TIPA - НАЈДОБАР КОМПАКТЕН ФОТОАПАРАТ Sony - RX100 VII
RX100 VII
Преносливи професионални функции
Професионалните функции за фотографирање и снимање ќе ги задоволат потребите на професионалните фотографи, креатори на содржини и видеоблогери.
Компактен фотоапарат RX100 VII, ненадминат AF
Голем опсег на зумирање и неверојатна брзина
Компактниот RX100 VII е опремен со сите технологии потребни за прекрасни слики. Објективот со зум од 24-200 мм се одликува со неверојатно брз AF од 0,02 сек., нови функции за следење во реално време и AF на очи во реално време, како и подобра стабилизација на слика и приклучок за надворешен микрофон за снимање висококвалитетни видеоснимки.
Галерија со фотографии од RX100 VII
Голем опсег на зумирање и брзо фотографирање
Сигурен AF и следење на објектите
Врвен квалитет на слика
Моќни функции за снимање
Лесното ракување ја ослободува вашата креативност
Голем опсег на зумирање и брзо фотографирање
Голем зум во компактно куќиште
Објективот со голем зум од 24-200 мм нуди извонреден квалитет на слика. Тој е дизајниран да обезбеди максимална резолуција и острина низ целиот опсег на зумирање, нуди извонредни телефото можности, има џебна големина и значително ги зголемува можностите за креативно изразување.
Полн џеб објективи
Објективот Vario-Sonnar T* со зум од 24-200 мм и F2,8-4,5 од ZEISS® нуди големи опсези за зумирање што се еквиваленти на два стандардни објективи за зумирање (24-70 мм и 70-200 мм), во многу компактна конфигурација.
Оптика за висока резолуција
Во елементите на објективот на фотоапаратот спаѓаат четири AA (напредни асферични) објективи и два елементи од ED-стакло (исклучително мала дисперзија). Тие нудат извонредна резолуција до самите рабови на сликата и низ целиот опсег за телефото.
Нов сензор за слика дизајниран за брзина
Новосоздадениот CMOS-сензор за слика од тип 1,0 со подредена структура и најновиот процесор за обработка на слика BIONZ X™ отвораат нови димензии на брзина и квалитет на слика.
Континуирано фотографирање со 20 fps и прецизен AF/AE со следење
Новиот и брз сензор за слика нуди континуирано фотографирање до 20 fps, а фотоапаратот ги следи објектите со AF/AE-пресметки со брзина од 60 пати во секунда, дури и кога се движат непредвидливо или многу брзо.
Фотографирање без затемнување за контину. следење
Фотографирањето без затемнување ви овозможува да го следите движењето на објектот преку LCD-екранот или визирот, со ажурирање на приказот со брзина од 60 fps за да се минимизира доцнењето.
(A) Фотографирање без затемнување (B) Фотографирање со затемнување
[1] 90 fps ( 0,011 сек. ) [2] 7 фотографии
Нова функција за секвенцијално фотографирање
Новосоздадената функција за секвенцијално фотографирање ќе ги долови дури и многу брзите движења, како на пример, моментот кога рекетот го удира топчето, снимајќи седум последователни слики со голема брзина од 90 fps, 60 fps или 30 fps. Таа ви овозможува да ги доловувате одлучувачките моменти што се инаку тешки за доловување, а може да ја користите и со тајмер. Поддржани се двата формати за слики JPEG и RAW.
Сигурен AF и следење на објектите
Брз AF со широка покриеност
RX100 VII нуди 357 AF-точки со откривање на фаза во фокусната површина што се водечки во негова категорија и опфаќаат 68% од кадарот. Достапни се и 425 AF-точки со откривање на контраст, а времето за заклучување на AF изнесува само 0,02 секунди, што е најголема брзина во светот.
