Рециклирана пластика и пакување | Одржливи слушалки

Куќиштата на слушалките 1000X THE COLLEXION, WF-1000XM6 и LinkBuds Clip од Sony и нивните еко-пакувања се направени од рециклирани пластични материјали

Одличен план кој ја има предвид животната средина

Нашите слушалки нудат висококвалитетен дизајн и звук, имајќи ја предвид животната средина. Согласно своите цели за животна средина од планот за еколошко управување за 2030 година, Sony продолжува со развојот на производите и пакувањата, имајќи ја предвид животната средина.

Создавање рециклирани пластики
Одржливо пакување
Интервју

Слика од еко-слушалки од Sony, на која се прикажани 1000X THE COLLEXION, WF-1000XM6 и LinkBuds Clip, ставени покрај одржливи суровини

Развој на рециклирани пластики

Цртеж на кој се прикажани трите чекори од процесот за добивање на обновливата пластика на Sony: [1] суровината која се добива со обработка на биомаса, како што е користеното масло за готвење, [2] материјалот што се складира во пластични пелети од различна класа, [3] крајната обновлива пластика која се користи за создавање на слушалките од серијата WF на Sony и нивните футроли за полнење

Од користено масло за готвење до обновлива пластика

Преку иновации, успеавме на отпадните материјали, како што е користеното масло за готвење, да им дадеме нов живот во форма на обновливи пластични материјали. Користејќи ги овие ресурси, наместо да зависиме од фосилните горива, се доближуваме чекор поблиску до поодржливите начини за создавање производи.
За да изградиме транспарентност и доверба, го визуелизиравме ланецот на испорака со обновлива пластика, почнувајќи од суровините, па сè до крајните производи. Соработуваме со производители на енергија и хемикалии за да ја направиме обновливата пластика посигурна и подостапна.

Дознајте повеќе за „создавањето НОВи материјали од обНОВливи материјали“

[1] Суровина која се добива од биомаса (како користено масло за готвење) [2] Обработка во пластични материјали [3] Вградување во производите

Цртеж на кој се прикажани петте чекори за обработка на рециклираната ABS-пластика од Sony, кој се добива од автомобилски делови: [1] собирање индустриски отпад без пигмент од автомобили, [2] подредување на деловите, како амблеми и рачки од вратите, [3] дробење и обработка на подредените делови на транспортна лента, [4] формирање пластични пелети без пигмент, [5] боење на пелетите за да се добие крајниот рециклиран ABS-материјал

Предизвици со рециклираните материјали

Пластичните материјали за рециклирање се во боја или се обоени, што ги прави несоодветни за употреба во декоративни делови.
За да го решиме овој проблем, набавуваме индустриски отпад без пигмент од автомобилски делови, што прецизно го сортираме по боја и го употребуваме за различни делови.

[1] Собирање индустриски отпад од автомобилски делови [2] Сортирање на деловите (на пр., амблеми, кваки) [3] Дробење [4] Пелетизација [5] Боење

Функции на рециклираните пластики

Работата со пелети без пигмент ја минимизира потребата од адитиви во процесот на боење. Тоа ни овозможува да користиме повеќе од 85%⁰ рециклирани материјали во нашата пластика или до неверојатни 98% за црните материјали.

Пелети без пигмент (лево) и пелети со пигмент (десно)

Проширување на достапниот опсег на бои за производите

Пита-графикон на која е прикажана содржината на рециклирана ABS-пластика (повеќе од 85%), во споредба со адитивите во рециклираниот пластичен материјал од Sony

Добивање висока стапка на рециклирање

[1] Рециклирана ABS-пластика⁰, повеќе од 85％¹ [2] Адитиви

Нашиот напредок кон одржливост

Успешно воведовме рециклирани пластики во нашите нови модели, меѓу кои и 1000X THE COLLEXION², LinkBuds Clip² и WH-1000XM6². Продолжуваме да ги зголемуваме нашите напори со моделот WF-1000XM6, преку употреба на пластики создадени од обновливи ресурси, како што е маслото за готвење. Во иднина планираме да ја зголемиме употребата и на рециклирани пластики и на обновливи пластики за целата наша палета на слушалки.

Прикажани се моделите 1000X THE COLLEXION, WF-1000XM6 и LinkBuds Clip од Sony, за кои се користи рециклирана пластика

Одржливо пакување

Нашата кампања за одржливи пакувања опфаќа неколку нови и тековни иницијативи.

Иницијативи за нови модели

Проширување на рециклирањето низ нашата палета на производи

Во целите за еколошко управување за 2030 година спаѓа создавањето пакувања без пластика за производи со тежина од 5 кг или помалку, како и намалувањето на употребата на нерециклирана пластика во производите на 30% или помалку. Со секој нов дизајн за слушалки од Sony, ние ја прошируваме употребата на обновливи материјали за пакување и се стремиме да ги постигнеме овие цели порано од предвиденото.

