Со BRAVIA до одржливост во секоја сцена

Големата побарувачка на сè поголеми ТВ екрани носи и ризик од поголема потрошувачка на ресурси и енергија.  Сепак, заложбите на Sony за одржливост овозможуваат зголемување на енергетската ефикасност, од развојот до гледањето ТВ.

Прекрасно доживување што ја зема предвид животната средина

Повеќе забава со помалку необновливи ресурси

Со BRAVIA, може да уживате во најдоброто телевизиско доживување и прекрасниот дизајн, како и во иновациите што овозможуваат намалување на користењето на необновливи ресурси и влијанието врз животната средина.

Намалена употреба на нерециклирана пластика и вкупна употреба на пластика

Напредното инженерство на Sony во служба на одржливоста

Целосно ги интегрираме напорите за намалување на употребата на нерециклирана пластика, од пакувањата до големите делови како што е задниот капак на главното куќиште.

Графикон што покажува 50% намалување на употребата на нерециклирана пластика во споредба со моделот од 2018
Висок процент на рециклирана пластика со "SORPLAS™” од Sony

Размислувајќи за секој аспект на дизајнот, од развојот на материјалите до естетиката, продолжуваме со користење рециклирани материјали без компромиси во дизајнот. SORPLAS™ од Sony користи рециклирана пластика за капаците на серијата A80 - 55 инчи за вкупна употреба на нерециклирана пластика намалена до 50% и добивање висококвалитетна завршница.

Надворешно инјектирање воздух

Користењето прецизни техники на обликување овозможува структурално цврсти и прекрасни панели со значително намалена тежина. За стандардното обликување е потребно преполнување за да нема нерамномерност; со надворешното инјектирање воздух, деловите со смола се компресираат со воздух за да нема изобличување и отпад.

[1] Испакнувања од неизедначен притисок при стандардно обликување  [2] Без испакнувања со надворешно инјектирање воздух [3] Надворешна површина  [4] Внатрешна површина  [5] Наместо преполнување на пластиката, одназад се применува воздушен притисок за да нема неизедначеност.

Илустрација на процесот на надворешно инјектирање воздух спореден со стандардниот процес на обликување.
Илустрација што ја прикажува намалената тежина и подобрената структура за пакување во споредба со моделот од 2018.
Пакување што не ѝ штети на животната средина

Стандардно, материјалите за пакување се потребни под, над, од левата и десната страна на телевизорите BRAVIA. Но, по многу симулации и долгогодишно логистичко искуство, Sony најде начин да ги засили горните и долните материјали за пакување за да ги штитат телевизорите без дополнителни елементи за пакување, намалувајќи ја тежината до 25%.

Комбинација на висок квалитет на слика и заштеда на енергија
Слика што прикажува дека светлината на екранот се приспособува во зависност од опкружувањето
Контрола на светлината за оптимално гледање и потрошувачка

Кога сензорот за амбиентална светлина е вклучен, екранот ја прилагодува светлината според осветлувањето во просторијата и овозможува намалување на потрошувачката на енергија.   

[1] Потемно опкружување  [2] Посветло опкружување

Слика што прикажува дека потрошувачката на енергија се приспособува во зависност од светлината на екранот.
Ефикасна потрошувачка на енергија според светлината на локацијата

Уживајте во јасни и живописни слики со уникатната обработка на сигнали што го оптимизира секој дел од сликата.

[1] Темно  [2] Стандардна светлина  [3] Светло

Поинаква пластика за поздрава средина

Shusuke Tomonaga

Sony Home Entertainment & Sound Products Inc.
TV Business Div. Product Design Dept 2, Product Design Div

Портрет од соговорникот во интервјуто

Од 2010, нашиот оддел за телевизори активно користи SORPLAS™, рециклирана пластика со висок процент на рециклирана содржина, за да дизајнира еколошки производи.

Бидејќи телевизорите стануваат поголеми а бројот на испорачани единици се зголемува, се зголемува и влијанието врз средината. За да произведуваме поголеми телевизори со помало влијание врз средината, заедно со група компании развиваме материјали од 2018 година и користиме SORPLAS™ не само за внатрешните делови, туку и за надворешноста, која во голем дел е составена од пластика.

За користење SORPLAS™ за надворешните делови потребно е големо знаење, но по бројните прототипи и подобрувања, развивме SORPLAS™ што може да се користи за задниот капак, кој има најголема површина, а тој ќе се користи и за одредени модели на BRAVIA XR во 2021, двојно намалувајќи ја употребата на нерециклираната пластика во споредба со претходните модели.

Одделот за телевизори на Sony, покрај SORPLAS™, ќе развие и други рециклирани материјали во сите производствени погони и ќе продолжи да се труди да го намали штетното влијание врз животната средина.