокамери кој ќе ја води операцијата, а тимот за камери за општа потрошувачка да се надоврзува со практични совети за дизајнирањето на новата камера.
Кои барања поточно ги исполнува моделот AX700?
Junichiro Tamagawa
[Планирање на производи]
Најчесто барање на корисниците на AX100 беше автоматското фокусирање, така што при развојот на AX700 најголемо внимание посветивме на можноста за AF. Големиот сензор за слика од тип 1,0 и можноста за снимање во 4K нуди снимање слики со мала длабочина на полето, но за таквите перформанси е потребно исклучително прецизно фокусирање. Дури и ако објектот изгледа како да е во фокусот за време на снимањето, корисниците понекогаш се разочаруваат кога ги гледаат снимките на 4K телевизорите и увидуваат дека објектот не е јасно фокусиран колку што очекувале. Камерата мора постојано прецизно да се фокусира на објектите и да го долови вистинскиот момент бидејќи сцените не се повторуваат. Ние мора да им овозможиме на нашите корисници беспрекорно да ги снимаат објектите секогаш кога ќе се појави драгоцената прилика. Тоа беше нашата главна цел и затоа толку се фокусиравме на перформансите за AF.
Дали AX700 наследи и други важни функции од професионалните видеокамери?
Nobuhiro Onouchi
[Дизајн на производи (Водач на проектот)]
Едноставното ракување е клучно за професионалните корисници. Структурата на менијата и ракувањето се главните разлики од моделите на Handycam®. AX700 овозможува уште попрецизни промени на поставките, со особено внимание на едноставното ракување. Ја зголемивме резолуцијата на OLED електронскиот визир (EVF) и екранот на LCD-мониторот и ја опремивме AX700 со врвни уреди кои се користат во нашите професионални видеокамери. Освен тоа, го преработивме и обликот на држачот на камерата за да обезбедиме поголема стабилност при снимањето и да им се доближиме на стандардите за издржливост на професионалните модели кои овозможуваат користење во тешки услови.
Технологија
Брзината на AF докажана кај фотоапаратите со заменливи објективи од серијата α сега го покажува својот вистински потенцијал во полето на снимање видеоснимки.
Ве молам да објасните малку повеќе за автоматското фокусирање на AX700 и како инженерите му дале приоритет.
Hitoshi Ueda
[Технологија за софтвер (AF)]
За прв пат кај Handycam® видеокамерите, AX700 се одликува со технологија со систем за брз хибриден автоматски фокус, која е добро позната благодарение на фотоапаратите со заменливи објективи од серијата α на Sony, како и компактните Cyber-shot дигитални фотоапарати. Важна карактеристика е новиот AF со откривање на фаза во комбинација со стандарден AF со контраст, кој нуди извонредни перформанси во автоматското фокусирање - неверојатно брзо, прецизно и стабилно следење. LCD-мониторот ја прикажува положбата на фокусот на камерата во зелена рамка за AF.
Junichiro Tamagawa
[Планирање на производи]
[Планирање на производи]
За автоматското фокусирање при фотографирањето најважно е колку брзо и прецизно фотоапаратот може да го фокусира објектот кон кој е насочен. Меѓутоа, снимањето видеоснимки ги претвора дефокусираните слики во фокусирани за да се долови филмски израз. Значи, брзото фокусирање не мора да донесе добар резултат. Во филмската продукција, бавното, рамномерно фокусирање се избира за да се постигне импресивен филмски израз. Секако, понекогаш брзото и прецизно автоматско фокусирање е важно при снимањето видеоснимки, но рамномерното фокусирање при движење и чувството што се добива од него исто така се многу важни.
Hitoshi Ueda
[Технологија за софтвер (AF)]
[Технологија за софтвер (AF)]
Технологијата за AF овозможува брзо, реалистично и рамномерно фокусирање при движење, комбинирајќи го сензорот за слика со AF со откривање на фаза и новиот алгоритам создаден исклучиво за снимање видеоснимки. Како камерата ја поместува тековната точка на фокусирање кон следниот објект? Системот за AF со откривање на фаза ја предвидува зацртаната цел, а камерата ја пресметува соодветната брзина на фокусирање за да постигне рамномерно фокусирана слика на видеоснимката. Затоа, AX700 е опремена со избор на седум различни брзини на фокусирање.
