Неверојатни слики, од широк агол до извонреден телефото зум
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Ве молиме прифатете ги колачињата на Youtube за да го погледнете видеото
Отворете ги опциите за колачиња подолу и вклучете ги колачињата на Youtube во делот „Functional“ (Функционални).
Галерија со фотографии од RX10 V
Иновативна архитектура за врвен квалитет на слика
Одликувајќи се со сензор за слика од тип 1,0 и опсег на зумирање од 24-600 мм, RX10 V ги наследува уникатните карактеристики на RX10, а притоа ја користи најновата технологија на α, за да обезбеди подобрени перформанси и неверојатен квалитет на слика.
Објектив ZEISS® Vario-Sonnar T* со зум од 24-600 мм и F2,4-4,0
Објективот ZEISS® Vario-Sonnar T* со зум од 24-600 мм (25x оптички зум), F2,4-4,0 и осум ED-елементи (исклучително мала дисперзија), вклучувајќи два асферични ED-елементи, нуди неверојатен квалитет на слика.
Exmor RS™ CMOS-сензор за слика од тип 1,0
Exmor RS CMOS-сензорот од тип 1,0 со подредена структура и 20,1 мегапиксели нуди детален приказ со природни градации. Подредената архитектура на сензорот ја зголемува брзината за обработка на сигналите.
BIONZ XR™-процесор за обработка на слика со голема брзина
Процесорот BIONZ XR нуди идеална комбинација од намалување на шумот и неверојатен квалитет на слика, особено при средна до висока чувствителност. Напредните алгоритми овозможуваат оптимална експозиција со природни бои и тонови.
Фокусирање на кратко растојание од 3 см за импресивно макро фотографирање
Фокусирајте на растојание до 3 см при широк агол (макс. зголемување од 0,42x) или до 72 см при телефото (макс. зголемување од 0,49x) без да користите сложени режими за фокусирање, за да добиете импресивно детални слики одблиску и макро слики од мали субјекти.
Реалистична репродукција на сцени со широк динамички опсег
Ажурираниот оптимизатор на D-опсег (DRO) ги балансира светлите тонови и темните сенки, а притоа нуди поширок опсег на поставки за јачина, до ниво 8. При повисоки нивоа, DRO ги осветлува површините со сенки, во случаи со силно задно осветлување, за да добиете поприродни портрети.
Креативен изглед
Функцијата за креативен изглед го олеснува создавањето визуелни расположенија за фотографиите или видеоснимките директно во фотоапаратот. 12-те однапред поставени параметри може да се користат такви какви што се или да се уредат за да добиете приспособени изгледи, кои може да ги зачувате за понатамошна употреба.
Брзина и AI за подобро препознавање субјекти
Секвенцијално фотографирање со брзина до 30 fps и следење со AF/AE
Фотографирајте секвенцијално со брзина до 30 fps, со следење со AF/AE и без затемнување на визирот. До 60 пресметки за AF/AE во секунда за сигурно снимање на важните движења. Бесшумното фотографирање ви овозможува да фотографирате без да се слуша звук од блендата.
До 575 фокусни точки за брз и прецизен AF
Брзиот и хибриден AF нуди комбинација од AF со откривање фаза и AF со откривање контраст. 575-те точки за AF со откривање фаза опфаќаат приближно 70,6% од површината на сликата, за да добиете прецизен фокус дури и за мали или активни субјекти.
AF со препознавање во реално време за поширок опсег на субјекти
Наменскиот уред за обработка со AI нуди сигурно препознавање субјекти од овие видови: [Човек], [Животно], [Птица], [Инсект], [Автомобил/воз] и [Авион]. Режимот [Автоматски] може автоматски да го избере видот на субјектот.
Технологија за проценка на човечки пози
Благодарение на наменскиот уред за обработка со AI, RX10 V може сигурно да ги препознава очите на луѓето, како и нивните тела и положбата на главата, што овозможува прецизно заклучување и следење на широк опсег на субјекти, дури и кога субјектот не гледа во фотоапаратот или кога лицето му е делумно покриено.
