Со растот на вашата мултимедијална збирка, пронаоѓањето на саканиот спомен помеѓу стотиците или дури илјадниците зачувани на вашиот хард диск станува сè потешко.

Каде ли се сликите од роденденот? Или пак фотографиите од венчавката? А каде се наоѓа видео снимката од одморот во Нов Зеланд?

Picture Motion Browser е практична PC апликација која од вас ќе ја превземе напорната работа за организирање на мултимедијалните збирки. По инсталирањето се врши индексирање на сите дигитални фото и видео снимки кои се складирани на вашиот Cyber-shot фото апарат или на вашиот хард диск.

Брзо и едноставно пребарување

Со календарскиот преглед, сите ваши фотографии и видео записи се подредуваат според датум: ова е одличен начин за да запомните што сте правеле на одреден датум. Алтернативно, вие ќе можете да ги пребарувате фолдерите кои овозможуваат полесно наоѓање со имиња како ‘ден на венчавка’ или ‘Божиќ во Нов Зеланд’.

Пронаоѓањето на саканите спомени никогаш не било толку лесно. Picture Motion Browser автоматски ги пронаоѓа сликите и видео снимките кои се означени како ‘Омилени’. Исто така можете да ги пребарувате фотографиите и видео снимките означени како ‘Семејство’ или ‘Патувања’.

Кликнете на одредена слика која содржи нечиј лик и притиснете на ‘Пребарување на лице’. Picture Motion Browser веднаш ќе ги пронајде сите фотографии и видео снимки со тоа лице. Исто така можете да пребарувате пејзажи, групи на луѓе или насмевки.

А доколку имате GPS уред од Sony, вие ќе можете да ги видите сите фото и видео снимки прикажани на интернет мапи овозможени од Google.

Споделете ги спомените

Би сакале да ги споделите вашите омилени моменти со семејството и пријателите? Picture Motion Browser ви овозможува сликите и видео записите да ги снимате на диск или да ги испратите на пријателите со само неколку кликнувања со глувчето. Пред испраќањето фајловите автоматски се компресираат за да се намали големината на прикачениот фајл. Исто така, сосема е едноставно и преснимувањето на фото и видео снимките на популарните веб-сајтови за споделување.

Немојте да ја задржувате вашата дигитална мултимедијална збирка само за вас. Позабавно е доколку ја споделите со помош на Picture Motion Browser.

Надградете го вашиот Picture Motion Browser со најновата верзија

Запознајте се со PMB на Cyber-shot™ T700