Го спомнавте стабилното и квалитетно автоматско фокусирање. Дали може да ни кажете малку подетални информации?
Hitoshi Ueda
[Технологија за софтвер (AF)]
Секако. Стабилноста на следењето на објектите е уште една силна страна на AX700. Вкупно 273 AF точки за откривање на фаза нудат приближно 84% покриеност на AF на целата површина на сликата, а секоја од овие AF точки има улога во пресметувањето на точка на објектот во фокусот. Потоа, системот ги комбинира податоците од секоја AF точка и го препознава објектот што корисникот сака да го сними. Тој ја открива и големината и движењето на одредениот објект и продолжува стабилно да го следи.
Меѓутоа, стабилното следење не е секогаш потребно. На пример, ако вие [корисникот на камерата] одненадеж сте во нова ситуација - вашето дете ненадејно се појавува во кадарот додека снимате пејзаж - можеби ќе посакате набрзина да го префрлите фокусот на вашето дете. Во друга ситуација, можеби нема да ви треба стабилно следење додека брзо ја насочувате камерата, туку ќе ви биде потребен брз премин од еден фокусиран објект кон друг. Затоа, AX700 ви нуди опсег за чувствителност за промена на AF врз објектите. Тоа ви овозможува да изберете едно од петте нивоа на чувствителност за префрлување од еден објект на друг - од ПРОМЕНЛИВО до ЗАКЛУЧЕНО. Камерата нуди и пет нивоа со поставки за опсег на длабочина за следење со AF, од ШИРОКО до ТЕСНО. Прилагодливите функции на камерата ви овозможуваат да го снимите токму она што сте го замислиле.
Новиот алгоритам има клучна улога при проценката на менувањето на објектите. Освен тоа, потребна е софистицирана вештина за да се реализираат прилагодувањата на поставките. Како член на тимот за развој на Sony и како поединец, се стекнав со значителни познавања од оваа област. Новата камера го има она што сметав дека е потребно, како и моите идеи од времето кога бев на чело на проектот за развој на AF со откривање на фаза во фокусната површина за фотоапаратите со заменливи објективи од серијата α. Сакав корисниците да можат да снимаат разни видови видеоснимки со широк избор на поставки. Затоа истражував многу шеми за прилагодување и конечно ги добив посакуваните резултати.
Значи, AX700 може да одговори на разни ситуации и потреби за снимање. Дали имате некакви предлози како би сакале корисниците да ја користат камерата?
Hitoshi Ueda
[Технологија за софтвер (AF)]
Во Јапонија, многу луѓе фотографираат возови. Но, возовите не доаѓаат толку често. Поради ограничените можности за снимање, тешко е јасно да се фокусираат возовите со рачно фокусирање, а тоа е особено тешко кога сакате да снимите видеоснимки од возови во 4K квалитет, за што е потребна напредна техника при фокусирањето. Во такви услови, AX700 нуди брз хибриден автоматски фокус за многу ефикасни резултати. При снимање на места во кои има многу луѓе и многу комплицирани движења, стабилните поставки за AF ви нудат навистина практични перформанси.
Уред
Најсилната страна на Sony е заснована на сопственото развивање и создавање на сите главни уреди. Тоа ни овозможува да ја испорачаме најдобрата комбинација на решенија и технолошки пронајдоци.
Брзиот хибриден автоматски фокус овозможува јасно фокусирање за да се добие максимален 4K квалитет. Дали може да ги објасните продажните карактеристики на 4K видеоснимките?
Nobuhiro Onouchi
[Дизајн на производи (Водач на проектот)]
AX700 се одликува со Exmor RS™ CMOS сензор од тип 1,0 со подредена структура. Слоевитата (подредена) структура на електронската плоча на сензорот за слика овозможува обработка на сигнали со голема брзина и обработка на точки во различни слоеви, со што се добива голема брзина за читање податоци. Со тоа се подобрува квалитетот на сликата и се потиснува изобличувањето на сликата предизвикано од вртењето на блендата.
