Зарем не би сакале да гледате навистина големи слики?

Обичните фото апарати ретко го доловуваат ефектот на прекрасните пејзажи, видиците на градовите и високите згради. Дури и ако имате широкоаголен објектив, тешко ќе можете сите содржини да ги опфатите во кадарот и правилно да ја доловите сцената.

За да опфатат повеќе содржини во сликата, фотографите обично користат трик со снимање на повеќе слики, поместувајќи ја позицијата на апаратот за снимање на различните делови од сцената. Овие снимки потоа се комбинираат за креирање на една многу голема слика. Но ова е напорен рачен процес за кој се потребни вештини и трпение за спојување на сликите, при што местата на спојување остануваат видливи.

Сега постои забавен и едноставен начин за креирање на беспрекорни ултра широки слики со огромно видно поле до 224 степени. Режимот на панорама ја отстранува макотрпната работа за добивање на совршени панорамски снимки. Најдобро од сè, не ви е потребен PC или специјален софтвер: сè се извршува во внатрешноста на апаратот.

Режимот на панорама е ексклузивна функција на Sony која за првпат се воведува кај Cyber-shot™ HX1. Ова е првиот компактен фото апарат на светот кој автоматски врши брзо снимање и комбинирање на група слики со висока резолуција.

Едноставно притиснете го копчето за бленда и движете го апаратот одлево надесно опфаќајќи ја саканата сцена. Можно е и вертикално користење, со движење на апаратот нагоре и надолу за добивање на драматични снимки на високите згради.