FDR-AX700
FDR-AX700 е дизајнирана за професионални перформанси и практично користење и ги доловува сите објекти со реални 4K HDR (HLG) видеоснимки, благодарение на брзиот хибриден AF и други професионални функции.
Снимајте го животот така како што го гледате, со реалистични 4K HDR (HLG) слики со помош на Exmor RS™ CMOS сензорот од тип 1,0 со подредена структура. Ненадминатите перформанси на брзиот и хибриден AF овозможуваат исклучително прецизен, брз и сигурен автоматски фокус и следење со AF за да можете да снимате прекрасни снимки од брзите случувања. Благодарение на професионалните функции на оваа Handycam® камера, ништо нема да ги спречи вашите амбиции за снимање.
AF со високи перформанси го задржува фокусот дури и врз објектите што се движат брзо.
Нова генерација на обработка на слика за повеќе детали, светлина и бои во секоја снимка
Напредните функции за ракување ви овозможуваат да добиете попрофесионални резултати.
Професионални функции нудат нови можности за снимање.
Извонредно прецизниот AF систем со 273 точки за автоматско фокусирање со откривање на фаза може да фокусира и следи објекти што се движат брзо како што се возовите и непредвидливи објекти како мали животни низ целиот кадар. Со помош на својот моќен и брз процесор за обработка на слика BIONZ X и новиот напреден алгоритам за AF за видео, FDR-AX700 овозможува брз, прецизен и флексибилен фокус каков што досега немала палетата Handycam®.
Одликувајќи се со 273 AF точки за откривање фаза што опфаќаат прибл. 84% од површината на сликата, Exmor RS™ CMOS сензорот со подредена структура овозможува прецизно следење на објектите низ целиот кадар на снимање.
Системот со брз хибриден AF и BIONZ X процесор за обработка на слики ефикасно ги обработува податоците од AF со широка површина и откривање на фаза за да овозможи брзо фокусирање дури и на објектите што се движат брзо.
Комбинацијата од читање податоци со голема брзина и перформанси за обработка, како и новиот алгоритам за AF специјално дизајниран за снимање видеоснимки нуди прецизно, сигурно и брзо следење објекти.
Пет поставки за опсегот на длабочина за следење со AF, почнувајќи од „1“ [ТЕСНО] за следење објекти што се движат бавно без префрлување на фокусот врз објекти во близина, до „5“ [ШИРОКО] за следење објекти што се движат брзо.
[1] ШИРОКО [2] ТЕСНО
Пет нивоа на чувствителност за промена на AF врз објектите, почнувајќи од „1“ [ЗАКЛУЧЕНО] за задржување на фокусот врз еден предмет, до „5“ [ПРОМЕНЛИВО] за брзо менување на фокусот врз објектите при промена на кадарот.
[1] ЗАКЛУЧЕНО [2] ПРОМЕНЛИВО
Технологијата за висок динамички опсег (HDR) претставува визуелна револуција и нуди значително поголем опсег на бои и светлина за да се постигне квалитетот и високата резолуција на 4K. FDR-AX700 го олеснува снимањето на овие неверојатни HDR слики со Hybrid Log-Gamma (HLG) - без потреба од дополнителна обработка. Треба само да ја поврзете видеокамерата со телевизор од Sony компатибилен со HLG преку USB кабел и веднаш ќе можете да уживате.
Преземете ја контролата врз филмската продукција со многубројните рачни контроли, копчињата и држачот со ергономски дизајн, како и големата рачка за зумирање, за непречено рачно снимање. LCD екранот на допир и електронскиот визир со висока резолуција го олеснуваат прегледувањето и следењето на снимките со прецизни детали. Двата отвора за мемориски картички се практични за продолжено снимање со пренасочување или истовремено резервно снимање.
Електронскиот визир OLED Tru-Finder™ со висока резолуција од 2359k точки нуди голем контраст, прецизни бои и одлична видливост дури и при силна сончева светлина.
Extra Fine LCD екранот на допир од тип 3,5 (1555k точки) прикажува јасни и живописни слики и ви овозможува да избирате точки за автоматско фокусирање со допирање на екранот.
Системот на менија, земен од професионалните видеокамери од Sony, нуди побрз пристап до напредните контроли и поставките за преглед во живо.
Во многубројните поставки за прилагодување на гамата и просторот на бои спаѓаат профилите S-log2 и S-log3 што професионалците ги користат за креативна флексибилност при обработката по снимањето. Исто така, снимањето со променлива стапка до 960(NTSC)/1000(PAL) fps овозможува приказ на извонредни детали при репродукцијата на видеоснимки со забавени движења.
Кривите на гамата S-log2 и S-log3 овозможуваат снимање со поголем опсег на светлина и бои и поголем потенцијал за обработка. LUT (табели за пребарување) се достапни бесплатно.
[1] Ниво на видео (%) [2] Релативни чекори од 18% сива боја [A] 18% сива боја [B] 90% бела боја [C] 1300% од 90% бела боја
Може да користите однапред конфигурирани и прилагодливи профили за слики за да заштедите време и напор при прилагодување на боите, деталите и гамата, за да можете брзо да го добиете саканиот или потребниот изглед.
Оваа практична алатка ги обележува површините со правилна и прекумерна експозиција со прилагодливи црни и бели ленти, дури и кога снимате со S-log гама.
Функциите за снимање забавени движења и снимање бавни и брзи движења ви овозможуваат да снимате со голем опсег на брзини, почнувајќи од најкратките моменти со забавени движења до 40x па сè до забрзани движења до 60x со 1 fps.
Што има во пакетот
Батерија на полнење(NP-FV70A) (1), AC адаптер (1), Кабел за напојување (1), „Водич за ракување“(1), Далечински управувач(RMT-835 со батерија(CR2025)) (1), Сенило за објектив (1), Капаче за објектив (1), Големо капаче за окулар (1)