Сигурно следење во реално време
Технологијата за следење во реално време може прецизно да го фокусира и следи избраниот субјект кога копчето за блендата е половично притиснато. Кога функцијата [Следење со допир] е активирана, ако допрете субјект на мониторот, веднаш ќе го изберете за следење.
Напредни функции за снимање видео
Снимање видео со голема стапка на слики до 4K 120p
Снимајте детални видеоснимки со висока стапка на слики до 4K 120p, кои може да се обработат за да добиете репродукција на забавени движења до 5x. Режимот S&Q ги репродуцира видеоснимките со мала или голема брзина во фотоапаратот.
RX10 V нуди импресивен опсег на формати за снимање видео, вклучувајќи снимање со 10 бита и 4:2:2 и снимање со компресија All-Intra.
Стабилизација на слика со активен режим за рачно снимање
Стабилизацијата со активен режим користи многу прецизни жироскопи и оптимизирани алгоритми за стабилизација на слика за да обезбеди високоефикасен спој од електронска и оптичка стабилизација за снимање видео, на пример, за снимање додека одите.
Интерфејс за дигитален звук за снимање висококвалитетен звук
Вградениот интерфејс за дигитален звук на приклучокот за повеќе интерфејси (MI Shoe™) овозможува поврзување компатибилни микрофони од Sony (се продаваат посебно) за висококвалитетни дигитални влезни сигнали и снимање. Може да снимате со два или четири канали.
S-Cinetone™ за филмски бои без градација
Профилот на слика S-Cinetone од Sony нуди филмски и природни средни тонови за здрав изглед на кожата, како и меки бои и прекрасни светли тонови, без потреба од градација на боите.
S-Log3 поддржува работни процеси за обработка по снимањето
Кривата за гама S-Log3 придонесува за задржување на рамномерните и природните градации од сенки до средни сиви тонови (18% сива боја), што овозможува полесна градација при обработката по снимањето за да добиете висок квалитет на слика. Поддржани се просторите на бои S-Gamut3 и S-Gamut3.Cine. Увезените кориснички LUT-датотеки (.cube) може да се користат како алтернатива за однапред поставените профили на слика (PPLUT 1 до 4), за да ја добиете крајната верзија на градацијата.
[1] Пред градација [2] Со градација
Ракување наследено од серијата α
Quad-VGA OLED-визир од тип 0,5 со 3,68 милиони точки
Quad-VGA OLED-визир со 3,68 милиони точки и зголемување од 0,78x, кој нуди висока резолуција, голем контраст и полесно гледање. Стапката на слики на визирот може да се постави на [Стандардна] (60 fps) или [Висока] (120 fps). Исто така, сега може да зачувате најмногу три приспособени поставки за приказ на информациите за снимањето, а можен е и истовремен приказ на хистограмот и индикаторот за нивелирање.
LCD-монитор со висока резолуција од 1,62 милиони точки
Големиот LCD-монитор на допир од тип 3,0 со висока резолуција има приближно 1,62 милиони точки за прецизно гледање и фокусирање. Исто така, може да се закосува нагоре и надолу за да овозможи удобно фотографирање од различни положби.
Ергономскиот дизајн на држачот го минимизира заморот
Врз основа на повратните информации и еволуцијата на серијата α, успеавме значително да ја подобриме контурата на држачот. Прстите природно ја следат линијата на куќиштето, а копчињата се подобрени за да понудат подобро чувство и побрза реакција.
Батеријата NP-FZ100 нуди подолго време за снимање
Батеријата со голем капацитет NP-FZ100 од Sony го зголемува траењето на батеријата за повеќе од 50% во споредба со RX10 IV. Достапна е поддршка за напојување преку USB (PD), која овозможува приклучување пренослива батерија преку приклучокот USB Type-C® за напојување или полнење.