Exmor RS™ CMOS сензорот се комбинира со брзиот BIONZ X процесор за обработка на слика за реалистичен приказ на тоновите и текстурите; Vario Sonnar T* објектив од ZEISS® со тенок AA (напреден асферичен) објектив од Sony за приказ со високи перформанси низ целата површина, како и сопствен алгоритам за снимање со неверојатен квалитет. Овие „четири столба“ - сензорот и процесорот за слика, објективот и алгоритамот - се овозможени од софистицираната тимска соработка на Sony во полето на сопствен развој. Тоа е и најсилната страна на Sony.
Junichiro Tamagawa
[Планирање на производи]
Exmor RS™ CMOS сензорот во комбинација со брзиот BIONZ X процесор за обработка на слика нуди реалистичен приказ на тоновите и текстурите; Vario Sonnar T* објектив од ZEISS® со тенок AA (напреден асферичен) објектив од Sony за приказ со високи перформанси низ целата површина, како и сопствен алгоритам кој за снимање видеоснимки со неверојатен квалитет. Овие „четири столба“ - сензорот и процесорот за слика, објективот и алгоритамот - се овозможени од софистицираната тимска соработка на Sony во полето на сопствен развој. Тоа е и најсилната страна на Sony.
Дали 4K HDR (во продолжение „HDR“) е вклучен за да се извлече максимум од привлечноста на 4K видеоснимките?
Junichiro Tamagawa
[Планирање на производи]
Можеби се прашувате што значи HDR. Накратко, HDR нуди слики слични на човековата перцепција на реалноста. Споредена со стандардните телевизори, оваа технологија прикажува поширок динамички опсег на дискретни градации. Прекрасните слики се состојат од неверојатната резолуција на сликата, но и од многу други елементи. Го истражувавме HDR во потрага по богата гама и репродукција на бои, идеални градации од осветлените делови во сликата до оние што се наоѓаат во сенка, така што перцепцијата на луѓето за сликите е одлична.
За гледање HDR видеоснимки, потребни се телевизори компатибилни со 4K HDR, чија достапност брзо расте. Како одговор на растечкиот пазар, одлучивме да им овозможиме на корисниците да снимаат HDR видеоснимки и да уживаат во убавината на HDR на компатибилните телевизори, без сложено уредување. Sony веќе ги претстави професионалните видеокамери компатибилни со HDR, а нивната технологија е вградена и во AX700. Членови на тимот за професионални камери учествуваа во развојот на AX700, што преставуваше голема предност. Се надеваме дека корисниците на AX700 ќе уживаат во снимените видеоснимки на BRAVIA телевизорите од Sony компатибилни со 4K HDR за целосно да ја доживеат нивната убавина. Забелешка: за да гледате HDR видеоснимки, поврзете ја AX700 со телевизор компатибилен со HDR (HLG) од Sony преку USB кабел. За поврзување со HDMI кабел потребно е дополнително поставување на телевизорот.
Користење
Имаме слух за барањата за практични менија и галантерија и нудиме дизајн кој им олеснува на корисниците да избираат и да ги користат избраните поставки брзо и едноставно.
Освен врвниот квалитет на слика и широките можности за обработка на слика, како поинаку Sony им овозможува на корисниците да внесат повеќе страст во снимањето видеоснимки?
Junichiro Tamagawa
[Планирање на производи]
Има многу начини за снимање видеоснимки. Бидејќи AX700 е видеокамера, треба да понуди најголема практичност при снимањето видеоснимки. Нашата цел беше да ја направиме AX700 најдобар избор за едноставно ракување затоа што сметаме дека корисниците на Sony го очекуваат тоа од нас.
