Широк опсег на зумирање со фотоапарат со џебна големина

Објективот Vario-Sonnar T* со зум од 24-200 мм и F2,8-4,5 од ZEISS® нуди голем опсег на зумирање што е еквивалентен на два стандардни објективи за зумирање (24-70 мм и 70-200 мм), но во многу компактна форма. Дизајниран е со осум асферични елементи со 13 асферични страни за да овозможи максимална резолуција, острина и контраст низ целиот опсег на зумирање и низ целата површина на сликата. Четирите оригинални елементи AA (напредни асферични) од Sony помагаат во минимизирање на сферичната, несиметричната и хроматската аберација.

Нов сензор за слика кој нуди нови перформанси

Новоразвиениот Exmor RS™ CMOS-сензор за слика од тип 1,0 со подредена структура и најновиот процесор за обработка на слика BIONZ X™ нудат моќни перформанси. Резултатот е фотографирање без затемнување со голема брзина до 20 fps и единечно секвенцијално фотографирање до 90 fps. Сигурно AF/AE со следење е возможно благодарение на брзата аритметичка обработка до 60 пати/сек. за следење на движењето на објектот со предвидување, а електронскиот визир и LCD-монитор имаат подобрен квалитет на слика и јасен приказ при 60 fps за време на снимањето. 

Фотографирање без затемнување со голема брзина до 20 fps со AF/AE со следење

Сега можете да користите фотографирање без затемнување со брзина до 20 fps, заедно со AF/AE со следење, за да не го изгубите фокусот врз објектот што се движи дури и при телефото опсег. Прецизното и сигурно AF/AE со следење се заснова врз аритметичка обработка со голема брзина до 60 пати во секунда при континуирано фотографирање. (A) Фотографирање без затемнување (B) Фотографирање со затемнување

Единечно секвенцијално фотографирање до 90 fps за доловување одлучувачки моменти

Нов режим за единечно секвенцијално фотографирање со голема густина е достапен за доловување на краткотрајни моменти. Со притиснување на копчето за блендата можете да снимите седум фотографии во брз интервал со брзини на фотографирање што се еквивалентни на 90 fps, 60 fps или 30 fps. Поддржани се JPEG- и RAW-форматот, а може да се користи и тајмерот. [1] 90 fps ( 0,011 сек. ) [2] 7 фотографии

Неверојатно брз AF од 0,02 сек. со 357 точки за откривање на фаза 

Брзото автоматско фокусирање со голема прецизност може да постигне извонредна брзина на снимање од 0,02 сек., најбрзо во светот, за да прецизно ги долови краткотрајните моменти. Вкупно 357 AF-точки со откривање на фаза во фокусната површина кои опфаќаат прибл. 68% од површината на сликата - најмногу во светот - работат заедно со 425 AF-точки со откривање на контраст и со технологијата за следење со густо распределени AF-точки за сигурно следење на дури и објектите што се движат непредвидливо.

Следење во реално време за стабилно фокусирање на објектот

За првпат, серијата RX има поддршка за следење во реално време. Кога следите објект што се движи брзо, технологијата на фотоапаратот за следење на движења користи софистициран алгоритам за препознавање објекти (AI) што распознава бои, шеми (светлина), оддалеченост (длабочина) и информации за лицето/очите за да може автоматски да го препознае и фокусира вашиот објект. За време на континуираното фотографирање, фотоапаратот врши пресметки за AF до 60 пати/сек. за да овозможи следење со голема прецизност дури и кога положбата на објектот се менува во секој момент. Следењето може да се активира и со допир за фотографиите и за видеоснимките.

Подобрен AF на очи во реално време за подобри портрети и фотографии од домашни миленичиња

AF на очи во реално време ги открива и се фокусира на очите на вашите субјекти, дури и ако дел од лицето е прикриен, лицето е осветлено одзади или е свртено надолу. Одликувајќи се со 60 AF пресметки во секунда, AF на RX100 VII овозможува моќно континуирано фотографирање и неверојатни портрети преку прецизно фокусирање на очите на вашиот субјект - лице или животно. За човечки субјекти, AF на очи во реално време се активира со половично притиснување на копчето за блендата.

Извонреден квалитет на слика и мал шум

CMOS-сензорот за слика од тип 1,0 со 20,1 MP и подредена структура користи технологија на задно осветлување за зголемена ефикасност за собирање на светлина. Стандардниот опсег на ISO е 100-12800 кој може да се прошири до ISO64 и ISO80 за фотографии. Во комбинација со процесорот, тој нуди висока резолуција, мал шум, репродукција на бои со голема прецизност и природни тонови на кожата.