Дизајн кој е отпорен на прав и влага
Споевите на куќиштето, како и главните копчиња и вртливите копчиња, имаат затворена структура која ефикасно спречува навлегување на прав и влага во лоши надворешни услови.
Поддршка за брз Wi-Fi со 5 GHz
Вградениот Wi-Fi е надграден со комуникација од 5 GHz (IEEE 802.11ac), покрај стандардната фреквенција од 2,4 GHz за Wi-Fi. Wi-Fi со 5 GHz нуди постабилен пренос на податоци со помалку пречки.
SuperSpeed USB 10Gbps (USB 3.2 Gen2) USB Type-C
Приклучокот SuperSpeed USB 10Gbps (USB 3.2 Gen2) USB Type-C овозможува брз пренос на податоци преку USB, за далечинско фотографирање преку компјутер, напојување и правење резервни копии на сликите. Поддржани се и функциите за префрлување филмови и префрлување во мемориска картичка.
Лесно проследување во живо во форматот 4K 30p
Освен проследување во живо во форматот 4K 30p преку компјутерска USB-врска (UVC/UAC), жичниот LAN овозможува и истовремено проследување во форматот 4K 30p и снимање во мемориска картичка.
Creators’ App
Creators' App е апликација за паметни телефони наменета за пренос на датотеки, далечинско фотографирање, управување со меморискиот простор на Cloud и многу повеќе.
Imaging Edge Desktop
Imaging Edge Desktop е компјутерска апликација која ги подобрува квалитетот и ефикасноста на работните процеси за снимање, како далечинско фотографирање и обработка на RAW-датотеки.
Еколошки мерки и пристапност
Рециклирани материјали кај фотоапаратите
Целта на планот Road to Zero на Sony е елиминирање на штетното влијание врз животната средина до 2050 година. Нашиот издржлив и висококвалитетен материјал од рециклирана пластика SORPLAS™ се користи колку што е можно почесто за да се намали стресот на животната средина без да се жртвуваат перформансите. Овој производ е изработен со повеќе од 23% рециклирана пластика, вклучувајќи и SORPLAS. Исто така, нашите објекти функционираат на 100% обновлива енергија.
Материјали за пакување што можат да се рециклираат и не содржат пластика
Правиме напори за да користиме материјали за пакување што не содржат пластика и нудат добра заштита од потреси и удари. Го испорачуваме RX10 V во пакување без пластика, кое е направено од нашиот оригинален комбиниран материјал што може да се рециклира како хартија.. Исто така, користиме торби за производи направени од растителни и неплетени материјали, за уште повеќе да ја намалиме употребата на пластика и да го минимизираме влијанието врз животната средина.
Поголема пристапност за сите корисници
Функцијата за читање информации од екранот, која на глас чита голем дел од текстот што се прикажува во менито на екранот, функцијата за зголемување на менито, функцијата [Поставување контрола на вртливото копче за режими] и другите функции го олеснуваат ракувањето за сите корисници. Функцијата за AF со препознавање во реално време за голем избор на субјекти, интуитивната контрола за следење со допир и другите функции придонесуваат за подостапно фотографирање и снимање за секого.
Спецификации и функции
Опремен со сензор од тип 1,0 и неверојатен опсег на зумирање од 24-600 мм, RX10 V ја зголемува привлечноста на серијата RX10 со подобри перформанси и подобро ракување. Новиот процесор BIONZ XR и уредот за обработка со AI го подигнуваат концептот за фотоапарати со интегриран објектив на ново ниво.
- ВИД НА СЕНЗОР
- Exmor RS CMOS-сензор од тип 1,0 (13,2 мм x 8,8 мм)
- БРОЈ НА ТОЧКИ (ЕФЕКТИВНИ)
- Фотографии: прибл. 20,1 мегапиксели макс., Видеоснимки: прибл. 16,8 мегапиксели макс.
- ФОКУСНА ТОЧКА
- Фотографии: макс. 575 точки (AF со откривање на фаза), Видеоснимки: макс. 575 точки (AF со откривање на фаза)
Поддршка за производи