Инфографика на која е прикажан планот на Sony за пакувања без пластика, кој води кон исполнување на целите на еколошкото управување за 2030 година, и кој ги опфаќа моделите WH-1000XM6, WF-1000XM6 и LinkBuds Clip

Одржливи хартиени материјали

Континуирано ја прошируваме употребата на ексклузивната одржлива хартија на Sony, наречена „оригинален комбиниран материјал“, за пакување на нашите слушалки. Оригиналниот комбиниран материјал е одржлив хартиен материјал, кој содржи материјали како бамбус, влакна од шеќерна трска и рециклирана хартија од потрошувачки отпад.

За „оригиналниот комбиниран материјал“

Кружен графикон на кој се прикажани материјали кои може да се рециклираат, како дрво и хартија, заедно со футролата за слушалките WF-1000XM6 од Sony

Градиме одржливо наследство

Пакувањето на WF-1000XM4 од Sony е направено од оригиналниот комбиниран материјал, кој е составен од бамбус, влакна од шеќерна трска и рециклирана хартија од потрошувачки отпад

Почнувајќи од моделот WF-1000XM4 (2022 година), оригиналниот комбиниран материјал го користиме за сите делови на пакувањето, освен за етикетата

Кутијата на производот WH-1000XM5 од Sony е направена со оригинален комбиниран материјал, а на неа е гравирано логото за одржливост

Почнувајќи од моделот WH-1000XM5 (2022 година), за кутиите на нашите производи го користиме оригиналниот комбиниран материјал

Целосен приказ на MDR-EX15AP, со сите варијанти на бои

Тука спаѓаат и постојните производи

Како дел од нашите обемни напори за обновливост, го менуваме надворешното пакување на постоечките модели од пластично во хартиено.

Пакувањето на секој модел ја намалува употребата на пластика за повеќе од 90%⁰.

Цртеж за споредба на употребата на пластика и намалувањето од над 90%

Споредба за употребата на пластика

[1] Пред обновувањето [2] По обновувањето

Пакувањето на MDR-EX15AP пред обновувањето (пластика) и по обновувањето (хартиена основа)

Општ приказ на пакувањето на MDR-EX15AP

[1] Пред обновувањето [2] По обновувањето

Помалку пластика за полесно рециклирање

Дизајнот на поединечните пакувања претходно содржеше PP-завршен слој (пластичен)⁰ што спречуваше рециклирање. Тој е заменет со слој што е отпорен на абразија и овозможува пакувањето да се рециклира¹.

Цртеж за споредба помеѓу стандардниот процес за пластифицирање со PP и новата техника за печатење и нанесување UV-слоеви, наменета за картони кои може да се рециклираат — [1] Процес на пластифицирање хартија⁰ со PP [2] Нанесување UV-слој¹ со технологија за печатење

Интервју

Makoto Kawabata

Sony Corporation,
Home Entertainment & Sound Products Business Group,
Mobile Product Business Division, Mobile Product Mechanical Design Department

Според својот еколошки план „Road to Zero“, групацијата Sony има за цел да го намали трошењето ресурси и веќе долго се обидува да воведе рециклирани материјали во своите аудиопроизводи за во домот и други производи. Меѓутоа, кога станува збор за ABS-пластика, која главно се користи за слушалките, недостатокот на рециклирани материјали на пазарот, кои имаат висок квалитет и висока стапка на рециклирање, го забави воведувањето рециклирани материјали во производите. Поради тоа, создадовме рециклирана ABS-пластика што е лесна за користење и има висока стапка на рециклирање.

Во соработка со партнерите, создадовме рециклирана ABS-пластика што може да се бои со различни бои без додавање нерециклирана пластика, преку прецизно сортирање по боја на отпадниот ABS-материјал без пигмент. За LinkBuds се обидовме да создадеме деликатен изглед сличен на нерециклираната ABS-пластика, што беше тешко да се реализира со стандардна рециклирана ABS-пластика.

Почнавме да ја воведуваме оваа рециклирана ABS-пластика во многу модели на слушалки. Ќе продолжиме да се справуваме со предизвиците од планот „Road to Zero“.

Mio Nakanishi

Sony Corporation,
Home Entertainment & Sound Products Business Group,
Mobile Product Business Division, Mobile Product Planning Department

Sony прави промени на своите слушалки, како кај новите, така и кај производите што веќе се на пазарот, за целосно да ја елиминира пластиката од нивните пакувања. Отстранувањето на пластиката што се користи за пакувањата во целост не е лесна задача, бидејќи е скап процес и улогата на пакувањата е различна во зависност од карактеристиките на производот, продажните услови и потрошувачите. Меѓутоа, веруваме дека успеавме да создадеме безбедно пакување за животната средина без да ја намалиме функционалноста или изгледот, токму поради тоа што Sony ја зема предвид животната средина уште од првите фази на создавање на производите.

За новиот модел WH-1000XM5, Sony ја употреби ексклузивната хартија од оригинален комбиниран материјал за кутијата на производот и ова е првиот модел што го носи логото „Original Blended Material“. Дизајнот претрпе големи промени во споредба со претходниот модел WH-1000XM4, а пакувањето беше дизајнирано да ја отслика зголемената заштита за животната средина.

Веруваме дека за да го реализираме циклусот на одржливост, а притоа да создаваме производи, потребно е и корисниците да ги рециклираат своите производи за да го затвориме циклусот. Ние ќе продолжиме да истражуваме и да произведуваме производи што ќе бидат соодветни за планетата.