Мека кожа и други ефекти за да ги проширите вашите креативни опции

Фотоапаратот нуди различни специјални ефекти за вашите фотографии. Режимот за мека кожа ги намалува малите набори на кожата на лицето и ја измазнува кожата, а притоа ја зачувува острината на очите и усните на субјектот, додека ефектот за разубавување може да се користи на слики кои се веќе снимени. Автоматскиот HDR нуди повисок динамички опсег за репродукција на градации во светлината и контрастот кои се поблиску до тоа што го перципира човечкото око. Различните опции за креативен стил и ефект на слика ви овозможуваат да создавате уникатни слики.

Оптички SteadyShot™ еквивалентен на 4,0 чекори

Вградената стабилизација на слика на фотоапаратот нуди еквивалент на брзина на блендата што е поголема за 4,0 чекори при 200 мм за да го компензира тресењето на фотоапаратот за време на рачното фотографирање, дури и во телефото или во услови со слаба осветленост. Во комбинација со софистицираниот оптички дизајн на фотоапаратот и напредниот процесор за обработка на слика, ова овозможува да се постигне неверојатен квалитет на слика. [1] Без оптички SteadyShot™ ( симулирано )   [2] Со оптички SteadyShot

Бленда што спречува изобличувања со бесшумно фотографирање 

Електронската бленда што спречува изобличување нуди брзини до 1/32000 сек., додека брзото читање податоци од сензорот за слика го намалува изобличувањето на објектите што се движат брзо. Исто така, можете да го исклучите звукот на блендата на фотоапаратот во сцени чувствителни на звук, како што се спонтаните портрети и фотографиите од животни, за да ги избегнете несаканите кликнувања на блендата и да ги доловите субјектите во природна состојба.

Снимање видео во 4K HDR (HLG)

При снимање 4K (QFHD резолуција: 3840 x 2160) видеоснимки, RX100 VII користи обработка на сите точки без соединување на точките и прекумерно семплирање до 1,7x за да овозможи неверојатна резолуција со помало заматување. Форматот на видео XAVC S поддржува снимање со високи бит-стапки (макс. 100 Mbps) и, со можноста за HLG (Hybrid Log-Gamma), можете да уживате во HDR-слики со поврзување на фотоапаратот со телевизор од Sony компатибилен со HDR (HLG) преку USB-кабел.

Подобрен брз хибриден AF и следење во реално време за видеоснимки

Благодарение на еволуцијата на алгоритмите за автоматско фокусирање (AF), AF за снимањето видеоснимки има подобрени брзина, прецизност и перформанси за следење, вклучувајќи и подобри резултати во многу затемнети простории. Автоматското фокусирање го оптимизира фокусот на фотоапаратот според објектот, а кога ќе го активирате следењето во реално време можете да започнете да следите со избирање на објектот на екранот на допир, дури и за видеоснимки. Брзината на придвижување на AF и чувствителноста на следење со AF се приспособливи, па можете детално да ги прилагодите промените на фокусот за да ги усогласите со сцената.

AF на очи во реално време за луѓе при снимање видеоснимки

За првпат во серијата RX, фотоапаратот RX100 VII може да ги открива и следи очите на луѓето при снимањето видео, одржувајќи остар и стабилен фокус додека се движи субјектот. Фокусот се поставува и одржува автоматски, така што можете да се концентрирате на обликувањето на кадарот на вашите снимки. Функцијата може да се користи заедно со следење со допир - допрете ја соодветната точка на екранот на допир за да се фокусирате на левото или на десното око на субјектот или префрлете помеѓу очите.

Подобрена стабилизација на слика за видеоснимки

Системот за стабилизација на слика на фотоапаратот еволуираше за да користи „активен“ режим при снимање 4K-видеоснимки, а благодарение на напредокот во алгоритмите на фотоапаратот, ефектот за стабилизација на сликата при снимање Full HD-видеоснимки е исто така подобрен во секој режим за фотографирање, со поефективни резултати од претходно. Исто така, можете да го користите додатокот Movie Edit за апликацијата Imaging Edge™ за мобилни уреди за да постигнете неверојатно јасни слики слични на сликите што ќе ги добиете кога користите механизам за стабилизирање.

Дознајте повеќе

Приклучок за надворешен микрофон

Иако фотоапаратот е компактен, тој вклучува новододаден приклучок кој може да се користи за приклучување надворешни микрофони. Стандардниот влез од 3,5 мм овозможува користење на микрофони од висока класа за професионално снимање звук за видеоснимки и видеоблогови.  

