Z9K SERIES

Извонредно реална 8K-слика, врвна светлина и контраст

Нова генерација на слика и звук со когнитивна интелигенција.

Ново ниво на слика и звук со Cognitive Processor XR™. Нашиот револуционерен процесор во телевизорите BRAVIA XR™ од Sony репродуцира содржини на ист начин како што гледаат и слушаат луѓето, за да добиете неверојатно реално доживување. Тој разбира како фокусира човечкото око и врши вкрстена анализа на сликите за да создаде реална длабочина, извонреден контраст и прекрасни и живописни бои.

Почувствувајте реална длабочина со беспрекорен контраст и светлина

XR Backlight Master Drive користи уникатен алгоритам за локално затемнување што контролира илјадници мали и густо распоредени мини LED-светилки со апсолутна прецизност и независност. Ја фокусира светлината за да понуди максимална осветленост речиси без одблесоци или светлосни прстени. Сцените се исполнети со прекрасни светли тонови, длабоки црни тонови и природни средни тонови.

Широка палета на бои за реални тонови и нијанси

Благодарение на Cognitive Processor XR™, XR Triluminos Pro му овозможува на Z9K да прикаже повеќе од милијарда бои и да ги репродуцира боите со дискретни разлики како во реалниот свет. Заедно со нашиот екран со широка палета на бои и интелигентен процесор, тој ги открива боите преку заситување, тонови и светлина за да создаде природни нијанси во сите детали.

Обновување изгубени текстури, сите содржини подобрени до 8K

Со XR-подобрувањето на квалитетот до 8K ќе добиете забава со приближен квалитет до 8K, независно од содржината или изворот. Нашиот Cognitive Processor XR™ обработува огромни количини на податоци и интелигентно ги обновува изгубените текстури и детали за да добиете реални слики.

Интелигентна обработка на движењата за сцени со брзи движења без заматување

Гледањето спорт и акциони филмови штотуку стана многу подобро. Нашиот Cognitive Processor XR™ со XR Motion Clarity™ ги анализира движењата во повеќе кадри за да создаде јасни, осветлени и остри движења.

Звук од екранот со високотонци во рамката

Нашата технологија Acoustic Multi-Audio™ користи четири високотонци во рамката за да репродуцира високофреквентни звуци од соодветно место во сцената што се прецизно усогласени со случувањата на екранот. Со сабвуферите насочени нанапред ќе добиете моќен бас, независно каде ќе го ставите телевизорот.

Сета ваша забава надградена со 3D-опкружувачки звук

Сите содржини што ги гледате ќе добијат реалистичен опкружувачки звук со BRAVIA XR™. XR Surround создава виртуелен опкружувачки звук од страните и вертикално користејќи ги звучниците на телевизорот, за да уживате во 3D-звук без звучници на таванот или звучници насочени нагоре. Нашите телевизори BRAVIA XR™ се компатибилни и со Dolby Atmos®.

Оптимално доживување при гледањето, независно каде седите

Поврзете го вашиот телевизор BRAVIA XR со испорачаната BRAVIA CAM и уживајте во телевизијата како никогаш досега. BRAVIA CAM препознава каде се наоѓате во просторијата и колку сте оддалечени од телевизорот, а потоа соодветно ги прилагодува поставките за звукот и сликата. Тоа значи дека звукот и дијалозите ќе бидат појасни и пореални, а светлината на сликата ќе се прилагоди кон вашето опкружување.

Сите слики ќе се оптимизираат според вашата положба во собата

BRAVIA CAM го мери растојанието помеѓу вас и вашиот телевизор и ја прилагодува неговата светлина за да уживате во слика со совршен квалитет секогаш, независно од вашата положба во собата. Сензорот за светлина и бои на телевизорот ги оптимизира сликите според осветлувањето за да обезбеди најдобро можно доживување при гледањето.

Идеално звучно доживување од секое место

BRAVIA CAM ве следи вас и вашата положба, дури и ако гледате од страна, а потоа го прилагодува балансот на левиот и десниот звук за да добиете оптимална акустика. Независно каде седите во собата, ќе уживате во звук со ист квалитет како да седите пред телевизорот.

Слушајте јасни гласови, независно каде се наоѓате

BRAVIA CAM открива на која оддалеченост гледате и може автоматски да го прилагоди зумот на гласовите за да слушате јасни дијалози. Јачината на дијалозите на телевизорот се зголемува кога се оддалечувате од телевизорот и се намалува кога се доближувате.