[1] Покриеност на AF со откривање на фаза (357 точки)
[2] Покриеност на AF со откривање на контраст (425 точки)
Следење во реално време за објекти што се движат
Следењето во реално време користи алгоритми за препознавање објекти (AI) што ги обработуваат информациите за бои, шеми (светлина), оддалеченоста на објектот (длабочина) и лицето/очите за да ги следат објектите насекаде. Непрекинатиот и стабилен фокус врз објектите што се движат ќе ви помогне да ги доловите сите важни моменти во реално време, независно дали снимате или фотографирате.
AF на очи во реално време за слики и видеоснимки
Напредната технологија на Sony за следење и откривање очи се неопходни за прекрасни портрети. AF на очи во реално време ги открива очите кај луѓето и ги фокусира кога се движи објектот за полесно обликување на кадарот. Можете дури и да изберете дали ќе го фокусирате левото и десното око на објектот.
AF на очи во реално време
AF на очи во реално време е достапен и за животни и за луѓе. Снимањето одлични портрети од миленичињата никогаш не било полесно.
Врвен квалитет на слика
Висока резолуција и перформанси при слаба светлина
Големиот сензор за слика од тип 1,0 има резолуција од 20,1 милиони точки, технологија за задно осветлување и подобар стандарден опсег на ISO 100-12800. Високите нивоа на видлива резолуција на сликите и малиот шум придонесуваат за врвен квалитет на слика со реалистични текстури.
Одлична репродукција на бои и текстури
Новосоздадениот сензор за слика и алгоритмите за обработка на слика на фотоапаратот создаваат пореални текстури и бои. Поточно, тоновите на човечката кожа изгледаат природно, а живописните бои на цвеќињата се репродуцираат попрецизно.
Оптичка стабилизација на слика за постабилни слики
Снимајте висококвалитетни слики со компензација за тресење при рачно користење на фотоапаратот, дури и во темни услови или во телефото опсег. Алгоритамот за стабилизација нуди ниво на стабилизација што е еквивалентна на поголема брзина на блендата од 4,0 чекори при 200 мм.
[1] Без оптички SteadyShot™ (симулирано)
[2] Со оптички SteadyShot
Електронска бленда за бесшумно фотографирање
RX100 VII нуди брзини на блендата до 1/32000 сек., а брзата обработка на сензорот помага во намалување на ефектите на вртење на блендата што може да се појават при фотографирање објекти што се движат брзо. Достапно е и бесшумно фотографирање.
Ефект на мека кожа и други ефекти
Ефектот на мека кожа ги намалува наборите на лицето и го враќа сјајот на кожата за да добиете подобри портрети. Опциите за креативен стил и ефекти на слика овозможуваат прецизни прилагодувања за да снимате препознатливи слики.
Моќни функции за снимање
Снимање со висока резолуција 4K HDR (HLG) и стабилен AF
Фотоапаратот поддржува внатрешно снимање на 4K-видеоснимки (QFHD:3840×2160) со обработка на сите точки без спојување на точките. Рамномерниот и стабилен AF е резултат на подобрените алгоритми за AF, а за видеоснимките се достапни и функции за следење во реално време и AF на очи (луѓе) во реално време. Со HLG (Hybrid Log-Gamma) може да уживате во HDR-слики ако го поврзете фотоапаратот со телевизор од Sony компатибилен со HDR (HLG) преку USB-кабел.
Напредни функции за креатори на содржини и видеоблогери
Снимајте подобри видеоблогови со преносливиот RX100 VII. Новото следење со допир за видеоснимки овозможува брзо, лесно и сигурно автоматско фокусирање, а AF на очи во реално време (луѓе) овозможува прецизно фокусирање. Дури и кога пешачите, режимот „Active“ за стабилизација на слика нуди јасни 4K-видеоснимки, а со екранот што се закосува и приклучокот за надворешен микрофон ќе го обликувате кадарот и ќе снимате звук без напор.