Снимање видеоснимки во вертикален формат 

Фотоапаратот поддржува снимање видеоснимки во вертикален формат со вградени метаподатоци за ориентацијата на фотоапаратот. Тоа значи дека видеозаписите во овој формат што се префрлуваат на паметните телефони може да се репродуцираат и користат како такви, без да биде потребно да ги ротирате од хоризонтален формат.

Фотографирање во интервали за видеоснимки со забрзани движења

Фотоапаратот нуди фотографирање во интервали со интервал од 1 до 60 секунди. Добиените фотографии може да се претворат во видеоснимки со забрзани движења на компјутер во обработката по снимањето. Функцијата за едноставен преглед со променлива брзина ви овозможува да ги прегледувате видеоснимките со забрзани движења на самиот фотоапарат. 

Снимање забавени движења до 40x помала брзина

CMOS-сензорот со подредена структура овозможува исклучително висока стапка на слики до 960 fps/1000 fps, па дури и кога снимате со телефото од 200 мм можете одблиску да снимате извонредни материјали со забавени движења. Стапката за слики и поставката за снимање може да се постават независно за брзини на репродукција на забавено движење од 1/4 до 1/40 од брзината во реално време и може да се доловат со користење на почетно или крајно активирање за снимање на дури и најкратките моменти.

Поддршка за професионални работни процеси за снимање видеоснимки

За пообемни продукции, фотоапаратот поддржува различни функции за снимање кои се позастапени кај професионалната опрема, вклучувајќи криви на гамата S-Log3 и S-Log2. Широкиот динамички опсег и простор на бои, кои се достапни при користење на овие профили S-Log, се совршени за усогласување повеќе фотоапарати и за минимизирање на премногу осветлени површини или загубени детали во сенките. Дополнителни опции за профил за слика и за креативен стил се исто така достапни, заедно со напредни функции како што се помош за приказ на гамата, мерење со црни и бели ленти, излезен сигнал преку HDMI со контрола на снимањето, временски код и снимање преку прокси сервер. Содржи сè што на еден професионалец за видео му е потребно во секојдневните работни задачи.

Пристап до визирот со едно притиснување 

XGA OLED Tru-Finder™ нуди остра резолуција (еквивалентна на 2,35 милиони точки), моќно самоосветлување и голем контраст кои се одлични за прегледување на снимките и соодветно прилагодување на поставките. Оптиката на окуларот на електронскиот визир ги намалува несаканите рефлектирања и овозможува видливост на целата површина. Електронскиот визир станува веднаш достапен со притиснување на копчето на извлекување поставен од страна на куќиштето и исто толку лесно се вовлекува кога не се користи.

LCD-екран што се врти за 180° со разновидни функции на допир 

LCD-екранот со висока резолуција од 921k точки има дијагонала од 3,0 инчи и може да се заврти нагоре за 180° и надолу за 90°, за лесно обликување на кадарот на автопортретите и за снимање од висок или низок агол. Ракувањето на допир опфаќа бленда на допир (за да ја активирате блендата), фокус на допир (за да ја поставите фокусната точка), следење со допир (за да активирате фокусирање со следење за избраниот објект) и подлога на допир (за да лесно ја поместите фокусната точка). 

Прилагодливи функции за подобро ракување

Елементи од менито со функции може да се постават независно за снимањето фотографии и видеоснимки, а информации за помош се достапни на екранот за менито. Функцијата „Мое мени“ овозможува флексибилно доделување на 30 елементи од менито, а често користените функции може да се доделат на контролното вртливо копче и тркалце преку „Мое вртливо копче“.

Рангирање, заштита и групи на континуирано фотографирање 

Во режимот за репродукција, фотографиите може да се рангираат или заштитат од бришење, а овие функции може да се доделат на приспособени копчиња. Сликите снимени во режим на континуирано фотографирање може да се прикажат во групите во кои биле снимени, а групите слики може да се избришат или заштитат со една функција. Исто така, сега можете да изберете помеѓу четири стилови за прикажување на континуирано фотографирање, за визирот или LCD-мониторот, по ваша желба.

Поефикасна контрола на поставките со подобрен кориснички интерфејс

За да овозможите уште понепречено и поефикасно фотографирање, често користените опсези за ISO и видови на фокусна површина се истакнати во нивните екрани за поставки. Режимот за фокусирање со флексибилна точка е поедноставен за побрзо менување на кадарот - што е идеално за спортски сцени каде што објектот често ја менува положбата. Освен тоа, кадарот за фокусирање сега може да се промени помеѓу црвен и бел за да се зголеми неговата видливост во различни опкружувања во кои снимате и додаден е син индикатор за изострување на фокусот - идеално за објекти со топли бои.