Пристапност за сите,
независно од вашите потреби
Веруваме дека технологијата треба да го направи светот поинтерактивен, покреативен, позабавен и сеопфатен. Сеопфатниот дизајн што ги зема предвид потребите на луѓето и што го применуваме за нашите аудиопроизводи, ни помага да го пренесеме нашето доживување Kando на сите корисници, независно од нивната возраст, способност или опкружување.
Помош при гледање
Добијте визуелна поддршка со овие функции и апликации
Интуитивно пакување
Нашето пакување го дизајнираме да биде практично за отворање и лесно за читање. Текстот со поголем контраст и подобрениот дизајн на сечење го олеснуваат отворањето.0
Водич за QR-кодот
За да им помогнеме на луѓето со оштетен вид да го пронајдат QR Code, кој нуди инструкции за поставување, додадовме опиплив раб околу кодот, за да може лесно да се пронајде со допир.
Дизајн од отворен вид
LinkBuds Clip се отворени слушалки во вид на штипка, кои ви овозможуваат да уживате во музиката и содржините, а воедно и да бидете свесни за вашето опкружување. Тие се удобни за сите, вклучувајќи ги и луѓето со оштетен вид и луѓето кои не сакаат да носат слушалки за во уво.
Практични за носење
Нашите слушалки се внимателно дизајнирани, за да може лесно да ја препознаете нивната форма со допир, без разлика дали допирате лево и десно, горе и долу, или напред и назад. На пример, предната и задната страна на слушалките WH-1000XM6 е лесно препознатлива со допир, а нашите потполно безжични модели имаат опиплива точка на левата слушалка за да ја разликувате левата од десната страна.
Потпомогната контрола за вашиот Walkman®
Функцијата за читач на екранот TalkBack0 ќе ви овозможи пристап до информациите и функциите на екранот без потреба да гледате во екранот и без прецизна контрола на допир врз екранот. Откако ќе ја вклучите функцијата за читач на екранот TalkBack, со движење два прсти нагоре или надолу по екранот ќе го промените приказот на екранот и уредот ќе ви ги прочита имињата на функциите и поставките што може да ги користите. Имајте предвид дека со стандардните копчиња на уредот сè уште ќе можете да ги активирате функциите како прилагодување јачина на звукот, повторна репродукција, запирање, премотување нанапред и премотување наназад.
Едноставна контрола на слушалките со Sony | Sound Connect
Апликацијата Sony | Sound Connect ја поддржува функцијата за читач на екранот0 која е достапна кај паметните телефони, за да овозможи пристапна контрола. Приспособете ги поставките и звукот на вашите слушалки според вашите желби и потреби со помош на апликацијата Sony | Sound Connect.
Дознајте за Sony | Sound Connect
Едноставна и безжична контрола на звучниците преку Sony | Music Center
Sony | Music Center ја поддржува функцијата за читач на екранот0 што е достапна кај паметните телефони. Таа ги обединува сите функции за слушање на едно место и ви нуди лесна контрола на функциите на безжичниот звучник, овозможувајќи ви директно управување со уредите преку вашиот паметен телефон.
Дознајте за Sony | Music Center
Помош при слушање
Контролирајте го звукот и прилагодувајте го по ваша желба
Приспособен звук за сите слушатели
Слушалките од Sony издадени по WH-1000XM6, вклучувајќи ги и потполно безжичните модели, поддржуваат 10-појасен еквалајзер. Тој им овозможува на корисниците да го приспособат звукот со нивниот личен профил за слушање, вклучувајќи ги и луѓето со оштетен слух, што резултира со подобрување и на пристапноста и на удобноста при слушањето.
Слушајте повеќе звуци од светот околу вас
Режимот за амбиентален звук0 ќе ви овозможи да го слушате светот што ве опкружува, дури и кога уживате во вашата музика. Апликацијата Sony | Sound Connect ќе ви овозможи да го приспособувате амбиенталниот звук во 20 нивоа, а може и да ја користите опцијата за фокусирање гласови за да разговарате без да ги вадите слушалките.
Безбедно слушање со препораки од СЗО
Вашите слушалки се уште подобри со апликацијата Sound Connect. Нејзиниот едноставен и интуитивен интерфејс ви овозможува да го приспособувате звукот детално, да поставувате кратенки и да ја прегледувате вашата неодамнешна историја на слушање. Исто така, безбедното слушање ви помага да ги почитувате навиките за здраво слушање препорачани од СЗО.
Помош при движење
Ракувајте полесно со вашиот уред благодарение на многубројните практични функции
Отворање, затворање и носење без напор
Слушалките WH-1000XM6 имаат магнетно затворање за побрзо и полесно пристапување и складирање, кои се практични за сите луѓе, вклучувајќи ги и оние со оштетување на видот или со ограничена подвижност на рацете. Слушалките од Sony, вклучувајќи ги и потполно безжичните модели и моделите за поставување преку уво, се дизајнирани за лесно отворање.
Гласовна контрола
Користете го вашиот глас за репродукција и паузирање на музиката, за прескокнување песни, за приспособување на јачината на звукот и за избирање помеѓу функцијата за поништување шум или режимот за амбиентален звук, без да го користите вашиот паметен телефон. Гласовната контрола функционира кога се приклучени компатибилни уреди, вклучувајќи паметни телефони, компјутери и уреди за играње игри.
Speak-to-Chat за попрактично користење
Функцијата Speak-to-Chat ги користи вградените микрофони и врши напредна обработка на аудиосигнали за да го препознае и да реагира на вашиот глас. Штом почнете да разговарате со некого, функцијата Speak-to-Chat ќе ја паузира музиката и ќе ги пропушти амбиенталните звуци. Потоа, кога ќе завршите со разговорот, музиката автоматски ќе продолжи да се репродуцира01.
Функцијата за слушање врз основа на сцената автоматски се приспособува кон тоа што го правите
Функцијата за слушање врз основа на сцената ви помага да слушате музика и информации, без потреба да интервенирате. Таа го открива вашето однесување и автоматски избира помеѓу поништување шум и режим за амбиентален звук, и ја адаптира репродукцијата на музиката според вашето опкружување, вашите активности и вашите регистрирани локации, без потреба да ги контролирате слушалките.
Контрола на дофат на вашите прсти
Слушалките имаат интуитивни контроли на допир, за да може да избирате помеѓу поништување шум и амбиентален звук, репродукција или паузирање на музиката и прескокнување песни, само со допирање на слушалките од страна. Исто така, „Quick Access“ ви овозможува да контролирате компатибилни апликации со ракување на вашите слушалки.
Контрола без напор, само со мрдање на главата
Контролата со гестикулации со глава ви овозможува да одговарате или отфрлате повици и да користите Auto Play, без да го подигнете прстот. Останете поврзани и имајте контрола, каде и да сте.0
Брзо внимание
Ако треба да ги слушате звуците од вашето опкружување, тогаш ставете ја дланката врз куќиштето на слушалката или самата слушалка0 и со тоа ќе ја намалите музиката за да ги слушате амбиенталните звуци.
