Експозиција

Врвно значење за квалитетот

Системите за автоматска експозиција се прецизни при пресметка на степенот на експозиција. Сепак, тие не можат да ја предвидат вашата креативност. За прилагодување кон вашиот вкус или за специјални ефекти, може да ги промените параметрите на апаратот.

Или можеби ќе сакате целосно да ја преземете контролата и рачно да ја поставите експозицијата. Дури и во овој случај, Sony DSLR фото апаратот ќе ве води низ постапката.

Експозицијата е релативна

Нормалната експозиција има за цел да ги прикаже тоновите на сцената токму онака како што ги гледате. Особено средните тонови: како кожата со светол тен, зелената трева и лисјата.

Доколку ја снимите сцената со најсоодветната експозиција, подоцна ќе имате помалку работа. Притоа ќе го задржите високиот квалитет на сликата.

Но експозицијата која е најдобра за одреден објект зависи од тоа што сакате да нагласите.

За драматични портрети и внатрешни сцени, темните тонови можат да бидат помоќни.
За снимки во природа и свадби, светлите тонови често даваат одлични резултати.

Потемно значи побогато

Снимките кои се потемни од нормалното ниво не значи дека имаат погрешна експозиција. Намалената експозиција – т.е. помалиот прием на светлина од нормалниот – ги прави боите побогати и со посилен контраст.

Се добиваат длабоки сенки за повеќе графички ефекти, но одредени детали можат да се загубат.
Светлите делови може да не бидат толку бели, при што се подобруваат боите.

Посветло значи полесно

Снимките кои се посветли од нормалното ниво не значи дека имаат погрешна експозиција. Зголемената експозиција – т.е. поголемиот прием на светлина од нормалниот – ги прави боите да бидат пастелни со можност за подобро меѓусебно усогласување.

Сенките се осветлени, со што се откриваат повеќе детали.
Светлите делови можат да станат чисто бели и да ги загубат боите и деталите: Преголемите загуби тешко може да се надоместат преку манипулација со сликата.

Сакате и самите да се обидете? Еве како:

Можете да го деактивирате автоматското поставување во кој било режим на автоматска експозиција (на пр. A, P, S и сите режими на сцени) на кој било Sony DSLR фото апарат.
Прочитајте на екранот од апаратот што сте поставиле: со параметарот "минус" се намалува експозицијата, со "плус" се зголемува.
Исто така можете да го користите AEL (заклучување на автоматската експозицја) копчето за да ја фиксирате вредноста за експозицијата.
За подолга експозиција, насочете го апаратот кон темен објект, задржете ја вредноста во меморијата со помош на AEL копчето, променете го кадарот и фотографирајте.
За пократка експозиција, насочете го апаратот кон светол објект, задржете ја вредноста во меморијата со помош на AEL копчето, променете го кадарот и фотографирајте.

Забележете
... со параметарот "минус" можат да се подобрат боите и драматичноста на сликата.
... со параметарот "плус" се ослабуваат боите и се добива "разводенета" слика.

Практични совети и трикови

Почесто деактивирајте го автоматското поставување и експериментирајте.
Групирајте ги снимките по експозиција: направете серија снимки на ист објект со прекумерна и недоволна експозиција.
Користете недоволна експозиција за длабоки бои.
Избегнувајте ја прекумерната експозиција за да ги зачувате важните детали.

Нестрпливи сте да дознаете повеќе?

ISO

ISO вредноста не е само основен параметар, туку може да се користи и како креативна алатка. Во овој водич ќе ви покажеме како динамички да ги користите ISO параметрите за да ја постигнете саканата цел при фотографирањето.

Дознајте повеќе

HDR

Тука ќе можете да научите едноставна техника за снимање, за добивање на навистина прекрасни фотографии. HDR е вистински хит откако фотографите ги открија уникатните визуелни ефекти што ги нуди оваа техника.

Дознајте повеќе