Потеклото на зборот „Sony“

Името „Sony“ е креирано од два одделни збора. Едниот е латинскиот збор „sonus“ кој е корен на зборовите како „sound” и „sonic“. Другиот е „sonny boy“, популарен исказ кој се користел во Јапонија во тоа време и означувал млад човек со слободен и пионерски дух. Зборовите се искористени за да покажат дека „Sony“ е група од млади луѓе кои имаат енергија и страст кон бесконечна креација.

Историјата на Sony

Основана во Токио во 1946, Sony беше замисла на двајца луѓе. Масару Ибука, инженер, и Акио Морита, физичар, инвестираа сума еквивалентна на 190,000 јени за да започнат компанија со 20 вработени, поправајќи електрични уреди и обидувајќи се да создадат свои.

Приказната за успехот започнува во 1954 кога Tokyo Tsushin Kogyo K.K., или Tokyo Telecommunications Engineering Corporation, како што компанијата беше именувана, доби лиценца за изработка на транзистори. Транзисторот беше откриен во Америка но не беше вградуван во радијата, кои беа изработувани со цевки. Во мај 1954 година, Sony го лансира првиот јапонски транзистор, а следната година и првото радио целосно базирано на транзистори.

Оттогаш многу малку компании успеаа да му парираат на Sony во поглед на инвентивноста и иновацијата. Значителните иновации на Sony ги вклучуваат: Тринитрон колор телевизорот во 1968 година, колор видео касетата во 1971, Бетамакс видео рекордерот во 1975, Walkman-от во 1979, 3.5 инчниот флопи диск во 1989, електронската камера во 1981, првиот CD плеер во светот во 1982 и првата видео камера за широка употреба во 1983, 8мм видео во 1988, првиот дигитален VTR во 1985 и така натаму се до денешни дни.

Во речиси 60 години откако компанијата почна да тргува, таа нарасна од 20 вработени на повеќе од 160.000 луѓе ширум светот.

Sony е интернационална компанија – Акио Морита уште од почетокот осозна дека неговата комапнија треба да го третира целиот свет како нејзин пазар и да не ги ограничува активностите само на Јапонија. Тој инсистираше името Sony да биде на сите производи на компанијата.

Sony Корпорацијата во Америка беше формирана во 1960, а Sony Велика Британија беше основана во 1968. Кога продуктите ќе беа продадени во одредена држава, логично беше да се произведуваат и локално. Производствен центар беше вопоставен во Сан Диего во 1972, по кој во 1974 следеше фабрика во Бриџенд за да од неа се опслужува Велика Британија и Европа.

За повеќе детали ве молиме да погледнете на:
The Founding Prospectus of Tokyo Tsushin Kogyo