Nobuhiro Onouchi
[Дизајн на производи (Водач на проектот)]
[Дизајн на производи (Водач на проектот)]
Се трудевме да постигнеме чувство при ракувањето во кое корисниците би можеле да уживаат. AX700 е дизајнирана со цел да им овозможи на корисниците лесно и едноставно да го снимаат тоа што го замислиле. Земајќи го тоа предвид, применивме интелигентен дизајн - вклучувајќи го и балансирањето на тежината кое корисниците го чувствуваат кога ја држат камерата, едноставното притиснување на копчињата и едноставното ракување со менито. На пример, AX700 е поголема во однос на AX100. Така се добива подобро дизајниран држач каков што често може да се најде меѓу професионалните видеокамери и нуди едноставно ракување на производите за професионалци. Корисниците може цврсто да ја држат камерата и едноставно да вршат и најмали прилагодувања. Прстенот за зумирање на објективот е погоден за ракување со прсти и овозможува прецизно ракување. Би сакал корисниците да ја забележат оваа суптилна карактеристика.
Junichiro Tamagawa
[Планирање на производи]
[Планирање на производи]
Иако корисниците најчесто не брзаат и ги споредуваат спецификациите кога избираат ваков производ, ние не обрнавме внимание само на спецификациите, туку и на чувството при користење на производот. Сакавме да им овозможиме на корисниците едноставно да снимаат видеоснимки и да се посветат и да се концентрираат на снимањето. EVF и LCD-мониторот имаат подобра прецизност, така што на нив може сигурно да се провери дали објектот е во фокус, а тие овозможуваат и менување на поставките и едноставно ракување при снимањето. Ја спомнавме зголемената резолуција на EVF и LCD-мониторот, како и зелените квадратни рамки кои ги означуваат фокусните површини на сензорот за AF со откривање на фаза. Но бидејќи зелените индикатори се појавуваат на саканата фокусна точка, тие може да го одвлекуваат вниманието доколку постојано трепкаат околу објектот. Затоа често разговаравме за бројот, големината и бојата на рамките, не само со членовите на софтверскиот тим, туку и со дизајнерите, а на крајот ја избравме најдобрата варијанта.
Nobuhiro Onouchi
Дизајн на производи (Водач)]
Дизајн на производи (Водач)]
Прецизноста на функцијата за изострување, која ја прикажува површината за фокусирање при снимање со рачно фокусирање, е значително зголемена. Дури и при снимање 4K видеоснимки со висока резолуција, фокусирањето може да се врши рачно и притоа да се задржи прецизноста, за што беше преработен системот кој јасно да ја прикажува површината за фокусирање на камерата. Уверени сме дека на корисниците ќе им се допадне тоа. Тоа е голема предност која ја овозможува подобрената резолуција на EVF и LCD-мониторот.
Уреди еквивалентни на оние во професионалните видеокамери се вклучени во дизајнот. Такви уреди се EVF и LCD-мониторот, за кои навистина се надеваме дека ќе ги задоволат високите очекувања на корисниците. Сметам дека главен адут на AX700 е соодносот на цената и високите перформанси.
Junichiro Tamagawa
[Планирање на производи]
[Планирање на производи]
Како одговор на повратните информации на корисниците на AX100, се погриживме AX700 да нуди многу практични функции за снимање видеоснимки, вклучувајќи и големо копче за зумирање и двоен отвор што овозможува истовремено вметнување на две SD-картички.
Има многу што да се каже за менито на корисничкиот интерфејс (UI), зарем не?
Nobuhiro Onouchi
[Дизајн на производи (Водач на проектот)]
Бројот на елементи во менито е значително зголемен, но внимававме тоа да не биде многу комплицирано. Затоа поставивме шест копчиња со доделување функции на куќиштето на камерата за корисниците да може веднаш да ги користат саканите функции. Често користените елементи од менито може однапред да се изберат од над 40 елементи.
Ако едно од копчињата со доделување функции е поставено на „Директно мени“, корисникот може да ја прилагодува вредноста на решетка, чувствителноста на ISO и брзината на блендата преку копчето за вкрстено ракување. Промените на поставките може да се вршат само со десната рака, така што левата рака ќе биде слободна за други задачи.
