Сè кај Cyber-shot е подредено на снимањето на незаборавните моменти без разлика на времето и местото на случување. Отсега повторното доживување на вашите скапоцени спомени ќе добие сосема нова возбудлива димензија.

Новите стилски Cyber-shot T200 и T70 располагаат со Photo TV HD излез.

Ова ќе ви овозможи да уживате во големите и прекрасни снимки со Full HD резолуција на кој било BRAVIA телевизорот или HD Ready екран.

Ќе ви биде потребен дополнителен HD VMC-MHC1 излезен кабел за поврзување на фото апаратот со HD телевизорот.

Вие ќе бидете воодушевени кога ќе ги видите вашите снимки во кристално јасната 1920 x 1080 резолуција (во зависност од спецификациите на HD екранот) со неверојатен приказ на најситните детали.

Снимките исто така можете да ги погледнете во облик на HD слајд-шоу презентации, кои можете да ги разубавите со бројните ефекти на премини и однапред зададени музички теми.

Дури ќе можете и да ги вметнете вашите омилени песни од PC добивајќи совршена музика во заднина.

T200 и T70 се одликуваат со извонредно јасен и голем 16:9 екран на допир. Режимот на фотографирање 16:9 ви нуди снимки со широк формат со исти пропорции како и вашиот HD телевизор.

Ова е одлично за пејзажи, панорамски снимки и групи со повеќе луѓе кога не сакате никого да изоставите од кадарот.

Дури и ако претпочитате да фотографирате во ‘традиционалниот’ 4:3 режим, Wide Zoom функцијата автоматски ги прилагодува снимките според пропорциите на вашиот HD екран.