Графички силуети

Снимки кои воодушевуваат

Сте посакале ли да снимате прекрасни силуети – кај кои објектите се снимени така да се прикажуваат само контурите? Во овој водич научете ги едноставните тајни: поставете се во вистинската позиција и користете заклучување на автоматската експозиција.

Еве како:

Пронајдете објект со јасни интересни контури како кубе од катедрала, статуа на отворен простор или дрво со интересни гранки.
Најдете точка на гледање од која заднината ќе биде чиста, како на пр. сино небо: по можност застанете во сенката на објектот.
За понапредни ефекти, обидете се со исполнети заднини како лисје или трева, но погрижете се тие да бидат заматени (ограничена длабочина на полето) за да не го одвлекуваат вниманието од силуетата.
Користете го светлото небо за поставување на експозицијата: исчитајте светол дел од небото, задржете го копчето за бленда притиснато до половина или задржете го AEL (автоматско заклучување на експозицијата) копчето и променете ја композицијата.
Експериментирајте со EV +/- (вредност на експозиција) параметрите со цел главниот објект да биде целосно црн.
Најдобри силуети ќе добиете доколку фотографирате наспроти сонцето (погледнете го горниот пример).

Искуства и совети:

Фокусирајте прецизно и со доволна длабочина на полето за да го опфатите објектот без да се фокусираат несаканите детали: заматените контури ќе ја расипат силуетата.
Синото небо и другите заднини во боја даваат подобри резултати во споредба со рамномерното облачно небо. Но небото со интересни облаци може да даде извонредни резултати.

Нестрпливи сте да дознаете повеќе?

Експозиција

Системите за автоматска експозиција се прецизни при пресметка на степенот на експозиција. Сепак, тие не можат да ја предвидат вашата креативност. За прилагодување кон вашиот вкус или за специјални ефекти, може да ги промените параметрите на апаратот.

Дознајте повеќе

RAW

Сите Sony DSLR фото апарати ви нудат избор: снимање во JPEG формат за поголема брзина и практичност, или снимање во RAW формат за врвен квалитет. За кој формат ќе се одлучите зависи од вашите фотографски потреби и од пристапот до компјутерите.

Дознајте повеќе