Hitoshi Ueda
[Технологија за софтвер (AF)]
[Технологија за софтвер (AF)]
Кога надворешната локација за снимање е премногу осветлена за да може да го гледате LCD-мониторот, предлагам комбинирана употреба на EVF и вкрстеното копче, кои добро се надополнуваат.
Junichiro Tamagawa
[Планирање на производи]
[Планирање на производи]
Уште една предност. Дури и кога прозорецот на менито е прикажан на LCD-мониторот, тој не го прекрива целиот екран. На многу професионални корисници не им се допаѓаат функциите што го прекриваат она што камерата го снима. Затоа овој дизајн на UI ги исполнува барањата на професионалните корисници на видеокамери.
Порака
Постојат огромен број начини да се создадат интересни видеоснимки. Се надеваме дека AX700 ќе им се допадне на колку што е можно поголем број луѓе.
Кажете ни како функциите за снимање забавени и брзи движења и снимањето неверојатно забавени движења го зголемуваат опсегот на филмскиот израз.
Junichiro Tamagawa
[Планирање на производи]
Помеѓу другите начини за снимање, AX700 нуди два специјални „временски“ режими. Благодарение на сензорот Exmor RX CMOS, една таква карактеристика е режимот за снимање забавени движења, кој ѝ овозможува на камерата да снима слики со брзина од 960 fps. AX700 може да снима видеоснимки со најмногу 40x забавено движење, функција што до пред неколку години беше достапна само кај професионалните видеокамери. Друга таква карактеристика е режимот за забавени и брзи движења, кој овозможува избирање стапка на слики од 120 fps до 1 fps. Бидејќи техниката на забавени движења често е присутна на телевизија, таа им е позната на многу луѓе. Техниката на снимање брзи движења спојува низа фотографии снимени на одредено временско растојание за да се добие видеоснимка која се чини дека се одвива со голема брзина. Се надевам дека вие и многу други корисници ќе уживате во овој ефект.
Слушнав дека AX700 не е наменета за одреден пол или семејства, туку е привлечна за сите корисници кои се страсни љубители на снимањето видеоснимки. Ве молам да им испратите порака на овие ентузијасти.
Junichiro Tamagawa
[Планирање на производи]
Во последно време, и професионалците и обичните корисници уживаат во создавањето видеоснимки што инспирираат. Сега тие може да ги објават своите дела на социјалните мрежи и да ги споделат со луѓето од целиот свет. Сметам дека оние што снимаат видеоснимки, вклучувајќи ги и корисниците кои планираат да снимаат со AX700, се посветени на снимањето и на своите дела. Затоа сакам да продолжам да ги развивам производите, притоа водејќи сметка за нивните очекувања. Прикажете ги и споделете ги вашите видеоснимки снимени со AX700 со публиката ширум светот. Со нетрпение очекувам да ги видам делата со прекрасните ефекти на автоматското фокусирање.
Hitoshi Ueda
[Технологија за софтвер (AF)]
Се соочив со многу предизвици при развојот на брзиот хибриден автоматски фокус и задоволен сум што на AX700 обезбедивме многу технолошки предности и барани функции. AX700 ја продолжува традицијата на Handycam® и им овозможува на корисниците лесно да снимаат прекрасни видеоснимки без менување на зададените поставки. Најголемата предност на камерата е нејзината прилагодливост, која одговара на разните потреби како професионална видеокамера и ја зголемува слободата при снимањето. Би сакал корисниците максимално да ги искористат флексибилните поставки во зависност од нивните потреби во различни ситуации. Мислам дека колку повеќе ја користите камерата, толку повеќе ќе ја сакате.
Nobuhiro Onouchi
[Дизајн на производи (Водач на проектот)]
AX700 е резултат на значителни иновации кои прилегаат на врвен модел на Handycam® дизајниран за да ги оствари соништата на професионалците и на аматерите. Би сакал идните корисници да ја земат, да ја допрат, да ја почувствуваат и да ја користат за снимање за да го увидат нејзиниот вистински потенцијал. Оваа камера ќе ви понуди подвижни слики кои се порамномерни и поневеројатни отколку што може да замислите.