Слика од Handycam® камера PJ620 со вграден проектор
Слика од Handycam® камера PJ620 со вграден проектор
Слика од Handycam® камера PJ620 со вграден проектор
Слика од Handycam® камера PJ620 со вграден проектор

Функции

Балансиран оптички SteadyShot™

Нашата напредна стабилизација на слика нуди снимање видео материјали без заматување, дури и кога условите за снимање се неповолни и создаваат тресење.

30x оптички зум

Со широкоаголен објектив кој е идеален за снимање прекрасни пејзажи, видеокамерата нуди и 30x оптички зум и јасно зумирање на слики до 60x за разновидни опции за снимање.

Широкоаголен објектив до 26,8мм

Без разлика дали снимате видеоснимки или фотографии, врвниот широкоаголен објектив ќе ви помогне да снимите поголема површина од пејзажите и снимките во затворени простории, кога немате доволно простор да направите чекор наназад. Дури и без објектив за широкоаголна конверзија, одредени видеокамери снимаат широкоаголно до 26,8мм (16:9 сооднос на слика) во режим на снимање видео.

Извонреден квалитет на слика

Форматот XAVC S со висока стапка на слики е наменет за сниматели кои се подготвени да работат на повисоко ниво. Нудејќи неверојатен квалитет, XAVC S е изработен од форматот XAVC кој го користат професионалните сниматели и телевизиски куќи, а притоа вклучува паметна компресија на податоци за да овозможи извезување фајлови со големина која е практична за корисниците.

Микрофон со 5.1-кан. опкружувачки звук

Снимајте чист звук што прецизно ја доловува атмосферата на сцената и уживајте во репродукцијата со опкружувачки звук на вашиот систем за домашно кино. Мерачите на ниво на LCD панелот нудат визуелно следење на јачината на звукот на секој канал.

Контрола на повеќе камери

Повеќе снимки значат поинтересно уредување. Поврзаните камери можат лесно да снимаат видеоснимки од различни агли, без разлика дали се поставени директно на [product] или безжично активирани. Контролата на повеќе камери го олеснува синхронизирањето на поставките за снимање кај сите уреди.

Highlight Movie Maker

Повеќенаменската алатка за ефикасно уредување видеоснимки Highlight Movie Maker нуди неколку функции кои заштедуваат време. Додајте ознаки за нагласување на клучните моменти при снимањето и софтверот автоматски ќе ги синхронизира вашите транзиции со музиката.

Проследување во живо преку Ustream (во моментот IBM Cloud Video)

Од изведби до спортски настани, некои работи е најдобро да се гледаат во живо. Споделувајте ги сцените во реално време, со висококвалитетна слика и звук.

Функција за снимање на движења

Функцијата за снимање на движења репродуцира низа фотографии поставени една врз друга кои детално го следат секој миг од случувањата за да можете да ги анализирате на LCD екранот. За време на репродукцијата можете да го прилагодувате интервалот меѓу сликите или да паузирате за да снимите фотографија што ќе ја споделите.

Вграден USB кабел

Вградениот USB кабел сместен во лентата за околу рака е многу погоден за брзо полнење и поврзување со компјутер, така што нема потреба да носите дополнителен гломазен USB кабел или AC адаптер. За полнење без да користите компјутер, употребете го AC-USB адаптерот (изборен).

Exmor R® CMOS сензор

Овој голем, најсовремен сензор ја подобрува јасноста на сликата, го намалува шумот во темни опкружувања и овозможува помеко дефокусирање на заднината.

BIONZ X™ процесор на слика

Напредниот процесор за обработка на слика BIONZ X™ помага во добивањето поживописен и пореалистичен квалитет на сликата, како и побрзи можности за обработка.

Sony G леќа

Создаден за врвни оптички перформанси, G објективот на Sony функционира во совршена хармонија со Exmor R® CMOS сензорот и BIONZ X™ процесорот. Ова е суштинско за реализација на неверојатно деталните слики кои ги сочинуваат прекрасните спомени.

Снимање фотографии со резолуција од 9,2MP

Понекогаш не ви е потребна - или не сакате - видеоснимка. Ставете ја вашата видеокамера во режим на фотографии и снимајте прекрасни висококвалитетни фотографии со резолуција од 9,2 милиони точки на едноставен начин, како со фотоапарат.

Интелигентен автоматски режим

Оваа функција автоматски го одредува видот на сцената која се снима и прави оптимална комбинација на поставувања од три групи (лице, сцена, тресење на камерата). Таа ги нуди најдобрите резултати за до 180 видови на сцени, дури и кај ноќните сцени и сцените со задно осветлување. Избраните поставувања се прикажуваат како икони на LCD екранот за лесна прегледност.

Автоматски фокус со заклучување (AF)

AF со заклучување (AF) нуди подобро следење на подвижните објекти со користење на оптималните AF точки во секое време и ја прилагодува големината на кадарот за да одговара на карактеристиките на вашиот објект. Благодарение на напредокот во AF системите со откривање на фаза, сега се попрецизни од кога било — така што фокусирајте и снимајте ги динамичните објекти со голема прецизност.