Влез за надворешен микрофон за поквалитетен звук
И покрај неговата компактна големина, RX100 VII е опремен со влез за микрофон. Стандардниот влез од 3,5 мм им е навистина потребен на видеоблогерите и професионалците бидејќи им нуди професионално снимање на звук за сите видеоснимки и видеоблогови.
Подобра стабилизација на слика при снимање 4K-видео
Снимајте јасни 4K-видеоснимки дури и кога пешачите со режимот „Active“ за стабилизација на слика. Ако сакате уште подобра стабилизација, во стил на механизмите за стабилизирање, Imaging Edge™ Movie Edit ви нуди лесно уредување на видеоснимките.
Вертикално снимање видеоснимки со метаподатоци, за телефони
Видеоснимките снимени кога фотоапаратот е во вертикална положба можат да се гледаат во истата ориентација на компјутери и паметни телефони благодарение на метаподатоците што ги вметнува фотоапаратот.
Поддршка за S-Log за напредно креативно изразување
RX100 VII ги поддржува профилите за слики S-Log3 и S-Log2. Независно дали ви требаат слики со висок динамички опсег и широк простор на бои за обработка по снимањето или уникатен изглед уште при снимањето, RX100 VII ќе ви понуди сè што ви е потребно.
Фотографирање во интервали за забрзани движења
Функцијата за фотографирање во интервали фотографира континуирано со интервал од 1 до 60 секунди со AE со следење. Снимените слики со забрзани движења можат да се прегледуваат преку фотоапаратот или да се спојат во видео со помош на компјутер.
Лесното ракување ја ослободува вашата креативност
Пристап до електронскиот визир со притиснување
XGA OLED Tru-Finder™ има резолуција од прибл. 2,35 милиони точки и прикажува слика со голема светлина, контраст и детали. Можете брзо да го активирате преку копчето за исфрлување и лесно да го вовлечете кога не го користите.
Монитор што се закосува за обликување на кадарот
LCD-екранот од тип 3,0 со висока резолуција од 921k точки се закосува нагоре за 180° и надолу за приближно 90°, овозможувајќи лесно обликување на кадарот при снимање автопортрети или фотографирање од високи и ниски агли.
Ракување на допир за непречено фотографирање
Допрете го екранот и веднаш ќе активирате следење во реално време за фотографии или видеоснимки. Достапни се и функции за фокус на допир, подлога на допир и бленда на допир.
Лесно управување со податоците
Фотографиите може да се оценуваат или заштитат од бришење, а овие функции може да ги доделите на приспособливи копчиња. Сликите снимени во режим на континуирано фотографирање може да се прикажат во групи, а групите може да се избришат или заштитат со една функција.
Приспособливи функции
Функциите на фотоапаратот што се активираат преку функциските копчиња може да имаат различни функции при фотографирање и снимање. Често користените функции и елементи може лесно да ги активирате ако ги доделите со помош на функциите за мое мени и вртливо копче.
Добитник на наградата EISA 2019/2020
Спецификации и функции
RX100 VII нуди нови и моќни функции за фокусирање и секвенцијално фотографирање, како и широк опсег на зумирање и извонреден квалитет на слика што се карактеристични за серијата RX100. Новиот влез за микрофон, снимањето во 4K HDR (HLG) и екранот на допир што се закосува го прават одличен избор за видеозаписи и видеоблогови.
- Тип на сензор
- Exmor RS® CMOS сензор од тип 1,0 (13,2 мм x 8,8 мм), сооднос 3:2
- Број на точки (ефективни)
- Прибл. 20,1 милиони точки
- ISO чувствителност (фотографија)(препорачан индекс на експозиција)
- Автоматски (ISO100-12800, може да се избере со горна / долна граница), 100/125/160/200/250/320/400/500/640/800/1000/1250/1600/2000/2500/3200/4000/5000/6400/8000/10000/12800 (може да се прошири до ISO64/80), NR за повеќе слики: автоматски (ISO100-12800), 100/200/400/800/1600/3200/6400/12800/25600
Награди
Награди
Галантерија
Поддршка за производи
