Следењето на информациите што ви се потребни станува сè потешко бидејќи секој ден се појавуваат нови веб сајтови. Нивното пребарување е навистина напорно, а вие всушност повеќе би сакале најновите информации да ви бидат директно испратени.

RSS (Really Simple Syndication - сосема едноставно објавување) ви овозможува да дознаете кога вашите омилени веб сајтови имаат објавено нови содржини. На едно место ќе добиете увид во најновите информации како на пр. главни настани, статии, аудио фајлови, фотографии и видео. Така, повеќе нема да морате секој ден да ги разгледувате бројните веб страници.

RSS претставува едноставен начин да бидете во тек со вашите омилени веб содржини. RSS функционира преку канали на кои што треба да се регистрирате на вашите омилени веб сајтови. Овие канали можат да се прегледуваат со помош на програма за читање на RSS. Sony.co.uk е само еден од бројните веб сајтови што овозможува RSS и понудени се RSS канали за сите наши области. RSS каналите се бесплатни и сајтот на Sony во моментов користи RSS 2.0.

Како да започнам?

Да почнеме со ред. За да можете да уживате во придобивките од RSS, ќе ви биде потребна програма за читање вести, која всушност претставува едноставен и бесплатен софтвер. Вашата програма за читање вести ќе ги провери RSS каналите и веднаш по објавувањето на нови содржини таа ќе ви овозможи да ги прочитате, и тоа токму оние содржини за кои сте се регистрирале.

Постојат различни програми за читање вести за различните оперативни системи, така што ќе треба да се одлучите за некоја што ќе може да работи на вашиот компјутер. Постојат повеќе типови на програми за читање вести. На нив можете да им пристапите преку вашиот пребарувач, или пак можете да ги превземете од интернет. Доколку изберете да им пристапите на RSS каналите преку вашиот пребарувач, тогаш ќе можете да ги прегледувате најновите содржини од кој било компјутер. Ако решите да превземете апликација за читање на RSS каналите, тогаш ќе можете да ги снимите содржините на вашиот компјутер слично како и кај e-mail сметките. Откога сте избрале програма за читање вести, ќе треба да се регистрирате за RSS каналите кои би сакале да ги читате.

Доколку сакате да бидете во тек со промовирањето нови производи од Sony, ќе треба да се регистрирате на каналот за Sony производи на www.sony.co.uk.
Можете да се регистрирате на повеќе начини, преку влечење на URL линкот на RSS каналот директно во програмата за читање вести, или со операцијата "исечи и залепи URL" во програмата за читање вести.

Користењето на RSS е навистина многу едноставно и ќе претставува револуција на начинот на кој ги разгледувате интернет содржините. Повеќе нема да мора долго да ги пребарувате различните веб страници во потрага по интересни содржини. Наместо тоа, сите новости за кои сте заинтересирани дирактно ќе ви бидат достапни веднаш по објавувањето.