Прогресивно снимање

Јасните видеоснимки, кои содржат двојно повеќе податоци од видеоснимките снимени во режим на испреплетување, може да се снимаат во Full HD со 60p/50p во режимот на прогресивно снимање. Снимките се исто толку рамномерни како оние снимени со 60/50 слики во секунда, а секоја слика се снима како целосна слика. Затоа снимените слики од видеоснимка која била снимена во режимот на прогресивно снимање изгледаат неверојатно остро.

Двојно снимање на видео

Снимајте две видеоснимки истовремено - една со максимален квалитет во XAVC S или AVCHD формат, а друга во MP4 формат. Така ќе имате мал фајл подготвен за моментно споделување, како и професионален фајл за понатамошно уредување.

Режим на двојно снимање

Режимот на двојно снимање ви овозможува да снимате HD видеоснимки и фотографии со висока резолуција истовремено, за да ја доловите најдобрата снимка на двата начини.

Рачни поставувања за ирис и брзина на бленда

Оваа видеокамера ви нуди слобода во изборот на рачните поставувања за контрола на ирис и брзина на бленда, што е идеално за снимање во услови на задно осветлување или недоволна експозиција, како и во други ситуации.

Бленда со функција за насмевки

Иако одличните насмевки се кратки, со оваа функција никогаш нема да ги пропуштите. Автоматско снимање на фотографии со насмеани лица, дури и за време на снимањето видеоснимки.

Автоматско намалување на шум од ветер

Со помош на напреден алгоритам за анализа на звукот, оваа функција го отстранува шумот на ветрот - најголемиот виновник за лошиот звук при снимање во надворешни услови.

Функција за поништување на мојот глас

Намалете го интензитетот на звуците зад камерата, без разлика дали зборувате со вашите субјекти или навивате за нив.

Контрола на нивото на микрофонот

За снимање видеоснимки, можете да го прилагодите микрофонот за да го оптимизирате квалитетот на влезниот звук, од тивката песна на птиците до гласната изведба на рок група. Дури и кога нивото на звукот ненадејно ќе се зголеми, автоматската контрола на засилувањето го спречува намалувањето на квалитетот на звукот.

Далечински управувач со еден допир и споделување со еден допир

Далечинскиот управувач со еден допир ви овозможува да го користите паметниот телефон или таблет-уредот како визир и далечински управувач за дигитални фотоапарати, а споделувањето со еден допир ви овозможува да префрлувате фотографии и видеоснимки од вашиот фотоапарат. Без разлика за што ќе се одлучите, со инсталирање на апликацијата Imaging Edge Mobile во вашиот паметен телефон или таблет-уред со Android што поддржува NFC, ќе ги избегнете сложените поставки и ќе воспоставувате безжична врска со допирање на вашиот уред до фотоапаратот. Сега можете да го контролирате фотоапаратот преку паметниот телефон и да фотографирате од места кои претходно не ви биле достапни, или да бидете присутни во сопствената групна снимка, како и да префрлувате содржини во паметниот телефон за да ги споделите на SNS. Немате NFC? Нема проблем. Уредите можете да ги впарите и рачно.

Дознајте повеќе

Ефект на слика

Ослободете ја вашата фантазија. Ефектите на слика го зголемуваат уживањето во видеоснимките и фотографиите со додавање седум креативни ефекти (делумни бои, ретро фотографија, меки осветлени тонови, еднобојни слики со висока контраст, фотоапарат-играчка, модерни бои, правење постери) без сложено уредување на компјутер.

Директно копирање од Handycam® камерата

Лесно е да ги архивирате и да ги складирате податоците од сликите на надворешен хард диск. Само поврзете го дискот со Handycam® камерата што ги содржи податоците со приклучување на USB кабелот во USB приклучокот на хард дискот.

Спецификации

Уживајте во новите перспективи на скапоцените моменти во животот со новата HDR-PJ620 Handycam® видеокамера. Балансираниот оптички SteadyShot™ нуди извонредна стабилност дури и кај рачно снимените, широкоаголните или зумираните снимки. Снимањето во AVCHD и напредниот XAVC S формат и другите иновации покажуваат дека Sony успева да спакува понапредни перформанси во покомпактна форма која е подготвена за сè.
  • Балансиран оптички SteadyShot™

  • Снимање во XAVC S (HD 50Mbps) и AVCHD формат

  • Exmor R® CMOS сензор

  • Широкоаголен G објектив од 26,8мм со 30x оптички зум

  • Вграден проектор со 25 лумени

Тип на сензор
Exmor R® CMOS сензор со задно осветлување од тип 1/5,8 (3,1мм)
Ефективни точки (видео)
прибл. 2,29 милиони точки(16:9)
Вид на објектив
G леќа
Оптички зум
30x
Јасно зумирање на слики
60x
Тип на екран
Clear Photo LCD екран од 7,5 см (тип 3,0) (460 800 точки) широк формат (16:9)

Што има во пакетот

Комплет со батерија на полнење (NP-FV50), AC адаптер, Водич за ракување, HDMI (микро) кабел, Кабел кој поддржува поврзување преку USB

Компанијата Sony не само што е посветена да ви обезбеди производи, услуги и содржини кои нудат возбудливи доживувања, туку работи и кон исполнување на целта да постигне искористување на животната средина еднакво на нула преку своите деловни активности Дознајте повеќе за Sony и за животната средина